طول الله عمر نايف بعام(ن) تلو عام

[معلومات العضو سعد بن قرنين]

بسم الله الرحمن الرحيم

السلام عليكم ورحمة الله وبركاته :

الاخوه الاقاضل الاعزاء القائمين على اداره هذا الصرح الشامخ :

أولاً : نشكر لكم جزيل الشكر على ماقمتم به من :
ترتيبات واهتمام بالمسابقه الثانيه لمنتدى القبيله بعنوان :
تعيين صاحب السمو الملكي الامير/ نايف بن عبد العزيز ولياً للعهد آاطـآل آلله في عمـره ..

بنيتو لنا صرح(ن) عظيم وكبير الشان=وجمعتو القبيله من قريبن ومن قاصين
تواريخ وعلوم وتراث لها برهان=لكم نرفع البيضاء شهيره ومشكورين

ثانياً : نبارك لجميع الشعراء المشاركين عامه والفائزين خاصة .
على قصائدهم الجزله المستحقه للتكريم والأشاده .

ثالثاً : تبين لي مؤخراً أن قصيدتي التي شاركت بها لم يعرض منها سوا نصفها [ 12 بيت ] على اللجنه وفي الطباعه واعتقد انهُ خطأ غير مقصود وجلا من لا يخطئ .
وأنا ألأن أجبر بخاطر القصيده احتراماً لها ولمن قيلت فيه فهذا أقل ما نستطيع فعله وهنا أعرض عليكم الأن القصيدة كاملة ولا كامل سوا وجه الله جل جلاله.

ياملكنا سادس ملوكنا نسل الامام=دام عز الدار مادامكم حكامها
اختيارك في ولي العهد رجل السلام=تبتهج به دولتن شاهره باسلامها
فيه تحسدنا الاوادم صداقا والخصام=والصحافه في مديحه تضيف اقلامها
السياسه فطنه وفكر واسلوب الكلام=ياولي العهد تملك يديك ازمامها
والقياده حنكه وراي واشراف ونظام=في وزير الداخليه ورمز اهرامها
وفكرت الارهاب حطت مبانينا حطام=بحكمته جث الخلايا على نيامها
ياالوزير الفخري اللي تجلى بالمهام=الفتن يبطش خفافيشها وازلامها
اغلب اللجان تنصاه بامورن اجسام=وبأمره الحجيج كثف لها خدامها
في يمينه يشهر العدل في حد الحسام=وفي يساره لطف نودن تهب انسامها
من عيونه ينتهر من يناوي بالحرام=والبيان بكلمت الحق صار إمامها
لاغضب عاصوف عزيل من جاه العسام=وإن رضى سحاب وبله تسر اديامها
حاسبين حسابه عيال سام ونسل حام=العجم عجزت تحقق جميع احلامها
كاسرن شوكات منهم تبنو للهدام=وكل جمعيه معا الدين عز إقيامها
طول الله عمر نايف بعام(ن) تلو عام=لاتعب نفسي تزايد جروح اّلامها
مايسبه كود خاسي وملعون الرحام=الوجيه اللي تنومس على لطَامها
نوًر ادروبن غشاها من الجهل الظلام=والنفوس الخًيره زادها ماضامها
فيصلي العزوه اللي على يعرب وسام=زايدي الخال من الازد روس اجذامها
هز الامبراطور واهل الفخامه والمعام=شخص في شخصيته لغز يافهامها
ياجبال اجاء وسلمى تراك جبال خام=الجبل نايف طواغيت زال إعرامها
للجزيره درع واقي وللعرب الحزام=وهو علاج لروس ناس(ن) يزيد إسقامها
ساند السنّه بدوره مع الهيئات قام=والشريعه هو عمود(ن) بوسط اخيامها
هو لحاف الامن يصهل ايلا صار الزحام=المكايد كلما جات جاب اقزامها
هيبته منها المطانيخ لاجت له نعام=والمعزه حرش شول(ن) وهو سنامها
الكرامه جوهر(ن) له وهو ساس الكرام=والشجاعه صرح نايف ترف اعلامها

وسـلامتكم .


وتقبلوا مني تحياتي ولكم جزيل الشكر .

آلشـأعر / سعــد بن قرنـيـن .

