والله إني ماحسبت حساب لكل البريّه .. دام فيه دوسري يسمع ندايا

**معلومات** **العضو** · 10-11-2005, 01:05 PM

السلام عليكم ..

هذي قصيدة (منقولة)

إهداء مني لكم يا عيال عمي

واخص منهم هايف العماني صاحب الموقع

ودغش البطي

وجميع اعضاء هذا المنتدى الشامخ :

ـــ

ياهموماً كل ما تارد عـليّــه
تنهش الخفاق حمال الأسايا

كل همٍّ لاعوى جاوب خويّه
ثم لجت بالصدى حدب الحنايا

صابراً مابين ذيك وبين ذيّه
ولا شكيت لغير علام الخفايا

ضاحك للناس وجروحي نديّه
خوفي من شامت يحسب لي خطايا

إن درى بحالي على مثلي رزيّه
راحت علومي على كل الروايا

لجل هذا صابراً لارحم حيّه
لو يشوف الموت مايلحق مدايا

سالم راسي ولو ذقت المنيّه
مايسمعهم من بعد هدري رغايا

عزتي مبداي والدنيا دنيّه
لعنبوا روح تنفس بالرجايا

وإن كان ضاقت هالفجوج الجرهديّه
دون راس المال زعزعت الحمايا

بـجــدهـــا الأعــــلى نخيت الزايديّه
سيفي السامي ودرعي من ورايا

وخل شين الوقت لو يخلف نويّه
يعتدل لاجوا مضيفيـــن المنايا

من هم حزامه بضيقه وآهنيّه
تصغر بعينه كبيــــرات البلايــا

والله اني ماحسبت حساب لكل البريّه
دام فيها دوســــــــري يسمع ندايــــا

.

.

.

لكم مني احلى تحيه

**معلومات** **العضو** · 10-11-2005, 01:52 PM

لا هنت اخوي ثامر البدراني على هذي القصيده الرائعه
تقبل تحياتي اخوك\
قرناس

**معلومات** **العضو** · 10-11-2005, 04:27 PM

ثامر البدراني

لاهنت يالغالي وصح الله السانك والسان قايلها

واشكراً على لهداء وننتظر جديدك

محبكم ابن هديهد

**معلومات** **العضو** · 10-11-2005, 06:00 PM

هلا والله بالقرناس

صح بدنك وكلك واسعدني مرورك وتشريفك الموضوع

يعطيك ربي العافيه

لك مني تحيتي ..

**معلومات** **العضو** · 10-11-2005, 06:01 PM

لا شنت يا ابن هديهد وبيض الله وجهك

مشكور على تشريفك ومرورك اللي اسعدني

صح بدنك وكلك

ولك مني احلى تحيه ..

**معلومات** **العضو** · 11-11-2005, 07:05 AM

عليكم السلام ورحمةالله وبركاته
والله اني ماحسبت حساب لكل البريّه *** دام فيها دوسـري يسمع ندايــا
الله عليك { ثامر البدراني }
أبداااااااع سلمت يمينك وصح لسانك
قايلها بنتظار جديدك
لك كل الود والتقدير
أخوك / المحايد

**معلومات** **العضو** · 12-11-2005, 02:05 AM

صح الله لسانك اخوي ثامر ولسان شاعر القصيدة وبيض الله وجهك على الاهداء وسلمت يمينك على النقل

تقبل تحياتي،،

**معلومات** **العضو** · 23-11-2005, 10:39 PM

المحايد

هلا فيك والله

اسعدني ردك ومرورك بيض الله وجهك

ــ

هايف

هلا فيك صح بدنك والحمد لله ان القصيده اعجبتك

وتستاهل اكثر من كذا

لك مني اجمل تحيه ..

**معلومات** **العضو** · 24-11-2005, 02:58 AM

اسلممممممممممممم , وصح لسان قايلها وناقلها , ولاهنت يا ثامر وبيض الله وجهك

بس مـا تتفـق معـي ان مكـانهـا (( قصـائـد قيلت في الدواسـر ))

علشان تاخذ حقها لو تعطينا اسم الشاعر بعد نكون لك من الشاكرين , سلمت يمناك ياثامر يالقرم .

**معلومات** **العضو** · 24-11-2005, 01:29 PM

صح الله لسانك اخوي ثامر ولسان شاعر القصيدة

وبيض الله وجهك على الاهداء وسلمت يمينك على النقل المميز

تقبل تحياتي

أخوك دغش البطي،،

**معلومات** **العضو** · 25-11-2005, 06:06 PM


	والله اني ماحسبت حساب لكل البريّه =دام فيها دوســــــــري يسمع ندايــــا لاهنت اخوي \ ثامر البدراني .. على هذه القصيده .. تقبل تحياتي..

**معلومات** **العضو** · 28-11-2005, 11:23 PM

صح لسانك يالبدراني ولا
تخلينا من جديدك....

**معلومات** **العضو** · 02-12-2005, 01:33 AM

السلام عليكم

لاهنت أخي ثامر على نقل هذه القصيده الرائعه

وأعتقد ان لم تخونني الذاكره أن قائلها شاعر سديري

لايحضرني أسمه الأن

عموماً لاهنت على الأختيار الطيب

للجميع التحيه

النـــادرة

**معلومات** **العضو** · 03-12-2005, 11:07 AM

تسل يمينك أخوي ثامر
وصح لسان الشاعر

**معلومات** **العضو** · 04-12-2005, 12:42 AM

صح لسانك اخوي ولسان قايلها

وتقبل تحياتي

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية