ستة من الشكره يردون جابر المرضف وقومه

[معلومات العضو أصمعي الدواسر]

السلام عليكم

في أيام المغازي والغزو ، جاء جابر المرضف من شيوخ آل مره المعروفين عميل صلح ، وماخذ ٍ سير من الدواسر (اي مصالح الدواسر لكي يساعدونه ليغزي على قحطان)
وغازي على قحطان ، واستنذروا بهم قحطان ، ويوم درى المرضف جاك منكف

ولين فيه ستة من الشكره غازين رايح للأفلاج طالعين من الخرج يبغون ينوهون بالمغزى.
وتصافقوا ويا المرضف وهو منكف بالصدفة .

فقالوا له : حنا ذولاك العرب (حيث انه عميل صلح وعشان ماياخذهم) .

فقال جابر المرضف : ماخوذين ومجحودين .

فقالوا : الكافي الله

وحصل لهم معركة قوية وهم ماغير ستة والمرضف معه ثمانين ذلول دليل كثرتهم .
وتناوخوا معه من القايله الى عقب صلاة العصر ، وافتكوا الرجال ركايبهم بشجاعتهم وضربهم القوي ، واستطاعوا يردون المرضف وربعه بعدما شافوا استبسال الشكره دون ركايبهم وارواحهم .

وقال الشاعر محمد بن عزرم الشكره هذي القصيدة بغد هذا الموقف:


لحق( المرضف) عميل صلح يبغينا = وعيا علينا الولي والله كفانا به
جاهم جفال ٍ لاسمعوا عزاوينا = من كثر من عند تاليهم حذفنا به
من ضربنا راح ماله رادة ٍ فينا = شاف النشاما لاباقي الروح جلاّبه
نعم (بسعد) و(وسمي) هو وعانينا =و(مناحي) ملحق اللي تكلح أنيابه
(جميشان) حوّل وحر الموت حادينا = وعزالله انه يشوق العين ثلاّبه
لاجيت ابمتدح للفعل كافينا = ارخصت انا الروح والمطلوب جينا ابه
تكفون يبغي ركايبنا يحفينا = ما غير ( ستة) والدايع جالي اعذابه
لعيون منهو تلفى العلم يرجينا = لامن لفاه الخبر لاتضحك أنيابه
((آلاد علي)) من أولنا لتالينا = كم واحد ٍ نفرده من جملة أصحابه
وذا شرعنا من على عود ٍ معجينا = وحنا هل الراية العليا واهل جابه

آلاد علي : من الشكره ومنهم آل حفيظ وآل عزرم.

كتب خصيصا لمنتدى الدواسر الرسمي
جميع الحقوق محفوظة لموقع الدواسر الرسمي

مع تحيات الأصمعي

 

 

 

 

[معلومات العضو العماني]

كفو والله بصبيان الشكره وقفوا دون ارواحهم ومالهم ويستاهلون النعم .

بدون قصور في قبيلة آل مره العزيزة

اخي اصمعي من طول الغيبات جاب الغنايم

نشكرك على السالفة والقصيدة

تقبل تحياتي،،

 

 

 

 

[معلومات العضو الرجباني 2]

بيظ الله وجهك اخوي اصمعي على السالفه ونرجو منك اكثر انشالله اخوك الرجباني2

 

 

 

 

[معلومات العضو ابوعبدالرحمن الودعاني]

	ماشاء الله تبارك الله الغنايم والله جبتها يا الأصمعي الدوسري الله لا يهينك يا الغالي على هذا جهد وهذه القصيده والسالفه الطيبه.. لا تبطي علينا بجديدك..

 

 

 

 

[معلومات العضو الصقر الحر]

كفو والله بصبيان الشكره

والله وننننننننننننننننننننننننننعم بهم ولايهونون ال مره


أصمعي الدواسر لاهنت على موضوعك المميز

وبيض الله وجهك

تقبل تحياتي

أخوك

الصقر الحر

 

 

 

 

[معلومات العضو عبدالله أبن مصلح]

كفوووووووووووو كفوووووووووووووكفوووووووووو
والله ياكلمة ونعم بالشكره انها شوى فى حقهم
الاصمعى بيض الله وجهك

 

 

 

 

[معلومات العضو ضامي]

والنعم والله بالشكرة وبالدواسر كلهم

 

 

 

 

[معلومات العضو عبدالله بن عريمة]

المشاركة الأصلية كتبت بواسطة أصمعي الدواسر

السلام عليكم
في أيام المغازي والغزو ، جاء جابر المرضف من شيوخ آل مره المعروفين عميل صلح ، وماخذ ٍ سير من الدواسر (اي مصالح الدواسر لكي يساعدونه ليغزي على قحطان)
وغازي على قحطان ، واستنذروا بهم قحطان ، ويوم درى المرضف جاك منكف
ولين فيه ستة من الشكره غازين رايح للأفلاج طالعين من الخرج يبغون ينوهون بالمغزى.
وتصافقوا ويا المرضف وهو منكف بالصدفة .
فقالوا له : حنا ذولاك العرب (حيث انه عميل صلح وعشان ماياخذهم) .
فقال جابر المرضف : ماخوذين ومجحودين .
فقالوا : الكافي الله
وحصل لهم معركة قوية وهم ماغير ستة والمرضف معه ثمانين ذلول دليل كثرتهم .
وتناوخوا معه من القايله الى عقب صلاة العصر ، وافتكوا الرجال ركايبهم بشجاعتهم وضربهم القوي ، واستطاعوا يردون المرضف وربعه بعدما شافوا استبسال الشكره دون ركايبهم وارواحهم .
وقال الشاعر محمد بن عزرم الشكره هذي القصيدة بغد هذا الموقف:

لحق( المرضف) عميل صلح يبغينا = وعيا علينا الولي والله كفانا به
جاهم جفال ٍ لاسمعوا عزاوينا = من كثر من عند تاليهم حذفنا به
من ضربنا راح ماله رادة ٍ فينا = شاف النشاما لاباقي الروح جلاّبه
نعم (بسعد) و(وسمي) هو وعانينا =و(مناحي) ملحق اللي تكلح أنيابه
(جميشان) حوّل وحر الموت حادينا = وعزالله انه يشوق العين ثلاّبه
لاجيت ابمتدح للفعل كافينا = ارخصت انا الروح والمطلوب جينا ابه
تكفون يبغي ركايبنا يحفينا = ما غير ( ستة) والدايع جالي اعذابه
لعيون منهو تلفى العلم يرجينا = لامن لفاه الخبر لاتضحك أنيابه
((آلاد علي)) من أولنا لتالينا = كم واحد ٍ نفرده من جملة أصحابه
وذا شرعنا من على عود ٍ معجينا = وحنا هل الراية العليا واهل جابه

آلاد علي : من الشكره ومنهم آل حفيظ وآل عزرم.
كتب خصيصا لمنتدى الدواسر الرسمي
جميع الحقوق محفوظة لموقع الدواسر الرسمي
مع تحيات الأصمعي

كفووووو والله يالاد شكر هذي عوايدهم هل الست

وسوا لفهم تنومس بني عمهم

جعلك تسلم يالاصمعي علومك غانمه

 

 

 

 

[معلومات العضو يحيى الودعاني]

لاهنت أخوي أصمعي الدواسر

وبيض الله وجهك على السالفة اللي تنومس

و نعم بالشكره

قده وزود

 

 

 

 

[معلومات العضو ابن محمد الودعاني]

كفو والله ببني عمنا الشكرة

وغير مستغربة منهم وعلومهم ماضية بالشجاعة والطيب

لاهنت يااصمعي الدواسر على موضوعك المميز

 

 

 

 

[معلومات العضو نمر بن الأشيب]

كفووووو والله يالاد شكر هذي عوايدهم هل الست

وسوا لفهم تنومس بني عمهم

جعلك تسلم يالاصمعي علومك غانمه

 

 

 

 

[معلومات العضو عبدالرحمن الشرافي]

((آلاد علـي)) مـن أولنـا لتالينـا **** كم واحد ٍ نفرده من جملـة أصحابـه



كفو والله بــــ بني عمي عصبة راسي



ولاهنت لاهنت يا الاصمعي


وبيض الله وجهك يالقرم وما قصرت


ولاتحرمنا من جديدك الجزل


تقبل تحياتي وتقديري

 

 

 

 

[معلومات العضو إبـراهيـم بـن راكـــان]

كفو والله بصبيان الشكره ,, هذي فعليلهم جعلهم للمعزه دوم وقاده


الاصعمي لاتبطي بجديدك جعل عمرررك طويل ,, وبيض الله وجهك

 

 

 

 

بيظ الله وجهك اخوي اصمعي على السالفه ونرجو منك اكثر انشالله

 

 

 

 

[معلومات العضو عبدالرحمن الشرافي]

كفو والله بصبيان الشكره وقفوا دون ارواحهم ومالهم ويستاهلون النعم .

بدون قصور في قبيلة آل مره


اخي اصمعي

بيض الله وجهك على ذكر هذه القصة المشرفة واللي ترفع الراس


وتقبل فائق التحية