الى من بغيت الطيب في كل الاوقات .. على ابوعشره وجه وتلقى كلامي

[معلومات العضو شافي بن راشد النتيفات]

قبل لا ابتدي اهديكم اغلا التحيات
على ابوعشرة واللي سكنبه سلامي
بني عمي اهل الطيب واهل الجمالات
سنادي وعزي تاج راسي حزامي
هل العز واهل الجاه واهل المروات
زحازيح قوم ن من كبار الاسامي
لهم في قديم الوقت صوله وجولات
اليا جا نهار ن مثل ليل ن ظلامي
على الفوز عجلين ن ومعهم له اثبات
وعلى الموت تارد مثل وردن حيامي
سلامي عليكم يازحول النتيفات
رجال ن تزود بطيبها كل عامي
وارحب عدد من زار مشعر عرافات
هلا مرحبا ن اعداد ما انشى غيامي
على ضيوفنا اللي جاو نهديه عادات
يقدم لهم بالعود الازرق شمامي
حضرنا بحفل اللي علومه جزيلات
محمد ولد بتال جزل المقامي
ضربله بيمنا ماتهاب الصعيبات
وبنى مجلسا كنه قصور العظامي
مبارك مبارك ياصبي المهمات
هقيت ووصلت وللمكارم همامي
احييك واهنيك يوم الك غايات
ومن غايته طيب ووفا مايلامي
واثني لي ببيت قبل ختم الابيات
يردد صدى معناه في كل عامي
الى من بغيت الطيب في كل الاوقات
على ابوعشره وجه وتلقى كلامي

شافي بن راشد النتيفات

 

 

 

 

[معلومات العضو فهد الغريري]

صح الله السانك يابو شالح

وعز الله كفو

 

 

 

 

[معلومات العضو فهد الخريم]

صح لسانك يابو شالح,
ابيات في قمة الروعه والجزاله والإبداع

صح لسانك وأعتلى شأنك!

في شوق إلى ابداعاتك القادمه!

 

 

 

 

[معلومات العضو نآصر البدراني]

كُفو بك وبربعنا لاد العميري وافي من ربعن وافين

صح لسانك وبيض الله وجهك