فاجعة الزمان وموقف السبعان

**معلومات** **العضو** · 28-11-2010, 10:21 PM

في يوم الجمعه 14/12/1431للهجره وبعد ان ادوا فريضه الحج وفي عودتهم
من الحج وبعد مدينه الخرمه بستين كيلو جهه الخرمه حصل الحادث الاليم
توفي فيه مباشره
الاخ القدير الا ستاذ / سعد بن محمد بن بتال النتيفات المعلم بمدرسه الحسين بن علي بالهدار رحمه الله
والاشقاء الاستاذ/فهد بن بتال بن حشان النتيفات مدير ابتدائيه ومتوسطه تحفيظ القرآن الكريم بالهدار رحمه الله
وشقيقه الاستاذ/ حشان بن بتال بن حشان النتيفات وكيل ثانويه الهدار رحمه الله
ونجا من الحادث اثنان نسأل الله ان يشفيهم ويرحم من توفي

ومهما قلت من الشعر فلن يوفيهم حقهم علينا وما نكن لهم ونعرفه عنهم

يارب اجبرقلوب ملاها الحزن باسبابرحيل الرجال اللي فجـــــــعنا القدرفيهـــــا

ثلاثه من خيار الجماعه نبــاهم طــــــابرجــــــال تشرف طيبات مـــساعيهـــــــا

خبر موتهم هز البلد والجميع انصابوعم الحزن قاصــي القبيله ودانيهـــــــا

مقيم ومواطن منصدم والدمع ســكابمن فراقهم كل دموعـــــه يداريهــــــــــــا

رجال البذل في الخيروالعلم والادابمدارسهم بيبطي الحـزن وهوكاسيهـــــــا

بيفقدهم الطابور والصف والطــلابوزميل مزاملهم وعـارف تفــانيهــــــــــــا

رجال الوفا والدين والعون للاصحابوعــز الخوي والجار راحته تشريهـــــتـا

سيرهم سيرهم عطره ما بهاماعـــابورجل عرفهم عنك مهـــوب شانيهـــــــــا

محبوبين عند الناس هل وصل للاقرابووقفاتهم ياطيــبها عنــــد عـــــــانيهــــــا

وبخص ابو بندر سعد منهي الانشــابياكم مشكله صـــارت تــدخل وينـــهــــها

سعد من ركون الدار ومشـــــرع الابوابجمع دين مع دنيا ويمنـــــاه مسـخيهـا

يدور رضا العربان لوواجهته اتعــابويسد اللـــوازم والــــــنوايب يوفيهـــــــا

يعين الضعيف وكــــم يتيم كساه ثيابوعاشه وكم محتاج حــــاجته يقضيــــها

ارامل بفقده دمعهن غرق الاهـــــدابمواقف وشفناهـــــــا والاذنين توحـيـــهـا

قبل يذن التالي يصحي يوقض العزابال صلاة الفجركل الـــعماله يصـــحــيهـــا

الروضه مكانه الله يرحمه والمحرابوالجامع وامـــامه في الفقــــايد نعزيهــــــا

سجايا سعد ياكثرها تتعب الحســــابتجلت بعد موته وهو كـــــــــان مخفيـــهـــا

ولا احد مخلد كلنا في الحياه اغراببنرحل ولاباقي بــــهـــــا غــــــير مفنيهـــــــا

عزانا انهم حجاج والواحد الوهــــابمن ذنوبهم جـــــــــل وتعــــالى منقيـهــــــــا

هذي خاتمه ياطيبها عند اولي الالبابعلاوه على والنعم لا حـــــــل طــــاريــهـــا

بعد عدوالخرمه حصل حادث الاحبابتوفو ومن معـــهم عســـــى الله يشـــــفيهــــا

وصلنا الخبر كالصاعقه من عرف ماغابركب موتره ساري للـــــــخرمه يواريــــها

وفود الجماعـــه والبعيدين والانســـابيــا مال المعزه مــــــا تحسب خطـــــاويـها

نواسي بعضنا مالنا الادعاء التـــوابيرحمهــــم ويدخــــلهم جـــناتـــه ويغنيهـــا

ولانيب ناسي وقفه سبيع شيب وشـابهل الــخرمه الغلبا امــــــكرمت ناصيــــــها

وخص الصمله واميرها الشيخ بن شباببيضان الوجيه الله على العــــــــز يبقيهـــا

لقينا المكان امهيئ وجزل التــــرحـــابوحفاوه من رجـــــال طـــــوال يمانــــــيها

تقول المصيبه واحده والرجال هضابتواسي تعـــــــزي والمـــــصيبه تــهديهــــا

يقولون كلش جاهز وحقكم غصـــابووقفاتنا واجــــــب علينــــــــــا نســـــويهـــا

ما ارتاحو ولا نامو ولا وقف الصبابايلين انـــــتهى دفــــن افقـــدانا باراضــيـهــا

وبعد مانتهينا من الدفن صفوستحبابيعزون ويعزمون اللــــــــــــه يجازيهـــــــــــا

ولا هي على الغلبا جديده ولا ستغرابهذي عاده الســـــبعان حاضر وماضـــــــيها

لهم من هل الهدار شكر وثنا وعجابوتـــــسعين نــعم بالــــــمناعــــير نثـنيهــــا

ولا نسى رجل للطايله دايم كســــابووقفته مشـــــهوده ولانيــب كـــــامــــيهـــــا

عبدالله ابن عواضه وصاحبه معناطابوكــــفى ووفــــا وشــــكره في قــــوافيـــــها

هذا ما تهيا يوم هاض الهجوس وجابنوادر بيوت صــــادقـــــــات مــــــــعانيهــــا

اعزي بها ربعي وطفي بها اللهـــابوشـــــيد برجـــــال الطيب فـيها ووفيـــهــــا

**معلومات** **العضو** · 28-11-2010, 10:42 PM

الحمد لله على قضائه وقدره وغفر الله لمن توفي وعسى الله يجعل الجنه مثواهم جميعا ،ونسأل الله ان يشفي المصابين.

