عبيد أبن حويل الخييلات وجاره السبيعي

**معلومات** **العضو** · 13-01-2007, 04:04 PM

كان عبيد أبن حويل الخييلات وجاره دحيم بن برمان من الأعزه من سبيع كانوا جيران وتربطهم صداقه ومحبه وجيره طويله وقدر الله سبحانه وتعالى أن يقتل أبن عبيد بن حويل ولد جاره السبيعي بن برمان بطريق الخطأ حيث كانوا عند الأبل ومعهم بندق فنطلقت بطريق الخطأ وفي غفله فأصابت السبيعي وتوفى في الحال فذهب ولد عبيد الى أبيه وأخبره بالأمر فقام عبيد أبن حويل وربط عنق أبنه وكان جاره السبيعي في بيت أحد جماعته ولم يعرف ماحصل لأبنه وأقتاد أبن حويل أبنه وجاء ألى المجلس الذي فيه فيه دحيم أبن برمان وجماعته وقال أبن حويل يا دحيم هذا ماحصل وقدر الله وهذا ولدي أقتله بدل ولدك فقام السبيعي وقبل رأس أبن حويل وقال هذا ما قدر الله وقال السبيعي والله ما أخلي جارتي تحزن مثل ما أحزنة زوجتي .
فقال عبيد أبن حويل الخييلات هذي القصيده في جاره السبيعي ....
ياراكب هجن(ن) مراديم وســـمان **********عيــرات الأنضـا ماريقع حفاهــا
ياراكبين الهجـن نصوهن عمــــــان********** ومرو على رفحاء وروحوا وراها
وفي كل ديره جددو لأبن برمـــــان **********قصرا من البيضاء طويل أبناهـا
ثم أجنبوا من عندكم صوب نجـــران **********دار ليــام دوجـوا فـي قــراهـــا
حطوا له البيضاء على كـل ما بــــان **********راعي الفعول اللي طرى نباها
ومرو على الخرمه وحطوا بها أعلان **********أعلان بيضاء كل من جاء قراها
ونصوهن الحاير عسى دربكـــم زان **********ديرة سبيع مكرمين أقصـــرها
وأبنوا بدار سبيع بيضا لها شــــــــان **********من مر ديرتهم يشوقه أبنـــاهـا
يالله عسى ديرة أدحيم بن برمــــان **********من بارق الوسمي يسيل جباها
اللي عطى جاره عطا ما بعد كــــان **********عطيته يا قل من هو عــــــطاها
ماهيب لا غرس و أبل ولاضـــــــــــان **********ولا عـطا دنـيا يــــدور جــزاهـــا
يبي العلوم الطيبه مثل ما كـــــــان **********قـصيرته عطـيت ولــدها وجـاها
يافاعل الحسنى جزاك الله أحسـان **********فعلت لك حسنا(ن) على الله جزاها
وسلامتكم ....

**معلومات** **العضو** · 14-01-2007, 08:39 AM

الأخ العزيز / مشاكس الخييلات

لا هنت على إيراد القصة وقصيدتها المعبره والنادره يالغالي.

صح لسانك ولسان الشاعر. والأجواد إن قربتهم ما تملهم.

لا تبطي علينا بجديدك ،، مع خالص التحية و التقدير ،،،

**معلومات** **العضو** · 14-01-2007, 01:16 PM

الأخ العزيز / مشاكس الخييلات

لا هنت على إيراد القصة وقصيدتها المعبره والنادره يالغالي.

صح لسانك ولسان الشاعر. والأجواد إن قربتهم ما تملهم.

بيض الله وجهك ونتمنى منك نشر ما عندك من القصص والسوالف الجزله وانت راعيها

**معلومات** **العضو** · 14-01-2007, 01:54 PM

صالح الجعيدي شكرا على المرور وابشر يالغالي

**معلومات** **العضو** · 14-01-2007, 01:57 PM

أبن وتيد لا هنت على المرور و أن شااء الله معاكم على طول

**معلومات** **العضو** · 14-01-2007, 11:27 PM

بسم الله الرحمن الرحيم
يا مشاكس والله أبدعت بهذه القصه والقصيده . عسي الله يوفقك . وبأنتظار جديدك.
أخوك أبو نواف الدوسري.

**معلومات** **العضو** · 15-01-2007, 02:07 AM

الغالي أبو نواف شكرا على المرور وأبشر طال عمرك

**معلومات** **العضو** · 15-01-2007, 03:51 AM

الغالى / مشاكس الخييلات

بيض الله وجهك يابن عمى على ذكر هالسالفه وقصيدتها , الله لايهينك يالقرم .

وعزالله ان ابن حويل ايقدر الجيره وكذلك جاره ابن برمان .

لاتبطى علينا بجديدك

اخوك / ســـعــــود الخـــييلات

**معلومات** **العضو** · 15-01-2007, 10:14 AM

مشاكس الخييلات

بيض الله وجــهك والله يعطيك العافيه . على هالقصه الشهيره . وستين نعمً بابن برمان

السبيعي سوا سواه محداً يفعلها وكفـــوا والله .

تقبل ســـلامي .

**معلومات** **العضو** · 15-01-2007, 01:19 PM

سعووود لاهنت على المررور

**معلومات** **العضو** · 15-01-2007, 01:20 PM

شكرا يا نااايف على المرووور تقبل تحيااااتي

**معلومات** **العضو** · 22-01-2007, 05:16 AM

مشاكس الخييلات

لاهنت على هذه القصة والقصيدة الجزلة والجميلة

ولاترحمنا من جديدك

تحياتي

الذين يشاهدون محتوى الموضوع الآن : 2 ( الأعضاء 0 والزوار 2)

		منتديات صحيفة وادي الدواسر الالكترونية