قصيدة ومناسبتها لرشيد الزلامي

[معلومات العضو المبيعيج]

عندما كان رشيد الزلامي في الجيش الكويتي في مصر سمع شخصاً يسب السعوديه فقال هذه الابيات

الله من قلباً به النار تشتب=شبت وهبت واستمرت شبوبه
قلباًغدى للهم مارد ومشرب=وماضاع من هم العرب راح صوبه
هماً على ربعاًوهماً على غب=باليوم والساعه همومه تلوبه
والله من عين تصب العبر صب=صب القليب الي تدالج غروبه
ياعبيدانا ماني بضب ولد ضب=يصبر لياسمع وينفخ ذروبه
انا عتيبي عريب معرب=ولي ماقفاً كل الجميع اشهدوبه
من سب داري قلت له كب ثم كب=وارخصت روحي دون داري جلوبه
لو انسجن باسبابه واتعذب=صبرت من شان الوطن للعقوبه
والسجن ماهو عيب شي مجرب=يعلم المسجون وشهي ذنوبه
يلومني خبل الى من تغرب=ينسى الوطن خسرو هله يوم جوبه
فوده مع الظفران صفر مكعب=غطيس قلب لذة النوم دوبه
وانا على كل الجنوب اتقلب=ماذقت حلو النوم يوم اهتنوبه
واقنب قنيب الذيب في راس مرقب=من حرمابه قام ينهش جنوبه
يجذبني الغربي عصير الى هب=ريح الديار الطاهره مع هبوبه
ريحة هواها مكسب واي مكسب=اخير من ريح البحر والرطوبه
عسى السحاب الي من العصر ينصب=دلت هماليه وهلت نصوبه
يسقي وطن راع العقال المقصب=نجد العزيز وغرب نجد وجنوبه
ياديرتي ما تقبل الشتم والسب=يامنع الاسلام دار العروبه
يفوز مذهبها على كل مذهب=وعلى مقلبت المذاهب عقوبه
يحكم بشرع الله والسيف الارقب=ولا شق فيها طالب الحق ثوبه

 

 

 

 

[معلومات العضو فهد الغريري]

من سب داري قلت له كب ثم كـب=وارخصت روحي دون داري جلوبه

اخوي الفاضل المبعيج

صح الله السانك على نقل هذي القصيده الجزله في معانيها ومقصودها

واختيار موفق جعلك تحيى

وصح الله السان الشاعر رشيد الزلامي على هذي الرائعه وعز الله

انه اسكت الي في بطونهم بلا على السعوديه جعلها المعزه.

تقبل تقديري واحترامي

اخوك/ فهد الغريري

 

 

 

 

[معلومات العضو العماني]

صح الله لسان الشاعر الكبير رشيد الزلامي

ولاهنت اخوي المبيعيج على الاختيار الرائع

تقبل تحياتي،،

 

 

 

 

[معلومات العضو عبدالرحمن الشرافي]

فوده مع الظفـران صفـر مكعـب

************غطيـس قلـب لـذة النـوم دوبـه


وانـا علـى كـل الجنـوب اتقلـب

***********ماذقت حلـو النـوم يـوم اهتنوبـه


لاهنت يا \ المبيعيج .......

على هذه القصيده الرائعه.....

وصح اللسان الشاعر \ رشيد الزلامي ..





تقبل تحياتي وتقديري ........

 

 

 

 

[معلومات العضو المبيعيج]

ارحبوا يابني عمي فهد الغريري و هايف العماني و الشرافي والله لايهينكم على المرور والله يعينا نجيب كل ماهو جديد وماينفع المنتدى ويطور مستواه