من روائع الحكمه

[معلومات العضو خاطر محمد الخاطر]

السلام عليكم ورحمة الله وبركاته ,,

هذي قصيده حبيت انقل لكم اياها وهي للشاعر الشيخ حمد بن سعود آل عبدالرحمن آل ثاني وهي من روائع الحكمه التي قالها الشاعر الذي تشهد له قصائده الجميله والتي غنا بعضها الفنان الراحل طلال مداح
يقول الشاعر

يـالله ياللـي مـارجـيـنـا بـدالــه =يا فالـق الاصـبـاح يا مبـدل الحـال
يا حـق يا مـرسـي رواسـي جبـالــه=يـا باسـطٍ سبـع ٍ وسبـع لـه اظــلال
يا مـن كشــف ليـوب والضـر زالـه =يا مـظهـرن يوسـف من الجـب بـحبـال
يا منـزلـن سـبـع المـثاني دلالــه =وانـزل كتـابه فيه تـحديد لعـمال
تـفـرج لـمـن قلبه تزايد جدالـه =سـلطـان فكـره بـيـن نـازل ورحال
واجهـت مـن عـسر الليالـي نـكالـه =وادركـت فيـها ما تـخبـيـها الانذال
وعانيـت فيـهـا ما تـعاني رجـالـه= لانـي بـها الاول ولاني بـها التــال
فيـها عـزيز النـفـس يبـلـش بـحاله =وانذالـهـا مـن مكـسـب الذل تكتـال
بــعـض الرجال يـظـن وزنه بـمـالـه =ما يعـرف ان العجــز مثله لـهن مـال
وخــلاف ذا يا مسـتمــع للـرسـالــه =ايــجــاز مبدا واحـد عنه ما حــال
فيـهــا لصافيــن السـراير عـماله= لا ضـاعت العـملـه مـع مـعرب الخـال
لا تفتـكــر نـهـج التـملـق رجالـه =ونـقـل السوالف يوصل الحبـل بحبــال
نقل الســوالف جر ذيل الرذالــه =وثوب الردى حتمن على الستر ينجال
واللي يبـي من منهـج الذل قالـه =اخطا الـهدف واصبح ذليل ومن محتال
ومن أنكر اصله ظل واترك مـجاله =عده فقيـد ترتـجي فيه الابــدال
ولعـل فـرع ما يظـل اظـــلاله =ولابه ذرى وان هبت الريح ميال
عسـى صروف الدهر تقطـع اجلالـه= ويـخر من عالي فروعـه إلى الجـال
واذا حضـرت بـمجلـس به جدالـه =وطال الـحديث وحل تفكيك الاقفال
اصحـى طويل الصـوت لا جـا مجالــه= يـخـدعك بقـواله وتصـدم بالافعـال
يلـزمك تطلب عـن سجلــه رسالــه =وتعـرف فيهـا عن سلوكــه ولحــوال
واذا تضـح لـك ما خـفا مـن خلالــه= كيـل التـعامــل قـدر وزنه بـمكيال
كـم واحـدٍ يطـغـى الشـره في مـقالـه =واذا سـمعـتـه قلـت ذا قـول رجــال
واذا الـزمــت واستـورطـت به حبالـه =عــود ذليـلٍ نـاكــسـن دون الاقــوال
يبغــي يسجـل ما قف من هبالــه= ما يدري ان تفعيل قوله له اقبال
ومن يكتـفي في مدح ابوه وخواله= لا نال مـجد ولا سـلم هــم وهبال
الـمرجلـه مـرقى صعيـبٍ منالـه =ما هيب فـي عـد الماثر والاجيال
ولا كل مـن يطـلب ذرى الـمجـد ناله =الا الذي يـوثر على النفـس والحــال
وكل تعـرف النـاس طبعـه وحالـه =وتلبـسـه ثوبٍ على الـقد تفصــال
ويـاك لا تسـمـع قليـل الـجماله =اللـي سـتـر حقـده بثـوبٍ وسربال
يطـمـح لـحمد ولا سعـى فـي وصاله =يريد شكـر ولا فعـل ربـع مثــقال
أكـذب كـذوب وحـب نفسـه بدالــه =ولا لـه بـهـم الـغير هـم ومدخال
فعلـه خبـيـث لو يـزخـرف مـقالـه =خله وطـبعـه عنـك يا طيـب الفـال
يظــن مـحـد عـارف مـا بـدالــه =والناس تدري عن جديده والاســمال

 

 

 

 

[معلومات العضو نايف]

صح لسان الشاعر وبيض الله وجهك على المشاركه القيمه والرائعه


تقبل تحياتي ،،،،

 

 

 

 

[معلومات العضو خاطر محمد الخاطر]

ووجهك ابيض يا اخ نايف

ولاهنت على الرد

 

 

 

 

[معلومات العضو العماني]

صح الله لسان الشاعر الشيخ حمد بن سعود آل ثاني ولسانك يابومحمد ولاهنت على المشاركة الاكثر من رائعه وعوايدك ما تجيب الا الجزال يابومحمد

تقبل تحياتي،،

 

 

 

 

[معلومات العضو خاطر محمد الخاطر]

صح الله بدنك يابومبارك
والله لايهينك على الرد الطيب

 

 

 

 

[معلومات العضو عبدالرحمن الشرافي]

أخوي \ خاطر..

الله لا يهينك

على إيراد هذه القصيدة الجزله..




ننتظر جديدك يا ذيبان..




تقبل تحياتي..

 

 

 

 

[معلومات العضو المستشار الدوسري]

أخوي خاطر بيض الله وجهك وماقصرت


مشكووووور وتقبل تحياتي

 

 

 

 

[معلومات العضو خاطر محمد الخاطر]

السلام عليكم

عبدالرحمن الشرافي
المستشار الدوسري

الله لايهينكم على هذا الرد الطيب وعلى هذا المرور الكريم