" يظن كـل النـاس ترجـي سلامـه "

[معلومات العضو صالح الجعيدي]

السلام عليكم ورحمة الله وبركاته ،،، كيف حالكم يالمطاليق.
قصيدة عسى أن تنال على رضاكم ،، للشاعر/ مشهور الهاجري

الله خلق خلقـه بحسبـه وترتيـب=بعض العرَب يفرض عليك احترامه
من عاش في الدنيا يشوف التعاجيب=أحدٍ سديـد الـراي واحـدٍ هلامـه
وأحدٍ ليا احتجته بيوم المصاعيـب=زودٍ على العزوه رمـى بالعمامـه
وأحدٍ ليا احتجته بيـوم المواجيـب=دنّق براسـه مثـل راس النعامـه
وأحدٍ لو انه امن الادنيـن وقريـب=يسقى ليا فـارق جهامـك جهامـه
ينزاح همـي يـوم أذبّ العراقيـب=في خايع ٍ ما جـف ماطـر غمامـه
قفرٍ خلا مابه سوى شمّـخ النيـب=ويتلّ قلبي فيـه صـوت الحمامـه
ما أرتاح من ناس ٍ تحـب العذاريـب=أهل الكبِر والزود واهـل النمامـه
والكبر للرجّال عيـبٍ مـن العيـب=علامـةٍ يـا شينهـا مـن علامـه
سوٍّ على الأدنين.. ريف الاجانيـب=يغـث كبـدك لا تـزايـد كـلامـه
كنه يتغصّب لا ظهَر منـه ترحيـب=يظن كـل النـاس ترجـي سلامـه
ما يدري ان بالوقت دورة دولايـب=ما شيّ في الدنيـا يطـوّل دوامـه
ان ما لفاه الموت ياتي له الشيـب=أمرٍ مقـدّره الولـي فـي نظامـه
نهاية الإنسان حفـره مـن الغيـب=أمّا شقـى والاّ سعَـد فـي منامـه
وبكره ينادى عنـد فـك المطاليـب=ويلقى الجزا الوافي بيـوم القيامـه

وسلامتكم ،،، وتقبلوا خالص وأرق التحايا ،،،

 

 

 

 

[معلومات العضو رعاد]

الله يسعدك اخوي صالح

القصيدة الرائعه

وخاص هذا الابيات

ما يدري ان بالوقت دورة دولايـب،،، ما شيّ في الدنيـا يطـوّل دوامـه
نهاية الإنسان حفـره مـن الغيـب ،،،أمّا شقـى والاّ سعَـد فـي منامـه
وبكره ينادى عنـد فـك المطاليـب ،،،،،ويلقى الجزا الوافي بيـوم القيامـه

 

 

 

 

[معلومات العضو "ولد الحراجين"]

صــــــــــح لسانك ولسان الشاعر

ولاهنت على القصيدة الرائعة جداً

 

 

 

 

[معلومات العضو يحيى الودعاني]

تسلم يمناك أخوي صالح
وبيض الله وجهك على الأختيار الطيب
وصح لسان الشاعر الهاجري

 

 

 

 

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

المشاركة الأصلية كتبت بواسطة صالح الجعيدي

السلام عليكم ورحمة الله وبركاته ،،، كيف حالكم يالمطاليق.
قصيدة عسى أن تنال على رضاكم ،، للشاعر/ مشهور الهاجري

الله خلق خلقـه بحسبـه وترتيـب=بعض العرَب يفرض عليك احترامه
من عاش في الدنيا يشوف التعاجيب=أحدٍ سديـد الـراي واحـدٍ هلامـه
وأحدٍ ليا احتجته بيوم المصاعيـب=زودٍ على العزوه رمـى بالعمامـه
وأحدٍ ليا احتجته بيـوم المواجيـب=دنّق براسـه مثـل راس النعامـه
وأحدٍ لو انه امن الادنيـن وقريـب=يسقى ليا فـارق جهامـك جهامـه
ينزاح همـي يـوم أذبّ العراقيـب=في خايع ٍ ما جـف ماطـر غمامـه
قفرٍ خلا مابه سوى شمّـخ النيـب=ويتلّ قلبي فيـه صـوت الحمامـه
ما أرتاح من ناس ٍ تحـب العذاريـب=أهل الكبِر والزود واهـل النمامـه
والكبر للرجّال عيـبٍ مـن العيـب=علامـةٍ يـا شينهـا مـن علامـه
سوٍّ على الأدنين.. ريف الاجانيـب=يغـث كبـدك لا تـزايـد كـلامـه
كنه يتغصّب لا ظهَر منـه ترحيـب=يظن كـل النـاس ترجـي سلامـه
ما يدري ان بالوقت دورة دولايـب=ما شيّ في الدنيـا يطـوّل دوامـه
ان ما لفاه الموت ياتي له الشيـب=أمرٍ مقـدّره الولـي فـي نظامـه
نهاية الإنسان حفـره مـن الغيـب=أمّا شقـى والاّ سعَـد فـي منامـه
وبكره ينادى عنـد فـك المطاليـب=ويلقى الجزا الوافي بيـوم القيامـه

وسلامتكم ،،، وتقبلوا خالص وأرق التحايا ،،،

تسلم يمناك أخوي صالح

وبيض الله وجهك على الأختيار الطيب

وصح لسان الشاعر الهاجري

 

 

 

 

[معلومات العضو صالح الجعيدي]

مرحبا بالإخوان الغاليين/
رعاد ،، "ولد الحراجين" ،، يحيى الودعاني ،، محب الجميع"دغش البطي"
تسلمون و لا تهونون على مروركم الكريم ،،، صح أبدانكم ،،، وعسى أيامكم ما تشين يالقروم.
وتقبلوا خالص تحياتي ،،،

 

 

 

 

[معلومات العضو عبدالرحمن الشرافي]

المشاركة الأصلية كتبت بواسطة رعاد

الله يسعدك اخوي صالح
القصيدة الرائعه
وخاص هذا الابيات
ما يدري ان بالوقت دورة دولايـب،،، ما شيّ في الدنيـا يطـوّل دوامـه
نهاية الإنسان حفـره مـن الغيـب ،،،أمّا شقـى والاّ سعَـد فـي منامـه
وبكره ينادى عنـد فـك المطاليـب ،،،،،ويلقى الجزا الوافي بيـوم القيامـه

صدق رعاد

ولاهنت على النقل يالغالي

 

 

 

 

[معلومات العضو صالح الجعيدي]

المشاركة الأصلية كتبت بواسطة عبدالرحمن الشرافي

صدق رعاد
ولاهنت على النقل يالغالي

و لا تهون يالقرم ،،، مرورك عز و شرف يالغالي.
وتقبل خالص تحياتي ،،،