يانشاد انا من يكتب ويلفت القراي
ليا شاف ماعاف وتمادت غرابيله
لاتنشد عن جروحي ليامن جهلت دواي
وانا كل جرحٍ داخلي له تفاصيله
انا اللي ورى العزله يوم إني اسج خطاي
مبعد عن الكذب وعن النقص والميله
ماهو همي الرايح من الهرج واللي جاي
وانا اللي فعوله كافيه عن اقاويله
ليا غاب وجه الحق واستبسل الخطاي
وعلينا التغير قام يرسل مراسيله
ما والله احضر احضورٍ مخالف لمبداي
اشوف الغياب احيان نوماس واطيله
تهقويت في صدقان واليوم همّ عداي
ولا عاد لي قوه ولا عاد لي حيله
وثمنت لي سلعه وبارت بعد مشراي
حسافه يابعض الجلب يوم إني اسخي له
وفيت وصدق قلبي ومدت عطا يمناي
وكل اللي قدمته مابانت محاصيله
مانيب امتحسف والحسايف ماهي معناي
لاكن بتحسف صدق يوم إني امشي له
هذاك اللي شغله فالمجالس يجي حكاي
وعلى الكذب والخيبه يغني مواويله
ترى العز عز النفس عن سكة الغواي
وما بين تسبيحه وما بين تهليله
يوم أمس, 07:36 PM
بويتات
العرض العادي
