|
|||||||
25-01-2007, 01:24 PM
|
#1 | ||||
|
بعض قصائد // بندر بن سرور
بندر بن سرور من قبيلة عتيبه من الشعراء المتميزين
وله قصائد مشهوره منها قصيدتان راحت كثير من ابياتها مضربا ً للمثل .. كتب بندر اولاهما في بداية حياته ثم نسج على نفس وزنها وقافيتها القصيده الثانيه مما جعل الاكثريه يظنونها قصيده واحده : القصيده الاولى : يالله ياجالي الامور المهمـّـه ... تجلى وهج قلب ٍ برى حال راعيه البر دجته والبحر رحت يمـّـه ... وادرج سبب حظ ٍ على الله مساعيه يوم ان ولد الاش رزقه على امـّـه ... رزقي على اللي ميّت القشع يحييه مانـي وانـا بنـــدر ببياع دمــّـه.... خسران يابيّـاع دمّـــه وشاريــه اللي يبيّـــع لابســات الازمّــه... يـور ٍ يبــا بيض العماهيج تغنيــه خطو البخيل اللي يكبر معمـّـه... .يقرا الكتاب وواجب الله يخليـه إما هرج لك في رفيقه بنمـّـه .... والاّ عطى وامّـه تضيّــع هقاويـه القصيده الثانيه : ياملّ قلب ٍ كلّ مامات همــّــه.. دارت دواليب الدهر لين تحييه أحد ٍ ينام وحط راسه بكمـّـه ... واحد ٍ تخم النوم عينه وتخطيه واحد ٍ يحاول بالردى بنت عمـّـه... واحد ٍ يحاول ستر عذرا عوانيه أنشدك ياللي كلّ شيّ تـتـمـّــه... تقرا الكتاب وكلّ فرض ٍ تصلييه ويش القليب اللي عميق ٍ مجمـّـه... ماسرّ غرسه ماه عطشى سوانيه سمّ السبب ياعارف ٍ عنه سمـّـه... سمّ السبب ياعارفه قبل اسميــه وله ايضا الله مـن عيـن طرقهـا صواديـف عميت ويبسـن بالعـروق الصخافـي شفت الوزا بالعين من عرض ماشيف شفته وغيري من فطـن لـه وشافـي وقت تغير فيـه حتـى العواصيـف جا في عواصيـف الريـاح أختلافـي شـره قناطيـر وخيـره مقاطيـف يفطن له اللي يرضـع الديـد غافـي كم واحد جاله زمانه علـى الكيـف واغترته نفسـه يبـا الجـود وافـي يطلـع مطاليـع العـلا بالسواليـف بين العـذارى عـد روحـه سنافـي يفرح بهرج بالقفى يكـره الضيـف قتـات والقـتـات بالـنـار هـافـي يعلق قصيره علقـة النـار بالليـف عـي ولـد عـي زنـوده ضعافـي ان رخصت الحذوه توفي عن الحيف وان غليت الحذوه مشى اللاش حافـي يرقـد ويلحـق والدينـه تخالـيـف دايـم ومرقـد ميـت النـار دافــي هو مادرى ان الجود يبغى تكاليـف سهـر الليالـي مقـبـلات مقـافـي يبغـى يديـن للعطايـا مغـاريـف ويبغـى رجـول ماتمـل الوقـافـي والصبر بنحور السنيـن الشواحيـف اللـي قساهـا مثـل حـد الرهافـي مايقدرون الجود سـود الأطاريـف مشاركـة بيـض النسـا باللحـافـي يقدر عليه اللي حكم نجـد بالسيـف واودع مباغيـض القبايـل ولافــي عبد العزيز اللي يبـث المصاريـف يجـدع قناطيـر الذهـب بالفيـافـي يمشي على دربه جمـوع مراديـف نـو تحـدر مـاه والجـو صـافـي يشدي لواقيط الزبيـدي بعـد ريـف ومما كسـى البيـدا تفيـد الضعافـي (سر ياقلم) سر ياقلم مالي على الصبر طاقه صبري تعدى الحـد ماعـاد ينطـاق أكتب لمثلـي قصتـه واشتياقـه في خطك الواضح على بيض الأوراق قصة حزين صافي الحـر ذاقـه انا بذكره ماصلـه خاطـري ضـاق باقو به الأصحاب والوقت باقـه وصار الضحيه بيـن بايـر وبـواق يمشي وهو ماحس في كسر ساقه امسى على ساقين واصبح على سـاق مهذي سواة الوقت شين اصطفاقه الوقت لـو يصفـى لـك ايـام دراق لاشك يامن معك عقـل ولباقـه بنصحك كان انـك للأمثـال تشتـاق صادق رجال يعرفون الصداقـه يقفون صفك يـوم يبسـات الأريـاق ومن يرغب فراقك فعجل فراقـه جاز الـذي يجزيـك أفـراق بفـراق يقوله اللي جاير الوقـت عاقـه ولازال فـي غيبوبـة الهـم مافـاق حظه على اقشر شي للنفس ساقه بقبور الاحياء ينتظر يـوم الأطـلاق (الشاور غشاني) من بلاد الشام جينـا بالمكينـه فـوق فـرت ماتخـثـع بالطمـانـي يحتدي مثل الجمل تسمع رطينه مـع طمـان القـاع مثـل الثعلبانـي والشفير من المدارس مطلعينه عيدهـي يجدعـه جـدع الحصانـي قذلة الطربوش ناطلهـا يمينـه عن ظـلام الليـل شـب الكهربانـي ماتجيه يسار رجله شوف عينه غيـر يسـر الطـاركـي باليمـانـي يوم قال له الخوي عاشت يمينه شـد رجلـه للكمـك واحـد وثانـي يالله انك تنصره من نصر دينه ان عطى لـه مـع غبـا والا بيانـي قلت يالمطنوخ انا عيني حزينه عن شراب اللف ابيـه وعنـك كانـي قد رمى بالكيس قدمي قال وينه دوك مابالجيـب عـن شـي لهانـي يقصد الكبريت معي منه عينه قـد منـا تلـت غرامـيـل متـانـي قلت ثالث قـال يالله لاتهينـه قلت خامس قال قير يطلب نقل ثانـي قالت واحد والكمك ظام المكينه قال لي مـن يرحـم القاسـي ليانـي قلت والله يرحمونه صانعينـه قد زعلت من اللهيب اللـي غشانـي قـال ماتاثـق بذمـه مقننينـه عن مشاور غير عرفـي قـد كفانـي قاطع عرقين مدري وين وينـه قد وصلت الأرض واسمع صوت ثاني يوم يرفع موخره قو المكينـه يرتخي صدره وانا الشـاور غشانـي قلت دوك اللف خابو شاربينـه غطني عن شوف شـي قـد غشانـي قال عن وقلـت بأيـا لحينـه قـال قـل ناسـي خـوي مانسانـي قلت عاش الشيخ واللي ناجبينه عادة الطيب اليـا جـا الجـد عانـي (صدر وردوف) يابنت ياللي عمرها صـدر وردوف بيـض محاجرهـا وحلـو نبـاهـا ودي بشوفك مير يوم اقصر الشوف عيني بعد هـاك الرمـد قـل ماهـا سويت لي يابنت بالعيـن معـروف بأسبـاب رجـل بعدتهـا خطـاهـا والا ترى قلبي ليا اصطك بالجوف اومى بحالي ليـن تابـس عصاهـا ( لاتجربونه) ياهل الونيت اللي يبي مشتل البيب مادق صدره بالخطـوط الغزيـره يوم يتخثع مع محيـر الأداعيـب يشدي تخثع جـادل فـي حريـره لاتجربونه مايبي الفرت تجريـب قد جربه بالبيت الأبيـض خبيـره عدوه لابن حزام سيد اللواعيـب لعـاب زينـات البيـوت العسيـره ثم قل لقاعد مانبي منـه تدريـب الوقت دربنـا علـى كـل سيـره لو كل من قاد السبب يعلم الغيـب ياما كرهت النفس من باب خيـره ان قفت الأيـام ماهـا مغاريـب واليا اقبلت يازين صافـي غديـره قل له رميت الكيس بين الشواريب واليـوم ادوج مالقيـت اتعمـيـره (لاتسقط شرفها) الله من شـي بحالـي نحفهـا من مالجى بالقلب حالي نحيفـه من كثر ماتكتم تزايـد تلفهـا بين كداها بالعـروق الصخافـي كم واحد له حاجة ماصرفهـا يصد عـن صرافهـا لايضيقـه يخاف لايقضب نديـم طرفهـا قلبه صدى واطراف جسمه نظيفه والله خلق بيد الذلول وعسفهـا للي يبي المنهاج مثـل القطيفـه والفضل للي مدها ماقصفهـا وانهج من الدار المحل للمريفـه وانصحك ياللي غرته ماعرفها شيب تشيـب مايحـول رديفـه رديفها يركض ويركز هدفهـا وقت يقص العظم من حد سيفـه وان جتبك الدنيا وجابك صدفها لاتعتزي بأهل النفوس الضعيفـه وأنصحك نفسك لاتسقط شرفها ترى بعض بيض المجالس مجيفه (خبيث التجاره) لاوالله الا طولـن بالوقوفـي عيا يحملهـن خبيـث التجـاره بفلوسنا ياعبيد ماش معروفـي متى نجي ياعبيد مع خشم صاره ياركب من فوق صاف البلوفي مقعد امبير الزيت نيم الحـراره فراق مابين القلوب الولوفـي فرت كما وبل السحايب غبـاره (شيب الفلاحي) بديت ذكر اللي بسط سبع بوتـاد واللي رفـع سبـع بليـا عمدهـا والكار للي صار غيث للأجواد لاقبلها صارت ولا مـن بعدهـا زايد على كل العرب بالوفاء زاد ساق المراجل لين وقـف عددهـا حلحيل حلو مر زراع حصـاد كبـد يداويهـا وكـبـد لهـدهـا ولي عجوز من ورى شط بغداد سمت على شيب الفلاحي ولدهـا تبغاه يطلع مثل زايـد ولا فـاد ماكل من هاز الطويلـه صعدهـا ياشيخ انا جيتك على غير ميعاد من خوف روحي لايجيها وعدها (صنايع يهود) الا يانديبي فوق دوج عليـه شـراع ماقال انفخ التشريق جاء في مواصيره ليا هبت العليا وقـام العجـاج وراع يهيظك مع السكه تـزاوغ معاصيـره صنايـع يهـود لايبـدل ولا ينبـاع يقربك من دار ويبعـدك عـن ديـره بعد ماطلعوه مشيك مايبي المرجـاع سمع من وراه الفوج غنت مواطيـره ليا دق سلفه قام صوته يرج القـاع ماجاه المعاون يشتغل فـي مساميـره عطاه اثنين وداس بلأبنـص وفـاع رزيمه رعـد مـزن تهلـع دناقيـره خرط له بثالث عقب نشه بعزم وزاع شتلـه برابـع مايضـيـع تغايـيـره ليا شال عزمه ريحه آمـن مارتـاع مسك مع يمين الخـط ويلـد لأنبيـره نص جو سمنه مايبطنج مع الأرواع منصيـه شيـخ ماتبطـل جزازيـره على سلم جده مايشاور ضعيف الناع يدلـك بفعلـه كاثـرات دواويــره (حج الجمل) انـا ليامنـي نويـت افتـل البيـت فتلـت والشعـار مــا ينقضـونـه بينـت راسـي للمغنـي وغنيـت وين انت ياللـي مرمسـات ديونـه حج الجمل ياهل المثايـل وحجيـت والنـاس راس العبـد مايقطعـونـه دوك السويتش وشغل الفرت يابخيت وارد حفيـز وكـامـلات فنـونـه (عجل على المسجد) ياكثر يافيحان صبر صبرنـاه امس الشهر عديت باقي اسبوعه لاتغبط اللي صار زوده بدنياه يتبع هوى نفسه وغير طبوعـه مخطي طريق الحق غاد بعمياه يجمع وصخ مال زوال نفوعـه اغبط تقي صار زوده بتقـواه عبد لصوت العبد يرخي سموعه يفرح بصوت منادي الحق ناداه عجل على المسجد بطيْ ركوعه والا ترى الدنيا حدود مسمـاه لابد مايقفـي وتقفـي زروعـه (رجتني الأيام) ياسخيف الذرعان ماني بمرجـوج رجتنـي الدنيـا بـغـدر وحيـلـه يابنت لولا اللي على تاسع الفـوج تركـت نجـد وعـزوة بالقبيـلـه لاشك حاديني على نجـد هيـدوج مسقي الفيافي ليـن يـدرج مسيلـه تركي ليامن الليالي غـدن عـوج حملـه عتيبـه كلـهـا ماتشيـلـه يرسي كما مينا البواخر على الموج ومنيـن ماصـك البحـر يرتكيلـه مادام تركـي حـي مـاودي ادوج وان غاب غبت من الرجوم الطويله (انحاس بالي) انحـاس بالـي يامحمـد وصديـت من كثـر الصـدات قلـت شطونـه ماني وانا بندر بهيـت ولـد هيـت هيـت يجامـل خـمـة يكرهـونـه من كثر ماجربت واقبلـت واقفيـت قولـة هـلا لمـن لايـودك مهونـه سلط على النصراني اللي لقا الزيت لعـل نبـع الزيـت يعمـي عيونـه لاشك تحتـاج المراجـل شفاليـت تحتـاج شـي يقصـر النـذل دونـه عزم على الفرجه وقطع الخلا الميت حتـى عيـال الـبـوم مايقطعـونـه ثلاث*مـن كـل المعانـي تنقيـت واللـي بقـى كـل المـلا يقدرونـه مابغى جزاهن غير من خالق البيـت عمالـهـن للـنـاس ماينفـعـونـه (دوك الفرت) يامنير دوك الفرت واخذ الفواتير وافحص عليه ودخلـه بالقراجـي اللي يبي بنزين ركب مواصيـر واللي تبيه النـار ركـب بواجـي واليا ستعد وصخر البعد تصخير تصخير شيهان لفـرخ الزراجـي حده على اللي مايعد المخاسيـر ركاز عمـدان الخشـب للنعاجـي ثم قل لبو بندر ترى وقتنـا غيـر تبدلت سحب المطـر بالعجاجـي قومه عتيبه شيوخهم مابهم خيـر لايدعي بشيوخ شيـوخ الخراجـي نبكي سيوف سمرت نجد تسميـر تسمير عود الساج في عود باجـي حدن محمد ابن هادي ورى النير والفرم محسـن عقبنـه سواجـي ربع رسو بين الحفيفيـن يامنيـر ماسلمـو لمـدور البـاج باجـي رحنا ندوج ونتسمـى مناصيـر نمشي على البيـدا بليـا مزاجـي متى يجي في نجد بعض التغايير حتى يجـي للصابريـن انفراجـي ياناس خلوني على الأرض لاطير لين اضبط البراد وآكـل علاجـي (بالسلك يندار) يامنير عمر لي مـن التتـن معمـار يبري الغليل اللي علـى القلـب كالـي ولا رفعت الصوت وابديـت ماصـار من شـان تـدري ويـش ولا بحالـي مكفاك مني سجتي بعـض الأمـرار انهـج جنـوب وحاجتـي بالشمـالـي اركض مع الدنيا كمـا ركـض دوار ياما كسب زنـدي ويامـا غـدى لـي الله علـى اللـي عايروهـا بالامتـار طـراز بـنـج شغـلـت بالعـدالـي زادو هواها واطعموهـا مـن النـار حتى امبيـر المنجضـع عـد صالـي نشت سمـا ماجربوهـا مـع القـار طارت مطير الطيـر ربـع الكحالـي تلفي على اللي في طرف هجر سنجار يشـدي جبـل سنجـار بيـن الجبالـي باطـراف بيتـه للمواجيـب شنكـار معـلاق كبـش عنـد راعيـه غالـي ثم قل لبو بنـدر تـرى الوقـت دوار يفطن ترانـي منفعـه لـو شكـا لـي ان زان وقته صـار بالسلـك ينـدار وان شان قـص مروبعـات الحبالـي كـم واحـد بيـن العماهيـج هـذار مغترتـه نفسـه بكـبـر الضـلالـي يبلس على ربعـه ويدنـع بالأسـوار ويعـد نفسـه مـن حسـاب الرجالـي كفه بخيل وقلبه انجـس مـن الفـار اسود طرف وادغـم مـن السرمدالـي هـذاك بعـده خيـر ماكنـت بختـار اجـزاه بالصـدات وابعـد مجـالـي ابعد مجال الرجل عـن كـل هـذار واصبر على الصكات والعمـر بالـي وليـا وطنـي غبـر الأيـام بـأزوار غيـري جماعـه ماوطنـي لحـالـي شفت الوزا واشتلت لي منـه قنطـار وان جيت اعدله شرق للغـرب مالـي عبر على الدنيا من العسـر لايسـار ماظنتـي فيـهـا حــرام وحـلالـي حـرام للفنجـال سوقـه ليـا فــار الا علـى اللـي يرخصـون الريالـي وانا اللذي ماقول فـي نجـد شعـار وان كان به شعـار محـد حكـى لـي (ذباحة التيس) ياعنك ماتغنيك ذباحـة التيـس ربع السعد مادام حملك خفيفـي واخير من هاك الوجيه المفاليس البعد عن معروفهم لـو تضيقـي يلحقك منهم بعض الأيام تنجيس تاطا النجس لو كان ثوبك نظيفي (يامشتري حظ) يامشتري حظ جزى منه راعيه ياسايم حظي ترانـي سموحـي ارخص عليك البيع ماني بمغليه واشرط عليك انه سدوح لدوحي
|
||||
|
|
|
|
25-01-2007, 01:41 PM
|
#2 | ||||||
|
رد: بعض قصائد // بندر بن سرور
عز الله
|
||||||
|
|
|
|
25-01-2007, 01:42 PM
|
#3 | ||||
|
رد: بعض قصائد // بندر بن سرور
[ منهــا :
من كثر ماجربت واقبلـت واقفيـت= الله يعطيك العــافيـــة اخوي سعـــــــــــــــــود......
|
||||
|
|
|
|
25-01-2007, 01:53 PM
|
#4 | ||||||
|
رد: بعض قصائد // بندر بن سرور
سعود
|
||||||
|
|
|
|
03-02-2007, 08:17 PM
|
#5 | |||||
|
رد: بعض قصائد // بندر بن سرور
اقتباس:
الغالى عبدالرحمن الشرافى
ابرك الساعات مرورك يالقرم
|
|||||
|
|
|
|
04-02-2007, 08:42 PM
|
#6 | ||||
|
رد: بعض قصائد // بندر بن سرور
ابن العم الغالي سعود الخييلي
|
||||
|
|
|
|
04-02-2007, 09:26 PM
|
#7 | ||||||
|
رد: بعض قصائد // بندر بن سرور
سعود
|
||||||
|
|
|
|
06-02-2007, 04:42 AM
|
#8 | ||||
|
رد: بعض قصائد // بندر بن سرور
الغالى / محمد البليهي
|
||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 8 ( الأعضاء 0 والزوار 8) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الشيخ بندر بن تركي بن عويجان الخريم رئيس مركز آل بوسبّاع يدعوا كافة مشائخ وأعيان وأبناء القبيلة للحفل المعد تكريماً لأبطال نقطة المثلث بوادي الدواسر. | الإداره | :: قسم مناسبات وأخــبار الـدواسـر :: | 13 | 13-01-2011 06:31 AM |
| أحب الاعمال الى الله...سرور تدخله على.... | سالم الخضراني | :: القسم الإسلامـــي :: | 8 | 29-12-2010 01:28 AM |
| لقاء الشاعر سلطان النحاوي في برنامج رواد وأحفاد ( حلقة بندر بن سرور العتيبي ) | عبدالكريم العماري | :: قسم الصوتيات والمرئيات والصور بما يوافق الشريعة الاسلامية :: | 4 | 08-12-2010 05:35 PM |
| :: من قصائد الدندان :: بصوت لبنان بن عبدالله الرجباني | عبدالكريم العماري | قسم الصوتيات والمرئيات لقصائد شعراء قبيلة الدواسر | 9 | 10-11-2010 02:55 AM |
| ضمن برنامج رواد وأحفاد سيرة وتفاصيل حياة الشاعر الشهير/ بندر بن سرور | فهد الغريري | :: قسم مناسبات وأخــبار الـدواسـر :: | 7 | 03-11-2010 01:46 AM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 02:23 AM
