ايقول ابوفارس

**معلومات** **العضو** · 01-02-2011, 11:08 AM

السلام عليكم ورحمة الله وبركاته
هذه ابيات بسيطه
وهي تعبر عن موقف معين
وعسى ان ترتقي الى ذائقتكم

ايـقـول ابـوفـارس يــوم غـنـى ودمــه فــار=ابـيـاتً عـلـى اسـمـان المـعـانـي امركـبـهـا
الـى دق بـي هاجـوس روحـت مــع لفـكـار=وسبحـت البـحـور الـلـي اغــزارً مشاربـهـا
وعينـي تـهـل الـدمـع مـثـل المـطـر مــدرار=ولـهــا مـــدتً والـنــوم يـانــاس حـاربـهــا
وياشرهتـي وشلـون ابـشـره وانــا محـتـار=وونــات قلـبـي بـيــن الاضـــلاع اجـاذبـهـا
اكبار الامور اليـوم عنـد الضعـوف اصغـار=ولا عــاد نـعـرف كـيـف بالشـكـل نحسبـهـا
ولانــي بـخـاوي كــل رجــلً علـيـه اغـبــار=خــوت راعــي الوجهـيـن مـاحـداً بيقربـهـا
بوجـهـك يـحـب الضـحـك ويــدور الاخـبـار=والـــى غـــاب عـنُــك سـيـرتـك مايجنـبـهـا
خذا اسـم الصداقـة بـس قلبـه عليـه استـار=لــو ايبـيـن البسـمـة تــرى الحـقـد غالبـهـا
وترى اهل المصالح للمصالـح تشـب النـار=ولاهـــي تنـاسـبـنـي ولا نــــي بانـاسـبـهـا
بـوقـت الـرخـا ياطيبـهـم والـعـلـوم اكـبــار=وعـنـد القـسـا تـقـفـي وتـعـطـي غـواربـهـا
وتحـب الهـروج العـوج وتنـبـش الاجـحـار=ولا تنـفـعـك لـــو كـــان تـفـتـل شـواربـهــا
صــح الله لـسـان الـلـي يـقـول الـدهـر دوار=راعــي لـولـة قـالـه وانــا الـلــي مجـربـهـا
زمــان الهـوايـل ذوب النـيـر لـيــن انـهــار=واشــوف الـذيـاب الـيـوم تخـشـى ثعالبـهـا
وحـرً يصـيـد الصـيـد لاجــا الـهـدد مـاطـار=خــــذا سـمـعـتـه بــــومً رديــــاً وخـربــهــا
وانا اللي عرفت العرف من عقب شيً صار=تجـارب زمانـي ضـد حـالـي وانــا اكسبـهـا
ولانـي مــن الضعـفـا ولانــي مــن التـجـار=غـنـيـاً بـنـفـسـي والـمـراجــل مصـاحـبـهـا
وقــدري رفـيـعً بـيــن ربـــعً لـهــم مـقــدار=حـــرارً عـلــى الـعـلـيـا تــدســم مخـالـبـهـا
ولا همـنـي مــن يجـمـع الـقـرش والديـنـار=ولا هـمـنــي حــيــات الارض وعـقـاربـهــا
وانـــا مـاحـدانـي لـيــن بيحـتـنـا الاســـرار=ســوى جـمـرتً بالقـلـب شـبــت شبايـبـهـا
الـى طـاح مـن عيـنـك مـقـامً رفـيـع اوقــار=تخيـب الظـنـون وتهـجـي الــروح غايبـهـا

وسلامتكم

**معلومات** **العضو** · 01-02-2011, 11:20 AM

صح لسانك يابو فارس قصيدة جزلة من شاعر جزل

**معلومات** **العضو** · 01-02-2011, 12:51 PM

اقتباس:

بـوجـهـك يـحــب الـضـحـك ويـــدور الاخــبــاروالـــــى غـــــاب عــنُـــك سـيــرتــك مايـجـنـبـهـا
خـذا اسـم الصداقـة بـس قلبـه عليـه استـارلـــو ايـبـيـن البـسـمـة تـــرى الـحـقـد غـالـبـهـا
وتـرى اهـل المصالـح للمصالـح تشـب النـارولاهــــــي تـنـاسـبـنــي ولا نـــــــي بـانـاسـبــهــا
بــوقــت الــرخــا يـاطـيـبـهـم والـعــلــوم اكــبـــاروعــنــد الـقــســا تـقــفــي وتـعــطــي غـواربــهــا
وتـحـب الـهــروج الـعــوج وتـنـبـش الاجـحــارولا تـنـفـعــك لـــــو كــــــان تــفــتــل شــواربــهــا

ياكافي بك نستكفي

ارحب يابو فارس

صح لسانك وسلم فكرك

دمت بهذا الإبداع

تقبل ودي وتقديري ،،،