لاعترض وسم المنيعي على ورك الذلول!

**معلومات** **العضو** · 08-09-2008, 08:33 PM

بسم الله الرحمن الرحيم
اخواني وابناء عمي اداره واعضاء وزوار موقع الدواسر الرسمي
افتخر بابناء عمي بجميع قبايلهم وقبيلة المخاريم احد هذه القبايل الشامخه
واسم المخاريم لادالمنيعي ابناء عمي يستحقون ان يكتب فيهم الشعر ولايعبر عما بنفسي
من تقدير وحب وافتخار بهم

وقد خرجت هذه الابيااات وعنوانها الفخر بهم وبصيتهم
اتمنى ان اكون قلت مايليق بهم ولو الشي البسيط
ولكم اعذب التحايا واصدقها

الله الله يالمخاريم مثلي وش يقول= من غلاكم كل بيت يشوقني غناه
الثنى والمدح فيكم يجي حسب الاصول = اشهدانكم كفو للمدح ماحي زهاه
الشجاعه كانها بالشجاعه يالفحول= ثاركم مدبول والعلم ياصل منتاه
لاعترض وسم المنيعي على ورك الذلول= هيبة المشعاب من هيبة قروم وراه
محزم مايرتخي في ضحى يوماً يهول= تقهر العيال ويشوف بعيونه عماه
عزوة تعجبك لاقامت تصول او تجول= تلحق المسيوق ماراح لحامو علاه
والله انهم خير من يركب ظهور الخيول= في نهارن كل فارس وجوده من جداه
هم سندنا في زمان الشدايد لو يطول = هم هل الفزعات بالوقت لادارت رحاه
والكرم لاعدو اهل الكرم ماله زحول= غير صبيان المخاريم في وجه وجاه
الكرم طبع لهم والطبايع ماتزول= في زمان فات ماياجد الطرقي عشاه
هم ملاذ اللي جثبت به من الجوع الرحول= بار به وقته وخانه وخارت به قواه
ياعجب عين الخوي لو يدور الحول حول= كل يوم يزود من زايد العشره غلاه
الشواهد ماثله والدلايل بالفعول= ومن يصم اذنيه بالعين بالصفحه قراه
يابني عمي صدى الشعر للشاعر رسول= شاعر فيكم تغنى ولايبغى وصاه
دافع التقدير ساقه عسى يلقى قبول = وانتو اهل العز لاصار للعز اتجاه
حيثكم له مكسب وراس ماله ومحصول= من طناخة روسكم معرفتكم له غناه
ايهبا شعرن تجاوز هل الطاله عجول= وايهبا من لايفاخر بكم طول الحياه
لايمي في حب ذكر المخاريم مهبول= مايعرف يميز الوقت وجهه من قفاه
قالها اللي يبدع الشعر في كل الفصول= شاعر معناه راقي وعالي مستواه
شاعر من روس قوم اليا قالت تطول= من وداعين تطوع سلاطين الطغاه
اهل سيفاً ومنسف تعرفه كل العقول= والعوارف تعرف القصد من هذا وذاه

**معلومات** **العضو** · 08-09-2008, 09:27 PM

صح السانك ملاااااااااااااااين على الجزله

ويستاهلون لاد المنيعي كل علم طيب

ولاهنت على القصيده ياخوي حسن

تحيااااااااااااااااااااااتي

**معلومات** **العضو** · 08-09-2008, 10:27 PM

صح لسانك يامبدع و بيض الله وجهك ..

ويستاهلون لاد المنيعي المدح ..

.................................................. ....................................

**معلومات** **العضو** · 08-09-2008, 10:44 PM

قالها اللي يبدع الشعر في كـل الفصـول=شاعر معنـاه راقـي وعالـي مستـواه
شاعر من روس قوم اليا قالـت تطـول=من وداعين تطـوع سلاطيـن الطغـاه
اهل سيفاً ومنسف تعرفـه كـل العقـول=والعوارف تعرف القصد مـن هـذا وذاه

كفو والله اخوي حسن

صح لسانك و ماااااااعليك زود
و من طيبك يا ابن بطيحه و غلاكم في الصدر ثابت يالوداعين
تحيااااااتي

**معلومات** **العضو** · 09-09-2008, 02:10 AM

صح لسانكـ ملايين ..

حضرتـ كماهي عادتكـ بهذا الحضور الطاغي بجماله وروعته..

أبيات جزله من شاعر جزل ..

يستاهلون صبيان المخاريم (لاد المنيعي)

وماقيل في حقهم قليل..
لاهنت

وبيض الله وجهك

**معلومات** **العضو** · 09-09-2008, 02:11 AM

الشاعر حسن بن محمد
صح السااانك مدد على الجزله ياجزل
ويستاهلون لاد المنيعي
وتبقى شاعر كبير ومبدع بدون بهرجه ولاتلميع
وهذا خط المبدعين من قديم الزمن يكتبون للمتعه فقط

**معلومات** **العضو** · 09-09-2008, 02:18 AM

صح السانك ملاين على الجزله

ويستاهلون لاد المنيعي كل علم طيب

ولاهنت على القصيده ياخوي حسن

**معلومات** **العضو** · 09-09-2008, 02:12 PM

الله الله ياأبو محمد ،،

صح الله السانكـ مدد بلا عدد يالغالي ،،

و بيض الله و جهك على الجزله يالجزل ،،

و يستاهلون بني عمنا المخاريم (( لاد المنيعي ))

و ما قيل فيهم قليل ،،

و صراحتاً مبدع ياأبو محمد لآ خلا و لآ عدم ،،

و هذا أن دل دل على أخلاقكـ العاليه اللي كل يشهدبها

و هذا ليست بمجامله يالغالي ،،

تقبل مرور أخوكـ ،،

لـكـ كـل الآحـتـرام و الـتـقـديـر لمقامكـ العالي ،،

**معلومات** **العضو** · 09-09-2008, 05:19 PM

صح لسانك مليون وعساك ماتهون ابيات جزله وكاتبها جزل

وسلمت يمناك على ماقدمت من ابداع

ويستاهلون المخاريم

فعلهم مخبور من اول وتالي

لا هنت على كل حال

**معلومات** **العضو** · 09-09-2008, 11:04 PM

الله الله يالمخاريـم مثلـي وش يـقـول
من غلاكم كـل بيـت يشوقنـي غنـاه
الثنى والمدح فيكم يجي حسب الاصـول
اشهدانكـم كفـو للمـدح ماحـي زهـاه
.................................................. ...
قالها اللي يبدع الشعر في كـل الفصـول
شاعر معنـاه راقـي وعالـي مستـواه
شاعر من روس قوم اليا قالـت تطـول
من وداعين تطـوع سلاطيـن الطغـاه

الشاعر المبدع حسن بن بطحيه
صح الله لسانك من اليوم الى يوم الدين ونعم بلاد المنيعي ونعم بالوداعين

**معلومات** **العضو** · 10-09-2008, 06:10 AM

الله الله

لافض فوك يابووليد ، صح الله لسانك ملايين ولايسدن ، كتبت فابدعت واجزلت ، قصيدة رائعه عبرت عن مشاعرك واقول انا عن مشاعري واكيد مشاعر الكثيرين من ابناء الدواسر فبيض الله وجهك ويستاهلون لاد المنيعي كل حرف وكل بيت كتب فيهم ولا على الوداعين زود .

تقبل تحياتي،،

**معلومات** **العضو** · 10-09-2008, 11:12 AM

يستاهلون لاد المنيعي المدح وهم هله من اول وذلحين وبيض الله وجهك يابن بطحية على القصيد الجزل في الرجال الكفو وشكرن لك

**معلومات** **العضو** · 10-09-2008, 11:54 AM

قصيده رائعه

صح لسانك واعتلى شانك

دمت بود

**معلومات** **العضو** · 10-09-2008, 04:43 PM

اقتباس:

المشاركة الأصلية كتبت بواسطة ابو فهد الغييثي

صح السانك ملاااااااااااااااين على الجزله

ويستاهلون لاد المنيعي كل علم طيب

ولاهنت على القصيده ياخوي حسن

تحيااااااااااااااااااااااتي

صح الله بدنك
ولاتهون ياطويل العمر
سعيد بتواصلك ومتابعتك الله لايخليني منك

**معلومات** **العضو** · 10-09-2008, 04:45 PM

اقتباس:

المشاركة الأصلية كتبت بواسطة صاحب السمو

صح لسانك يامبدع و بيض الله وجهك ..

ويستاهلون لاد المنيعي المدح ..

.................................................. ....................................

صح الله بدنك ووجهك ابيض
لاهنت ياالقرم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
غير قدر وحشمة آلاد المنيعي	خالد المشاويه	:: قسم قصايد مدح وفخـر في الــدواسـر ::	4	20-07-2010 07:23 PM

الذين يشاهدون محتوى الموضوع الآن : 4 ( الأعضاء 0 والزوار 4)

		منتديات صحيفة وادي الدواسر الالكترونية