مرثية : ظافر بن مفلح الخييلي في أخوه ناصر ( بالصوت )

[معلومات العضو الدوســري]

السلام عليكم ورحمة الله وبركاته

هذه مرثية ظافر بن مفلح بن بتال الخييلي رحمه الله في أخوه ناصر بن مفلح رحمه الله

وهي تحكي العلاقة الكبيرة بين الأخ وأخيه


للاستماع :


http://mwaheb.org/uploads/DHAFER-BN-MEFLEH3.mp3

النص :

	بديت أنا في الرجم لا عـاد مرقـاه = وياليـت ربـي مـن مجيـه نهـانـي تهيض المشحون يـا عيـن عـزاه = عيـن تهـد الـمـاء بلـيـا سـوانـي يا عين يا عين الخطـا يـا معنـاه = أنتـي خذيتيـنـي وقلـبـي خـذانـي ونيت أنا من ضامر القلب واقصاه = ونيـن مـن خلـي كسـيـرٍ وحـانـي تكفون كثـرت التنهـت وقـول آه = وكثـر الونيـن يهيضنـي مـا رفانـي قمت اتوجد وجد من قلـت اجـداه = خلـي طريـح وحقـق الليـل دانــي على اخوي اللي ما تذكرت عجفـاه = ذرب اليمـيـن وخاتـمـن المعـانـي ياخزنتي لا وا عضيدي عضيـداه = ياويـن بدلـه لا ذكــرت الاخـوانـي يا مهبل اللي قـال عـادك بتنسـاه = بنساه لا مـن طـارش المـوت جانـي والله ان نسيته ليـن بالحـق نقفـاه = ويحـط لـي بيـن النصايـب مكانـي يا تجرتـي خليتهـا يـا حـلالاه = منهـا الخبـر وقـف ولا عـاد جانـي ياخوي الا وا خوي ياخوي واخواه = ماهـوب مثـل معقـديـن الاخـوانـي اخو الهدا عمري على طول لا مـاه = وجـدي علـى جمعـاه كمـن زمانـي جيت المـراح وذي بقايـا سمايـاه = هـذي مداهيـلـه ولا كـنـه كـانـي حي المراح وحي من كان قد جـاه = وياونـتـي لا جيتـنـالـه مـكـانـي يا وسع فرجة ناصـر لا ذكرنـاه = ومن عاضني فيه العوض مـا هجانـي اعوي عوا ذيبٍ لقا الخـد مخـلاه = وابـكـي لا شـرفـت راس البيـانـي لا جيت انا قاع ٍ مشى فيه قد جـاه = الاف قلبـي لــوف زرع ٍ ضمـانـي الحب لامنه سطـى ويـش يمحـاه = لمن نشـى فـي الكبـد مـا قـد هانـي تكفون ماحدٍ شاف هو ناصرٍ جـاه = مـا عـاد لا جيتـه ولا عـاد جـانـي اتلى العهد به فـي جهـام ٍ دفنـاه = وحطوا عليـه مـن الصفايـح رزانـي حبه كوى قلبي ولا خـف مكـواه = واخفـاه مـن بيـن الضلـوع الحوانـي يا الله يا خلاف مـا شـئً بيخفـاه = اخلف علي بمـن كـان حزنـه كوانـي غدابه اللي مـا درى مـن قفايـاه = لاهـوب لا يرحـم ولا منـه امـانـي لو انه ينطح كـان دونـه نطحنـاه = وابصطبـر عنـده بمـاكـان جـانـي ولو انه يشرى بالثمن مـا ذخرنـاه = بسـوق خلعـي واستعـيـن بـالادانـي الموت لا يـاوي ولا حـدٍ بينسـاه = وكـم هـو يفـرق مـن بعيـدٍ ودانـي مير عساه في الجنه وهي جات ملفاه = وامه وابـوه وهـو بعـد فـي الجنانـي مابه على الدنيا حـدٍ لـه مواسـاه = لا زان الوقـت ابـن ادم ٍ قـد شانـي ابن رشيد اللـي طروقـه مخـلاه = قد هـو ضعيـفٍ قاعـدٍ فـي هوانـي وختمانها ذكر النبـي مـا نسينـاه = صلـوا عليـه وهللـوا يـا اخـوانـي

 

 

 

 

[معلومات العضو الدوســري]

طبعا المادة الصوتية فيها بعض الأخطاء وهي من أحد أحفاده وماكانت مهيئة لتنزيله

أنا أخذتها منه ونزلتها على طول


وان ضبطها مرة ثانية بأجدد الروابط ان شاء الله

 

 

 

 

[معلومات العضو محمد بن سالم الخضراني]

الله يرحمه ويوسع قبره ويغفر له

وصح لسان الشاعر ظافر الخييلي فيما قاله

ولاهنت يالدوسري

تقديري ,,,

 

 

 

 

[معلومات العضو ابو زيد الغييثي]

فقد العضيد شي كايد وسمعنا الكثير من الابيات المؤثره

في رثاء الاخ .


أخي دوسري لاهنت على النقل و بانتظار تجديدك للروابط

و الماده الصوتيه

 

 

 

 

[معلومات العضو مبارك الغييثي]

الله يرحم الميت ولاهنت

 

 

 

 

[معلومات العضو ابوعبدالله الخييلي]

الله يرحمه ويوسع قبره ويغفر له

وصح لسان الشاعر ظافر الخييلي ....

ولاهنت يالدوسري

تقبل تحياتي و تقديري ,,,

 

 

 

 

[معلومات العضو بنت الذيب]

الله يرحمه ويوسع قبره ويغفر له

وصح لسان شاعرها

مرثيه مؤثره

لاهنت اخوي الدوسري على الطرح

اطيب التحايا

 

 

 

 

[معلومات العضو خالد المشاويه]

الله يرحمهم جميع

والله لايهينك يابومعجب ,,,

 

 

 

 

[معلومات العضو متعب الشكري]

الله يرحمه ويوسع قبره ويغفر له وصح لسان الشاعر ظافر الخييلي فيما قاله ولاهنت يالدوسري

 

 

 

 

[معلومات العضو ناصر بن فهد]

صح لسان الشااعر

وصح لسانك

ولاهنت على النقل وبيض الله وجهك