يــوم الـخــمــيــس

**معلومات** **العضو** · 01-12-2010, 07:50 PM

السلام عليكم ورحمه الله وبركاته مساكم الله بالخير يا بني عمي بمناسبة حلول فصل الشتاء ودنوا موسم الطلعات البرية حبيت اشاركم بهذي الابيات واتمنى ان تنا على اعجابكم ورضاكم

يوم الخميس المساء ضربت عرق النفود=أبى ديار صميم القلب يسلى لها
اريح النفس عن طريا عذول وحسود=وابعد عن أجوا المدينة واترك إشغالها
أبو سعد يانديبي يا عريب الجدود=ياللي الحمول الثقيله دوم تشتالها
يا بوسعد والسمر شبه على عود عود=واشعم لنا النار لأجل اقعد على جالها
والكيف دله لها ريح النفل والورود=يشفي عماسي شراب وسط فنجالها
بدلال صفر لها حب بقلبي يزود=من صنع رسلان والله سعد من نالها
عقب العصر والسماء فيها بورق ورعــود= تروق ناس من الضيقه نحل حالها
ريح الخزامى وريح الشيح فيها يسود=وريح السمر فاح وصوت الطير غنالها
تسلى عن أشباه ناس جاحده للوعود=وتسلى من الهم والضيقه على اشكالها
يالله ياللي على عبدك كريم تجود=يا ربي اللي عبادك تعرف أحوالها
تغفر لنا ياإلاهي ياعظيم ودود=وتستر علينا من الدنيا وغربالها