|
|||||||
17-04-2007, 09:07 AM
|
#1 | ||||
|
قصائد الشاعر/ ناصر بن دهيم الغييثي الدوسري
يامرحبا باللـي يشـرف قدومـه=مفرح الضمني له انزف الافـراح من لامني فـي حبـه الله يلومـه=الشاعر اللي كنـه البـرق لا لاح كن القوافي في يديـه امحكومـه=عزيز نفـس وللنواميـس مـداح يامـادح كحيـلان هـذا لزومـه=في خدمة اللي مثل شرواك ماشاح لجل الوطن يبذل وتقوى عزومـه=كسب النعم تسوى ملايين الارباح الطيب بين اهل الوفا الله يدومـه=ومثلك يابو فيصل به الطيب ماراح امعرب الجـدان وامطيـر قومـه=خيالهم يقبل على المـوت نطّـاح يوم الزمن قاسي وزادت سمومـه=افعالهم تشهد لها علـط الارمـاح من حط حمران النواظر خصومـه=ماله مع اهل العز قيمه الى طـاح كل الشكر للـي يشـرف قدومـه=مفرح الضمني له انزف الافـراح
الصبح شعشع واقبل النور ب النور=والليل الاسود مايجيـب الصراحـه ماني بضايق لكن القلـب مقهـور=مثلي تساوت ضيقتـه وإنشراحـه آمنت باللي ثبّت اطويـق والطـور=عساه يلهمنـي ثبـوت وفصاحـه واضح واحب اقابل الناس مسرور=مخلوق من بين الرضا والسماحـه اكتب قصيدي همي إسعاد جمهـور=ماهمني فوضه وصـوره وساحـه موجٍ تلاطم من ورى سبعة ابحور=حروف شعـري للمخاليـق راحـه يامبتليني ؟ بالحكي اسمع الشـور=لا تحسبنّك عايش بوسـط واحـه اللي خلقنا ميّـز الحـق والـزور=الفرق واضح كالسمـا والبراحـه الطب يبغاله مـن النـاس دكتـور=والهندسه تبغى ارتفـاع ومساحـه ياللي تقول اني من الناس مغـرور=ميّز همـاج المـا وميّـز قراحـه لامن كبر راسي مع الطيش معذور=لكن غرور الشخص سبة مطاحـه نسعى ب هالدنيا نبي الحال مستور=والمجتهـد همـه وغمـه نجاحـه ياصاحبي ؟ لا تقعد اتلّف واتـدور=الطير وشهو ؟ لو كسرنـا جناحـه منت بمعي يابن الاجاويد مجبـور=من راح مني سمّـح الله مراحـه
ودك من الدنيـا تعيـش وخاطـرك ماهوعليـل=لا ارتـاح بالـك ماغبطـت النـاس والاّ مالهـا ودك كلام النـاس قـول الحـق بالشـي القليـل=وعند العرب ماغاب كلمـة حـق واللـي قالهـا وانا تحلويـت القصايـد حـزةٍ مـن كـل ليـل=لا جاتني انسى هلـي وانسـى البشـر وابقالهـا يوم القوافـي تتجـه كنهـا كمـا سيـلٍ يسيـل=حلفت مـا عـوّد ورى مـادام صـرت اقبالهـا بنـات فكـري لا حصـل بالسالفـه قـالٍ وقيـل=جنّـي وانــا هذبتـهـا ولبستـهـا موالـهـا ومحلا شبوب النار والدله علـى جمـر المليـل=رسلان صفرا مزعفـره والهيـل هـو يعبالهـا في يّد قـرمٍ لا عتـزا راغـة عيونـك يالذليـل=خفيـف جانـب دلـتـه مايشبـعـك فنجالـهـا اسري وآسري هاجسـي كنـي عشيـقٍ لرحيـل=والليـل لامنـه سـرى الالغـاز ؟ مـن حلالهـا وآسج فكري في البحر ميـلٍ بعـد ميـلٍ وميـل=وامـر بأمـواجٍ تلاطـم ينهبـل مـن جالـهـا كنـي غريـبٍ ضيّـع دروبـه ولا فيـده دليـل=اعمـى بصـر والا البصيـره ميزتـه بلحالهـا وين الفهيم ابن الحمايل صاحب الهـرج الجزيـل=يفهم معي كلمـة عتـب والنفـس مـن علالهـا اخاوي الطيّب ولا لي في الردي قسـم وحصيـل=ومقـرد الخلـق آتعـوذ مـن غـثـا جهالـهـا وانزه النفس العزيـزه فـي سمـا جـوٍ عليـل=والحر لشقـر لا كفـخ وكـره بـروس جبالهـا بشكي على اهل العرف واهل الحق من واقع هزيل=مشاكـلٍ مـن كـل صـوب وحالـةٍ يرثالـهـا قلبت درج الطاولـه ولعّـت فـي نـاري فتيـل=ونـارٍ تشعلـل بالسـواد اشحاجتـي بشعالـهـا شبوهـا بياعـة ضمايرهـم وجحـادة جمـيـل=باعوا امم لاجـل المصالـح قصّـر الله حبالهـا ولو جاتك الحيّـه تهـز الـراس تتمايـل بذيـل=ماظنها ترقص طـرب والسـم يسـري بحالهـا عرب نعم حنـا عـرب احـرار يزبنـا الدخيـل=اطهر واشـرف امـة تسمـو بفعـل الرجالهـا عرب يشوفـون الجبـال بعينهـم حبـات هيـل=وشافوا النجوم انفوسهم هيهـات مـن يرقالهـا عرب تعلـو واعتلـو ثـم اعدلـو دربٍ يميـل=الحـق مبـدأ بينهـم والصـدق رمـز اقولهـا عـرب طلـع منهـم نبـي الله يهـدي بالدليـل=الهاشمـي المصطفـى زال المنـاكـر زالـهـا عمر وابو بكر وصلاح وخالـد السيـف السليـل=اهنا العرب يوم العـرب تفخـر بأفعـل ابطالهـا الله وكبـر صـارت امجـاد الله عابـر سبـيـل=ذكرى تسطر مجدهـا صعـب الزمـن يشتالهـا كنا ثلاث حروف ؟ صـارن كالخيـال المستحيـل=واليـوم صرنـا عالـةٍ بيـن الامـم واحوالهـا ياجيل ياجيل الزمن اصحـى ونافـس كـل جيـل=وقلهـا وقـل ان الامـم تزهـا بكفـاح اجيالهـا عسى ونرجع للكتاب ويرجـع السيـف الصقيـل=والسيـف وطـى روس كانـت بالسمـا لذيالهـا ويالله تعـز شيوخـنـا يالله يالـظـل الظلـيـل=اللـي علينـا فضلهـم اسـودهـا واشبالـهـا وانا قلبـت الطاولـه وريتهـا صاحـي وهبيـل=يـوم المهبـل غارقـه فـي نومهـا ومقايالهـا
الارض جفـت يــوم وقّــف مطـرهـا=والشيّ لامن فـات ماينفـع الصـوت سهيـت لحـظـه هـايـمٍ فــي نحـرهـا=كنت احسب انه حلم ياناس ويفوت فــي ليـلـةٍ ماينـعـرف مــن قـمـرهـا=جتني حياتي ليـن حسيـت بالمـوت لبـا العيـون الـلـي خـذانـي نظـرهـا=وفديت خشتهـا مـن التـوت للتـوت موسوعةٍ في الحب جيت اختصرها=لقيـت عـدوان الغـلا وسـط تـابـوت عوبـا وكـن العيـن تخشـى خطرهـا=ان عمّـرت بيتيـن تهـدم لهـا بيـوت ماجـيـت اعلمـهـا الـغـلا وانتظـرهـا=فرصه ويلقاها من النـاس مبخـوت ان كانـهـا الميـنـا تـرانــي بـحـرهـا=أشواقـي المـحـار واحـيـان يـاقـوت ليت الهبـوب اللـي تلاعـب شعرهـا=تجعل غلاها بين الاضـلاع منحـوت قمـت آتكاثـر شوقـي اللـي غمـرهـا=أحبـهـا مـــرات واشـوتـهـا شـــوت غيـري رحبهـا ميـر قلبـي خسـرهـا=نزَعْت باقيها مثل مـا انْـزع الكـوت عـوّدت رجلـي مـا تطـالع اثـرهـا=والنـاس يشبعهـا قليـلٍ مـن القـوت قصيدتـي طـالـت وهـذا قـدرهــا=راحــت وانــا والله احبهـا مـوت وسلامتكم ،، مع خالص التحية و الاحترام.
|
||||
|
|
|
|
17-04-2007, 10:55 PM
|
#2 | ||||||||
|
رد: قصائد الشاعر/ ناصر بن دهيم الغييثي الدوسري
ياصاحبي لا تقعد تلف وتـــــــــدور**** الطير وشهو لوكسرنا جناحـــــــــــــــه
|
||||||||
|
|
|
|
18-04-2007, 02:29 PM
|
#3 | |||||
|
رد: قصائد الشاعر/ ناصر بن دهيم الغييثي الدوسري
اقتباس:
أرحب يالعضو المنتدب ،، لا هنت على المرور الكريم.
مع خالص التحية و الاحترام.
|
|||||
|
|
|
|
18-04-2007, 02:52 PM
|
#4 | ||||||
|
رد: قصائد الشاعر/ ناصر بن دهيم الغييثي الدوسري
اخوي / صالح الجعيدي
|
||||||
|
|
|
|
18-04-2007, 04:21 PM
|
#5 | ||||
|
رد: قصائد الشاعر/ ناصر بن دهيم الغييثي الدوسري
الاخ صالح الجعيدي
|
||||
|
|
|
|
18-04-2007, 07:23 PM
|
#6 | ||||
|
رد: قصائد الشاعر/ ناصر بن دهيم الغييثي الدوسري
الاخ صالح الجعيدي
|
||||
|
|
|
|
21-04-2007, 10:10 AM
|
#7 | |||||
|
رد: قصائد الشاعر/ ناصر بن دهيم الغييثي الدوسري
اقتباس:
من قال سالم وما عليك زود ،، الله يعافي الجميع. وعسى وجهك ما يشين يالغالي.
مرورك شرف. لا خلا و لاعدم يا أبو سالم. مع خالص التحية والاحترام.
|
|||||
|
|
|
|
21-04-2007, 10:18 AM
|
#8 | |||||
|
رد: قصائد الشاعر/ ناصر بن دهيم الغييثي الدوسري
اقتباس:
أرحب يا أبوجزاء ترحيبة المطر ،، من قال ما يهان. وصح ابدانك.
عسى حياتك ما تشين يالغالي. مرورك الكريم يسعدني و يشرفني. مع خالص التحية و الاحترام.
|
|||||
|
|
|
|
21-04-2007, 10:24 AM
|
#9 | |||||
|
رد: قصائد الشاعر/ ناصر بن دهيم الغييثي الدوسري
اقتباس:
ووجهك يالغالي/ ابن غيث ،،
الرائع مرورك لمواضيعي وتشرفني قبل ما تشرفها. مع خالص التحية و الاحترام.
|
|||||
|
|
|
|
21-04-2007, 11:50 AM
|
#10 | ||||
|
رد: قصائد الشاعر/ ناصر بن دهيم الغييثي الدوسري
الاخ العزيز
|
||||
|
|
|
|
25-04-2007, 10:51 AM
|
#11 | |||||
|
رد: قصائد الشاعر/ ناصر بن دهيم الغييثي الدوسري
اقتباس:
الله يجمل حالك يا ابن فادر.
شرفتني قبل ما تشرف الصفحة على مرورك الكريم. من قال مايهان ،، والله يقويك يالسنافي. لاهنت على المرور وتقبل خالص التحية و الاحترام.
|
|||||
|
|
|
|
19-08-2008, 11:40 PM
|
#12 | ||||||||
|
رد: قصائد الشاعر/ ناصر بن دهيم الغييثي الدوسري
مشكور اخوي
|
||||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| التغطية المصوّرة لــ حفل الشيخ ناصر بن مبارك بن قريع ال بريك بأم رقيبة | الإداره | :: قسم اللقــاءات والفعاليات والتغطيات الخاصة:: | 18 | 10-02-2011 05:17 PM |
| التغطية المصورة لحفل المسابقة الشعرية الأولى لموقع قبيلة الدواسر الرسمي | الإداره | :: قسم المسابقة الشعرية السنوية للموقع الرسمي لقبيلة الدواسر :: | 17 | 11-12-2010 11:09 PM |
| التغطية المصوّرة لحفل إفتتاح مبرة قبيلة الدواسر الخيريّة بدولة الكويت. | الإداره | :: قسم اللقــاءات والفعاليات والتغطيات الخاصة:: | 16 | 22-11-2010 09:44 AM |
| التغطية الـمصّورة للحـفل الثـاني لموقع الدواسر الرسمي برعاية الغرره | الإداره | :: قسم اللقــاءات والفعاليات والتغطيات الخاصة:: | 29 | 18-08-2007 06:40 PM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 01:31 AM
