ياونتي ونة كسيرً ومطعون

[معلومات العضو فهد فارس الصخابره]

السلام عليكم ورحمة الله وبركاته

ابيات غزلية عسى ان ترتقي لذائقتكم

يالله ياللي لك عبادك يصلون = يامنزل الكوثر وسبع المثاني
يامخرجً من داخل الحوت ذالنون = يارب تفرجها علي في ثواني
الله من همً به القلب مدفون = عنه الاشاعة ماتجي بالبياني
طيبت سوق الغي وشلون وشلون؟ = مدري من اللي في هواهم رماني
اسهر لحالي والخلايق ينامون = قصة غرامً ماتبي ترجماني
ياونتي ونة كسيرً ومطعون = من فوق شقراً طاح بارضً طماني
لاهو بلاصاحي ولا هو بمجنون = لاجرها بين الضلوع الحواني
من خنجرً حدين والحد مسنون = ضرب الجنابي يوم فعل اليماني
جاته من اللي للخطر مايحسبون = يمنى شجاعً فوق سرج الحصاني
على غزالً كامل الوصف مزيون = يجر قلبي جر حبل السواني
بين البني ماشفت شكله على الكون = حوريةً ترتع رياض الجناني
لامن مشى مشيه تخطي على الهون = والخد برقً في مزونه شعاني
وجدايلً تضفي على ردوف ومتون = سمح القبل لااقبل رهيف الثماني
والحب قبلي عذب اللي يحبون = ماني بلا الاول ولاني بثاني
معروف من عهد الصحابة وفرعون = كلً على همه يصوغ المعاني
من قبلنا محسن بكى وابن لعبون = طاحوا بحب المترفات الحساني
ومثل الهلالي جاته صدوف وشطون = طاح بهوى عليا صويبً يعاني
وعنتر ولد شداد مقهور مغبون = في حب عبلة قال موتي لفاني
وعقاب قلبه في هوى نوت مرهون = العشر منه عودت للثماني
ومجنون ليلى صاح ويقول تكفون = في حب ليلى جاه بعض الجناني
وانا معى المحبوب داين ومديون = حظي حداني يوم وقتي حداني
ابطيت من شوفه وانا فيه مفتون = اتلى العهد به يوم عيد رمضاني

وسلامتكم

 

 

 

 

[معلومات العضو مبارك بن شافي النتيفات]

ياسلام ياسلام

صح لسانك واعتلى شانك

شاعر جزل ولا تجيب الا الجزل

تقبل مروري المتواضع على هذه الدرر الراااااااااااااااااااائعة

تحياتي ووافر احترامي

 

 

 

 

[معلومات العضو اسد الوادي]

لاهنت يا اخييي الشاعر
فهد فارس الصخابره
كلمات روعه وصح السانك يابوفارس
وسلمت الأيادي على القصيده الجزله
وفي انتظار ابداعكم



يا حلو الايام لو ترجع على كيفـــــــي
ما كان قلبي شـكى فـرقا مواليفـــــــه
كانـوا بقـربي ولا يحتـاج تكليفـــــــــي
واليوم راحوا ودمعي صعب توقيفـــه

&&&
اخواني واخواتي الشعراء والشاعرات مشاركتكم
في هذا القسم
بالقصائد والخواطر تضفي عليه النور



مع تحيات
Greetings
اسد الوادي ومحب الريان القطري
Lion of the Valley and loving Rayyan of Qatar
مشعل دعثان الودعاني الدوسري
Mishal dathan al wdani al dosari

 

 

 

 

[معلومات العضو شافي بن راشد النتيفات]

صح لسانك واعتلى شانك

شاعر جزل ولا تجيب الا الجزل

 

 

 

 

[معلومات العضو محمد مطلق آل بريك]

صح لسانك واعتلى شانك يابو فارس

جزل ومبدع

تحياتي وتقديري

 

 

 

 

[معلومات العضو فهد المقابله]

صح لسانك واعتلى شانك يابو فارس

شاعر جزل ولا تجيب الا الجزل
تحياتي وتقديري

 

 

 

 

[معلومات العضو حرآير]

الله من هـمً بـه القلـب مدفـون عنه الاشاعـة ماتجـي بالبيانـي
.
.
.
فهد
صح لسـانك
إبداع لآ عدمنا منـه .. ولا عدمنـاك

همسه : لآ تحرمنآ جديدك ..

حراير

 

 

 

 

[معلومات العضو عبدالله المصارير]

صح لسانك واعتلى شأنك

 

 

 

 

[معلومات العضو غلا مطير]

صح لساااانك
ويعطييييييييك العااااافيه ياخوووووووي
مشكوووووووووووور
ولاهنت عالقصيده



ودي

 

 

 

 

[معلومات العضو النايفه]

الله الله الله

روعة ابداع
وجمال حضور

صح لسانك ولاهنت

 

 

 

 

[معلومات العضو فارس الدبالين]

صح الله لسانك يابوفارس مدد بدون عدد

شاعر جزل ومبدع

تقبل تقديري واحترامي.

 

 

 

 

[معلومات العضو هادي آل حشفل]

صح الله لسانكـ وأعتلا شانكـ يابو فارس على هذه القصيده الاكثر من رائعه من

ذوق راعيها الرائع ،،،،،

 

 

 

 

[معلومات العضو مبارك بن الجوير]

ارررررحب يبوفارس

وانا معى المحبوب داين ومديـون
حظي حداني يـوم وقتـي حدانـي

صح الله لسااااااااانك وانا اخووك
سعدتبمروري لك تقبله لاهنت..