وسم العصا

[معلومات العضو مبارك محمدالرجباني]

السلام عليكم ورحمة الله وبركاته
الطرح لكم هذي القصيده

اتمنى ان تنال اعجابكم

ابدا بذكر المهيمـن غافـر السيـه=ابذكرة وشكرة فـي كـل لاحوالـي
وبعده سلام على اهل الحفل وتحيـه=ربعي هل طايلـه ذربيـن الافعالـي
عرفت بتحطيـم الارقـام القياسيـه=دواسر العـز والنخـوة والاجلالـي
سـادات قـوم مواقفهـا بطوليـه=متوج عرشهـا بفعـال الابطالـي
امجادها فـوق هـام العـز مبنيـه=تفخر بها من بعدها اجيال واجيالـي
لوحت شرف بالذهب والماس مطلية=مجدن يسولفبه الاول علـى التالـي
ايزبنـون الدخيـل ونارهـم حيـه=شوامخ فـي ذراهـا كـن وظلالـي
وسم العصا سلمهم والدار محميـه=والداية الجار من قصـاف الاجالـي
لو بحصي افعالهم ماتنحصـى ليـه=ماتنحصي في دواويـن ولا اقوالـي
في سلَـم المـدح لرجبـان مثنيـه=رايات عز ترفرف فـوق الاطلالـي
وانا اعتبرها علي واجب وفرضيـه=مدحت شرف لا بفضل ولاتجمالـي
العـزوه الـي تطوشنـي حماسيـه=واهتز وارمي شماغي وارمي اعقالي
فيهم صفات الظفر ولجود اساسيـه=فيض المكارم نهر جاري وشلالـي
واخص لو كان مافيها اخصوصيـه=روس العياضات ذا عمي وذا خالـي
والمدح تاجه على الروس الثلاثيـه=روس سمت لاخظـوع ولا تذلالـي
وافخر بشيخ رفـع روس البرازيـه=ابن مصيبيح تظرب فيـه الامثالـي
بادي على اسمه وصعبـات مباديـه=قاسى الشدايد وذاق المر والحالـي
حر شهر مـن حرار(ن)صيرمانيـه=طلعه بعيد ويصيد اسمان وجزالـي
حاز الكرم والشجاعـه والفروسيـه=كريـم سبـلا وحـواف وخيـالـي
يظهر للعـداء شراسـه ونتقاميـه=وسعد بن عمه لامن حـده الجالـي
الخير والجـود مقصـوده ومبغيـه=والعدل والصلح مبـدا كـل رجالـي
نادا بصلح مثـل صلـح الحديبيـه=ونزع فتيل لحروب وهمهـا زالـي
ماواك جنـة عـدن ياطيـب النيـه=الله ايعطر جوانـب قبـرك البالـي
خلفت ياخيـر راحـل خيـر ذريـه=قوم لهم في عروش العـز منزالـي
جمَاعة الشمـل مبريـن الحزازيـه=غيثا على المستغيث بعيد وموالـي
بيوتهـم للعطـاء ولخيـر جمعيـه=على الكرم ماتشح بروس الاموالـي
عسا لهم في الجنان الخضر عليَـه=سكنا وماء سلسبيل عذب وزلالـي
يارب تسدي لهـم رحمـه الاهيـه=واخلف لهم خير ذر وبـر وعيالـي
خلايف شيوخنـا شيـوخ مثاليـه=عالي وعالي اشيوخ حضهم عالـي
ضياغـم فـي مراكزهـا القياديـه=واعمالها الواجبات اجسام وثقالـي
للعـز تطمـح طموحـات خياليـه=وتامل وتعمل على تحقيق الامالـي
روس العلا حلم عشـاق النجوميـه=والبيت الاول على ساسه ولازالـي
وافخر وافاخر بدولتنـا السعوديـه=حكامها للمواطن ترخـص الغالـي
الامن والعـدل والاحكـام شرعيـه=ودرع الحما في فلكها نجم وهلالـي
والختم صلو علـى خيـر البشريـه=طاه الشفيع المشفع يوم الاهوالـي

الشاعــر/مبارك بن محمد ال حميد الرجباني الدوسري

 

 

 

 

[معلومات العضو مبارك بن شافي النتيفات]

صح لسانك واعتلى شانك يابومحمد على هذه الرااااائعة

تحياتي وتقديري لشخصك الكريم

 

 

 

 

[معلومات العضو شافي بن راشد النتيفات]

صح لسان يابومحمد على هذه الملحمة العظيمة وكفوووووووو فيك وفي ربعك وانت شاعر غني التعريف

 

 

 

 

[معلومات العضو عقاب بن هذال ال بريك]

صح لسان يابومحمد على هذه الملحمة العظيمة وكفوووووووو فيك وفي ربعك

 

 

 

 

[معلومات العضو مبارك محمدالرجباني]

شكرن لكم اخوتي مبارك وشافي وعقاب على تفاعلكم

وتشجيعكم منقطع النضيرتحياتي وتمنياتي لكم باالتوفيق

 

 

 

 

[معلومات العضو بعيدالهقاوي]

بيض الله وجهك يالرجباني على
القصيدة الجزلة ويستاهل الممدوح

 

 

 

 

[معلومات العضو برق الدواسر]

صح اللسانك

 

 

 

 

[معلومات العضو محمد بن حمد الشكرة]

صح لسانك واعتلى شانك يابومحمد على هذه الرااااائعة تحياتي وتقديري لشخصك الكريم

 

 

 

 

[معلومات العضو عبدالرحمن بن فلاح آل بريك]

صح لسانك واعتلى شانك يابومحمد على هذه الرااااائعة .