![]() |
#1 | ||||
|
![]() السلام عليكم ورحمة الله وبركاته رديه شعريه جميله تجمع ما بين شاعرين مبدعين محمد جار الله السهلي ومدغم ابوشيبه *** محمد بعد طاح ضلع طويق ياشاعر السبعان ماعاد يتهيالك مقام على القمه 00 لو تحالف السوفيت وتحالف الألمان مصير الفتى يحتاج فزعة بني عمه *** مدغم ليا طاح ضلع طويق ضلع من الضلعان ترى الطيحه اللي تنحسب طيحة الهمه اهل نجد لا ضاقت تعنز على سلمان وهل السالميه كل واحد بحضن امه *** محمد تصنف من الشيخان ولا من الرعيان بعد ما وخذ من فوقك البشت والعمه تشيل الكبر وتزم نفسك وحنا اخوان وياليت عندك شي يستاهل الزمه *** مدغم تراني على حد اليمين من ورا نجران لو القى علي صالح نشدته عن الشمه اسولف مع الشيبان واضحك على الورعان ولا مات خال ابوي ما مت من همه *** محمد لو تروح لأمريكا مردك على الصمان تراك بدوي يجري هوى البر في دمه تول القياده زين ياقايد الغزلان قبل لا أتوثم فيك واجيك بمطمه *** مدغم مدام الفياض مربعه والمطر ودان لا خايلت لي برق دفعت القدم يمه انا ذيب ليل لا عوا ما رقد جيعان ولاني بكلب رابض في ذرا عمه *** محمد لا تكبر هقاويقك على الزور والبهتان وانا اللي يداري دمعتك في طرف كمه انا بـ أنشدك يـ الطرقي الجايع الضميان من اللي بحبله وردك راهي الجمه *** مدغم وش المشكله بيت ودخلته مع البيبان مدام انها ماتلحق الوجه والذمه لو المصلحه ماتحكم انسان عند انسان وش يحبب النواب في مجلس الأمه *** دمتم بخير
|
||||
|
![]() |
![]() |
#2 | ||
|
![]() محاوره الناريه وعلي معني وشاعر ين كلهما بدعوا وخاصة ابوشيبه وشكر اخوي السيف دايم على انتقاء هذي المحاروه رائيعه
|
||
|
![]() |
![]() |
#3 | ||
|
![]() يعطيك العافيه على نقل هذه المساجله الساخنه .
|
||
|
![]() |
![]() |
#4 | ||||
|
![]()
هلا وغلا بك يالوسمي.
الروعـــه بتواجد المميزين أمثالكـ..\\ لاخلا ولاعدم
|
||||
|
![]() |
![]() |
#5 | ||||
|
![]() يعطيك العافية اخوي السيف محاورة ساخنة ونارية
|
||||
|
![]() |
![]() |
#6 | ||||
|
![]()
هلا وغلا ياعبدالرحمن ويعطيك العوآآآفي ع المرور الغالي لاخلا ولاعدم
|
||||
|
![]() |
![]() |
#7 | ||||
|
![]()
هلا وغلا ابو أثير..
نورت يالغالي بطلتكـ لاخلا ولاعدم..
|
||||
|
![]() |
![]() |
#8 | ||||
|
![]() . . • اهنئـًٍگ على ذوقـًٍگ واختيـًآٍرگ الرائًـٍع .. وفعـلا محـاورهـ نـاريهـ .. وعسى الله لايفرقـ بينهمـ وخصوص انهمـ من ربعـ مقهى أوسكـار .. سلم النآقل .. والمنقول .. فعلآاً .. مُتصفح .. رآق
|
||||
|
![]() |
![]() |
#9 | ||||
|
![]()
رمــــاد...
حضورك كالماء يروي كل اجواء متصفحى دمت بجمال حضوركـ
|
||||
|
![]() |
![]() |
#10 | ||||
|
![]() رديه كايفه استمتعت بقراءتها
|
||||
|
![]() |
![]() |
#11 | ||
|
![]() سلمت يمناك ع نقل المساجله الناريه
|
||
|
![]() |
![]() |
#12 | ||
|
![]() يعطيك العافيه على نقل هذه المساجله الساخنه .
|
||
|
![]() |
![]() |
#13 | ||||
|
![]() لاهنت اخوي السيف دايم على هذي الرديه الناريه
|
||||
|
![]() |
![]() |
#14 | ||||
|
![]() حياكم يالغالين
نورتوا صفحتي البسيطه بطلتكم الغاليه دمتم كما تحبون..
|
||||
|
![]() |
![]() |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إعلانات نصية |
منتديات صحيفة وادي الدواسر الالكترونية | |||
![]() |
![]() |
||