صح لسانك يابوعبدالرحمن ولاهنت على القصيدة المؤثرة ولاهانوا سبيع الغلبا على موقفهم الطيب ولاهوب غريب عليهم ولا على اي فرد من قبيلة سبيع العلم الغانم.

تقبل ودي وتقديري ،،،،

**معلومات** **العضو** · 28-11-2010, 11:15 PM

صح لسانك يابوعبدالرحمن وعسى الله يرحمهم ويغفر لهم
ويشفي المصابين

**معلومات** **العضو** · 28-11-2010, 11:20 PM

أحسن الله عزاكم

و صح السانك ملاييين

ابيات معبره ، و الله يبيض

وجيه السبعان وهذي عوايدهم

الطيب وافين جعلهم المعزه

و أعذرني على التنسيق

أخوك / ابو زيد

**معلومات** **العضو** · 28-11-2010, 11:30 PM

اسال الله العلى القدير رب العرش العظيم ان يتقبلهم ويرحمهم ويغفر لهم ..ويشفي المرض ويجمع لهم مابين الاجر والعافيه
صح لسانك واعتلى شانك ياعامر على هذه المرثيه

**معلومات** **العضو** · 28-11-2010, 11:31 PM

الله يرحم المتوفين ويشفي المصابين.

صح لسانك يابوعبدالرحمن ولاهنت على القصيدة المؤثرة

**معلومات** **العضو** · 28-11-2010, 11:34 PM

صح لسانك

والله يحسن عزاكم في هذا المصاب الجلل .

ويغفرلهم ويرحمهم ويسكنهم وجميع موتى المسلمين فسيح جناته.
ويشفي المصابين .

وهذه سنة الحياة.

أخوك عبدالله المصارير

**معلومات** **العضو** · 29-11-2010, 12:38 AM

صح لسانك ياشافي على الابيات المعبره والمؤثره
والله يرحم الاموات ويجعل مثواهم الجنه ويلهم اهلهم الصبر والسلوان
واسال الله الكريم رب العرش العظيم ان يشفي المصابين ويمن عليهم بالصحه والعافيه

**معلومات** **العضو** · 29-11-2010, 04:40 AM

تقول المصيبه واحده والرجـال هضـاب
تواسـي تعـزي والمصيبـه تهديـهـا

الله يرحمهم برحمته وعزالله انها حسن الخاتمه
واصطفاهم مولاهم على طيب مثواهم...
اللهم اقبل دعانا فيهم ياحي ياقيوم..

والله يشافي ويعافي المصابين
ويكتب لهم العمر المديد والاجر السديد
ويهوّن عليكم مصابكم وفجيعتكم
ويلهمكم الصبر والسلوان ياهل الهدار

وذكر الحيا والطيبين يبين
وبيّض الله وجيه اهالي الخرمة
ويثبت لهم الاجر يارب
وسبيع كسابة الجمايل من اول وتالي...
ويستاهلون الذكر الغانم

يسلم منطوووقك في ربعك ويقبل داعك ودعانا لهم
واحسن الله عزاك يا عامر وارحم الله موتاك
وغمد ارواحهم في جنات النعيم...

**معلومات** **العضو** · 29-11-2010, 10:53 PM

الاخ القدير راشد المسعري

جزاك الله خير ورحم الله والديك

تواجدك اسعدني ومرورك شرفني

**معلومات** **العضو** · 29-11-2010, 11:37 PM

الله يرحم الأموات ويسكنهم فسيح جناته ويغفر لهم يارب ,
ويشفي المصابين ويمن عليهم الصحه و العافيه .

وصح لسانك يابوعبدالرحمن على القصيده الجزله والمعبره ،
وبييض الله وجه سبيع على فعلوهم وماهيب غريبه عليهم لانهم اهلها .

**معلومات** **العضو** · 30-11-2010, 12:30 AM

عامر النتيفات

صح لسانك على الابيات المعبره والمؤثره

والله يرحم الاموات ويجعل مثواهم الجنه ويلهم اهلهم الصبر

والسلوان

واسال الله الكريم رب العرش العظيم ان يشفي المصابين ويمن

عليهم بالصحه والعافيه

**معلومات** **العضو** · 30-11-2010, 01:46 PM

احسن الله عزاكم

والله يرحم موتاكم رحمة واسعه ويجعلهم فالفردوس الاعلى

والله يشفي المرضى ويقومهم بالسلامه

وصح لسانك قصيده معبره

وبيض الله وجيه سبيع الغلبا ولاهو غريب الطيب من هل الطيب

تحياتي وتقديري.

**معلومات** **العضو** · 30-11-2010, 03:00 PM

الله يرحمهم انشاء الله ويشفي المصابين وشكرا للسبيع الغلباء

تحياتي وتقديري

**معلومات** **العضو** · 02-12-2010, 01:28 AM

الاخ شافي النتيفات

الله يتقبل منك ومن جميع الاعوان الدعا

وصح بدنك ولا هنت

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية