ما يزيح هموم قلبي ويقلعها !!!

[معلومات العضو عبدالرحمن الشرافي]

السلام عليكم ورحمة الله

أخواني الأعزاء



اولاً : أعتذر لكم ع غيابي الطويل الخارج عن الإراده لضروف الدراسه

وأضع بين أيديكم هذه القصيدة اللي أتمنى ان تشفعلي عندكم

مــا يـزيـح هـمـوم قلـبـي ويقلـعـهـاغـيـر شــاصً لا زهـمـتـه تـعـزوالـي

وانتهـض قـال المسـافـات نقطعـهـالو يطـول الوقـت وتطـول الأميالـي

كـنـه شـيـخً شيخـتـه مــا تصنـعـهـايوم ضاقـت فـي جماعتـه الاحوالـي

شـاشـتـه بـنــتً تـجـلّـت ببرقـعـهـاوانتخت يـا شيخنـا يـا بـري حاااالـي

مــن تيـوتـا مــا يـعـذرب مصنّـعـهـاشـركـةً عذروبـهـا سـعـرهـا غـالــي

انـص بــه دارً مــا جـفـت مناقعـهـاعلّـهـا مــن بـاكـر الـوسـم همـالـي

مـاتـفـرق بـرهــا مـــن مـزارعـهــاكـل هـذا فضـل مــن ربـنـا الـوالـي

جعـلـهـا بـعــد الـبــلاد وشـوارعـهـاوجعلـهـا بـعـد العمـايـر والأمـوالــي

تـبـعـد هـمــومً زمـانــي مجـمـعـهـاهـمـهـا تـكـديـر جـــوي وغـربـالــي

ذا صحـيـبً رفـقـة الطـيـب بايعـهـاجعل مالـه مـع رجـال الوفـاء تالـي

وذي عيـونـن مــا تـوقّـف مدامعـهـاتـذرف دمـوع المفـارق علـى غالـي

وذي صـدوفً مـا تشالـت مواجعهـاكـل ليـل : "البارحـه كنّـه اشوالـي"

ضـاقـت الـدنـيـا وربـــي موسـعـهـاولا القيت اشرح من المرقب العالي

هــو دوا روحــن دنــا مـنـه نازعـهـاايسـت مـن وقتهـا الـلـي تعـدوالـي

لا رقيت ونـوح ورقـا الخـلا اسمعهـاقـام يسبـق صوتهـا صوتـي العـالـي

يـــا ولـــي الـبـيـت يالله تسـنـعـهـامـن علـى عبـد دنـت منـه الآاجالـي

 

 

 

 

[معلومات العضو راشد المسعري]

تبعـد همـومً زمانـي مجمعـهـا
همهـا تكديـر جـوي وغربالـي

ذا صحيبً رفقـة الطيـب بايعهـا
جعل ماله مع رجال الوفـاء تالـي

وذي عيونن ما توقّـف مدامعهـا
تذرف دموع المفارق على غالـي

وذي صدوفً ما تشالت مواجعهـا
كل ليل : "البارحه كنّـه اشوالـي"

ضاقـت الدنيـا وربـي موسعهـا
ولا القيت اشرح من المرقب العالي


أرحب يابو سالم
صح لسانك ملايين وسلمت على هذه الجزلة
ومالك لايم في حبك لفرقى الديرة وازعاجها
عوداً حميداً (وصيداً) جزيلاً يالقرم
تقبل ودي وتقديري ،،،

 

 

 

 

[معلومات العضو أبونواف الدوسري]

صح السانك

وبارك الله فيك يا أبوسالم

وفقك الرحمن...

 

 

 

 

[معلومات العضو محمد بن سالم الخضراني]

ماتفـرق برهـا مـن مزارعهـا
,,,,,,,,,,,,,,,,,,,,,كل هذا فضل مـن ربنـا الوالـي

جعلهـا بعـد البـلاد وشوارعهـا
,,,,,,,,,,,,,,,,,,,,وجعلها بعـد العمايـر والأموالـي

ارحب يابو سالم

حيه وحي ماجاب

قصيده جزله من راس جزل

ولاهنت ياذيبان

تقبل مروري

وتقديري ,,,

 

 

 

 

[معلومات العضو دغش محمد الصخابرة]

صح السانك

وبارك الله فيك يا أبوسالم


وتقبل تقديري أحترامي

 

 

 

 

[معلومات العضو بدر بن صقر العجالين]

الله يوفقك في دراسـتك يا أبوسالم

صح الله لسانك على ذاك الجـزله..

وخابرين هواك يا أبوسالم (النعيريه)

لا عدمنا وجودك يالذيب..

تقبل تحياتي،،

 

 

 

 

[معلومات العضو سالم بن صمهود]

صح السانك

وبارك الله فيك يا أبوسالم

 

 

 

 

[معلومات العضو محمد مبارك ماجد]

عبدالرحمن الشرافي
والنعم بالشرافا كلهم صح لسانك
أخوك / محمد مبارك آل ناهش

 

 

 

 

[معلومات العضو تركي الشرافى]

ضاقت الدنيـا وربـي موسعهـا
ولا القيت اشرح من المرقب العالي

ومنزلك عالي ياولد العم

صح لسانك

وبيض الله وجهك

والله يردك لاهلك سالم يابو سالم

 

 

 

 

[معلومات العضو حسن بن بطحيه]

صح السانك ياعبدالرحمن شاعر مبدع يعطيك العافيه ياليت تعطينا المزيد تقبل مروري..

 

 

 

 

[معلومات العضو عبدالله الحافر الغييثي]

أرحب يابو سالم صح لسانك ملايين وسلمت على هذه الجزلة عوداً حميداً (وصيداً) جزيلاً يالقرم تقبل ودي وتقديري ،،،

 

 

 

 

[معلومات العضو ناصر بن فهد]

الله الله

صح لساانك وعتلى شاانك
ولاهنت يا القرم