 

 

 

 

[معلومات العضو محمد بن حمد الشكرة]

صح الله لسانك مدد بليا عدد على القصيدة الجزلة

ويستأهل سمو سيدي ولي العهد المدح و الفخر ويكفي انه رجل الأمن الاول

لا تحرمنا من جديدك يابن قرنين

 

 

 

 

[معلومات العضو شافي بن راشد النتيفات]

 

 

 

 

[معلومات العضو هادي آل حشفل]

ياملكنا سـادس ملوكنـا نسـل الامـام
دام عـز الـدار مادامـكـم حكامـهـا

صح الله لسانكـ واعتلى شانكـ ويستاهل سمو سيدي /نايف بن عبدالعزيز كل ماقيل فيه

 

 

 

 

[معلومات العضو راشد المسعري]

ارحب يابو مسفر في البداية صح لسانك وسلمت على القصيدة الجزلة والتي زاد من جزالتها من قيلت فيها وهو صاحب السمو الملكي الأمير نايف بن عبدالعزيز حفظه الله ورعاه . ثالثاً : تبين لي مؤخراً أن قصيدتي التي شاركت بها لم يعرض منها سوا نصفها [ 12 بيت ] على اللجنه وفي الطباعه واعتقد انهُ خطأ غير مقصود وجلا من لا يخطئ . اسمح لي اقول إن اللي تبين لك غير صحيح ,كنت اتمنى أنك تتصل بأحد افراد إدارة المنتدى للتأكد من ذلك لأن ماقلت يعتبر تشكيك في مصداقية الإدارة والقائمين على المسابقة اللذين اجتهدوا عدة أشهر من أجل إظهار المسابقة بهذا الشكل. فأقول وبالله التوفيق أن قصيدتك وصلت لجنة التحكيم كاملة وكذلك تم إرسالها للمطبعة (خارج مدينة الرياض) لأجل إصدار الكتيب ووصلتهم كاملة ، ولكن المطبعة أثناء الطباعة أسقطت بعض الأبيات من غير قصد وكان الوقت ضيق لأنها لم تصل للرياض سواء قبل الحفل بساعات. بمعنى أن قصيدتك وصلت اللجنة كاملة الأبيات وتم تقييمها بشكل كامل ، أما في الكتيب المخصص للمسابقة واللذي وزع في الحفل فحصل ماذكرته لك أعلاه وهذا الغلط من المطبعة الطابعة للكتيب الذي وصل يوم الحفل ، بينما لجنة التحكيم انتهت من تقييم القصائد قبل الحفل بأكثر من يومين . عموماً صح لسانك وسلمت وتبقى أحد الشعراء الجزلين وأهنيئك انت والشعراء المشاركين والفائزين بهذه المسابقة التي نعتبر الجميع بلا شك فائزين فيها. تقبل ودي وتقديري ،،،،

 

 

 

 

[معلومات العضو مبارك بن شافي النتيفات]

صح لسانك ياسعد واعتلى شانك

لا تحرمنا جديدك

 

 

 

 

[معلومات العضو سعد بن قرنين]

ارحب يابو محسن تراحيب المطر


انا لم يصدر مني اي تشكيك في مصداقية الإدارة والقائمين على المسابقة انما قلت يمكن خطأ
غير مقصود ولكن تكرمون عن التشكيك وبيض الله وجيهكم وسدد خطاكم

بنيتو بضلع طويق صيت وظهر ويزيد=سلامي عليكم كل ماهبت النودي
مواضيع تبنا بالحقايق وعلم يفيد=موارد ومن ضيّع لها لازم يرودي

وتقبلو تحياتي ،
.

 

 

 

 

[معلومات العضو راشد المسعري]

ارحب ، وانا خابر اللي في قلبك يابومسفر لأني اعرفك قبل المنتدى واعرف اخلاقك وسمعتك الطيبة
ولكن الرد اعلاه يمكن خانك التعبير لأنك قلت:

ثالثاً : تبين لي مؤخراً أن قصيدتي التي شاركت بها لم يعرض منها سوا نصفها [ 12 بيت ] على اللجنه

وانا اكرر واقول
اقسم بالله العلي العظيم إنها عرضت على اللجنة كاملة كما وصلتنا منك ، وانا هنا ادري إنك صدقت واقتنعت لكن لكي يعرف القارئ الكريم ، وهذا نقاش اخوه ومحبة بين الجميع.
وفقك ربي ولك ودي وتقديري ،،،،

 

 

 

 

[معلومات العضو غازي المسعري]

صح لسانك ياسعد واعتلى شانك

لا تحرمنا جديدك

 

 

 

 

[معلومات العضو عبدالرحمن بن فلاح آل بريك]

صح لسانك يا سعد .

ومبروك المركز الثاني ..