و وشلون قلبك شايل اليوم غمّه // مادام لك بين الدواسر ولد عمّ !

**معلومات** **العضو** · 26-01-2009, 10:47 AM

السلام عليكم ورحمة الله وبركاته ,,,,

ارسلي الاخ / فالح بن شبنان ال عمار ابيات منها

ماعاد لي قلبيً ضلوع تلمه = وش كثر راح من الشقا وش بقى كم
اللي رضع من ثدي الايام همه = يموت قلبه ماتعافى من الهم
ياليت لي جرحً وينشاف دمه = مير البلا من جرح ما شيف له دم

فرديت عليه ::

حييت يا قلبً همومه تخمه = من قلب رجالً همومه تخمخمّ
يارد بفكره كل غبه وجمّه= يالين صدر قربته كلها غم ّ
سبة ضروف الوقت شفنا المطمّه = يالين صار الواقع يشابه الحلمّ
كاس الحياه اليوم يا شين طعمه = مره يجي حالي ومره يجي سمّ
ادع لصحيبك يكمل الله حلمه = وجعل الشتت يا رب الارباب يلتمّ
وحلمك يا ابو شبنان ربي يتمّه = لكن انا مستغربك كيف مهتمّ
و وشلون قلبك شايل اليوم غمّه = مادام لك بين الدواسر ولد عمّ
من لابةً تعرف نهار المهمّه = لاثارت الهيجا ما ننشدك هم كمّ ؟
لاد الحزيمي والفعايل متمّه = من غير قاصر فــ ال عمار والنعم
واللي تبي يالقرم لازم نتمّه = لو كان من دونه أهل نجد و دهمّ
سم الخبر يا فالح القرم سمّه = سمّه لنا يا نسل شبنان واسلمّ

وسلامتكم

**معلومات** **العضو** · 26-01-2009, 10:53 AM

السلام عليكم

الله الله

صوت وصدا على مستوا رفيع

صح الله السانك

ولاهنت

تقبل

تحياتى

**معلومات** **العضو** · 26-01-2009, 10:59 AM

اقتباس:

المشاركة الأصلية كتبت بواسطة بدر ابن نايف

السلام عليكم

الله الله

صوت وصدا على مستوا رفيع

صح الله السانك

ولاهنت

تقبل

تحياتى

صح الله يدنك يا ابو نايف

ولاعلى شاعريتك زووود

تحياتي

**معلومات** **العضو** · 26-01-2009, 11:08 AM

صح الله لسانك يا أبوسالم وعساك على القوه..

فالك البيرق بيض الله وجهك

مساجله رائعه والشعراء أروع بلا شك..

وسلم على الريان وأهلها

تقبل تحياتي،،

**معلومات** **العضو** · 26-01-2009, 11:20 AM

فالح بن شبنان و عبدالرحمن الشرافي
صح الله السنتكم جميع وبيض الله وجيهكم

وحلمك يا ابو شبنان ربي يتمّـه=لكن انا مستغربك كيـف مهتـمّ
و وشلون قلبك شايل اليوم غمّه=مادام لك بين الدواسر ولد عـمّ

وعز الله انكم كفو يالثنين ولا فيكم قصور و عداكم اللوم
مساجله ولا اروع على الوزن الثقيل .. وقصايد جزله من اصحاب الجزاله
ومفردات تليق بمقام القصيدتين .. وقافيه عسره متقنه باحكام
ومجاراه في صلب المعنى
يعني اقدر افسرها بمفهومي حبكة شعراء .. من فيض مدارس شعريه تستحق الاشاده
الله لايهينكم جميع والله يبعد الهم عنا وعنكم وعن المسلمين اجمعين

ولكم مني خالص التحيه والاحترام ...

**معلومات** **العضو** · 28-01-2009, 03:48 PM

اخواني الاعزاء

لاهنتوا جميعاً على مروركم المشرف

تحيااااتي

**معلومات** **العضو** · 28-01-2009, 03:58 PM

شاعران كبيران

صوت وصدى رااائع وجميل جداً

وصح الله السانك يابوسالم على الرد الوافي والراقي

وتقبل خالص الود والتقدير ..

اخوك في الله

محمد الغريري

**معلومات** **العضو** · 28-01-2009, 04:13 PM

صح الله لسانكم وبيض الله وجيهكم
وافين ورائعين بارك الله فيكم
ارق التحايا
دمتم بخير

**معلومات** **العضو** · 28-01-2009, 05:03 PM

شاعرنا وأخانا وحبيبنا ... ابو سالم أبيات جزله من مبدع
صح لسانك وبيض الله وجهك يا الغالي على هذي القصيدة
الرائعه ... مع تمنياتنا لكم بموفور الصحة والعافية !!

**معلومات** **العضو** · 28-01-2009, 08:06 PM


	سم الخبر يا فالح القـرم سمّـه سمّه لنا يا نسل شبنان واسلـمّ كفووووووووووووووو ياصلب ابوي وجدي0 كفووووووووووووو يالشرافي0 صح السانك والسان فالح وعز الله عنز على جبل0 تقبل يالطيب مروري وتحيتي وتقديري0

**معلومات** **العضو** · 28-01-2009, 08:47 PM

بيض الله وجهك يالشرافي
وصح لسانك ولاقصرت على مجاراة ابوشبنان

والله يسهل امور فالح وتنفرج المعسرات اللي مايعلمها ألا الله سبحانه
يالله كريم

الله يرحم شايبي وشايبه

**معلومات** **العضو** · 30-01-2009, 01:56 PM

اشكر الجميع على المرور

ورضاكم هو الهدف

تحياتي

**معلومات** **العضو** · 06-06-2009, 06:32 PM

صوت وصدى رااائع وجميل جداً

وصح الله السانك يابوسالم على الرد الوافي والراقي

خالص الود والتقدير لكـ

**معلومات** **العضو** · 06-06-2009, 10:01 PM

صح لسان ابن شبنان وصح لسانك يابوسالم الشرافي

صوت وصدى من شعار وافين لله يوفقكم

تقبل تحياتي الشرافي

**معلومات** **العضو** · 06-06-2009, 11:12 PM

صح لسانك و لسانه مليون

على القصائد الجزله

ابداع و تألق

لاهنت

الذين يشاهدون محتوى الموضوع الآن : 2 ( الأعضاء 0 والزوار 2)

		منتديات صحيفة وادي الدواسر الالكترونية