درب الــجــود

**معلومات** **العضو** · 21-11-2006, 02:43 PM

درب الجود

عبدالله بن هذال بن حوشان القريفة من البدنة من مطير اشتهر بطيبه وكرمه اللا محدود وقد نزل مع جماعته في مكان وافر بالعشب إلا أنه ممر لعبور قوافل المسافرين ومع استمرار مرور القوافل وقيام عبدالله وجماعته بواجبات الضيافة لمن يمر بهم أخذ حلالهم في التناقص ولم يعد لديهم إلا اليسير، فاجتمعوا ذات مرة وقرروا أن لا يذبحوا للضيوف شيئا وأن يكتفوا بما تيسر لديهم وما هو موجود في بيوتهم من الزاد، وبعد فترة قصيرة وإذا بقافلة كبيرة تمر بهم وتشاء الصدف أن ينزلوا على بيت عبدالله فلم تطاوعه نفسه أن يلتزم بقرار جماعته فذبح لضيوفه ناقة وأرسل يدعوا جماعته للحضور ولكنهم لم يلبوا دعوته وغضبوا عليه لعدم التزامه بقرارهم، وبعد رحيل الضيوف أنشد هذه الأبيات:

يا جماعة كيف ما فيكـم حميـا=كيف صياح الضحى ما تسمعونه
من يعاوني علـى ربـعٍ هنيـا=من بغى درب المراجل يمنعونـه
المراجـل مـا تهيـا هالسويـا=كود من عض النواجذ في سنونه
ان بغيت الشح درب الجود عيا=حالفٍ ما أرضى لنفسي بالمهونه
حالف ماجـوز مـن جية هويـا=دام بيـت الله خلقـه يدهلونـه
ما علينا مـن مسـردة القفيـا=كان باب الرزق منهم يقطعونـه

وسلامتكم ،، عسى أن تنال استحسانكم ،،،
مع خالص التحية و التقدير ،،،

**معلومات** **العضو** · 21-11-2006, 04:35 PM

لاهنت أخوي صالح

وبيض الله وجهك على السالفة الطيبة

**معلومات** **العضو** · 21-11-2006, 06:55 PM

الغالي صالح الجعيدي

بيض الله وجهك على إيراد هذه القصة والقصيدة الرائعه

والحقيقه الطيب عند بعض الناس فطره

حتى لو بغى يتردى ماقدر راح على طيبه

قصة تحكي معنى الكرم والرجوله لهذا الكريم عبدالله بن هذال بن حوشان القريفة

عسى الله يكثر ماله وحلاله ومن هم مثله

تحياتي العطره

محب الجميع

**معلومات** **العضو** · 22-11-2006, 06:45 AM

مثل ماقال ابو محمد الطيب فطره عند الناس

وعسى الله يكثر ماله وحلاله ومنهم امثاله وامثالكم

وبيض الله وجهك يا صالح الجعيدي على القصص الاكثر من رائعه والتي تحكي الكرم والشجاعه والرجوله

والله ان علومك كلها جزله لا عدمتك

لك اجمل وارق تحيه

من اخوكـ/ابن وتيد المسـعري

**معلومات** **العضو** · 22-11-2006, 10:34 AM


	بيض الله وجهك وبارك الله فيك قصة جميلة وأبيات أجمل

**معلومات** **العضو** · 26-11-2006, 07:57 AM

الإخوان الغاليين/
يحيى الودعاني ،،، أبو محمد "دغش البطي ،،، ابن وتيد ،،، أبو عبدالرحمن الودعاني ،،،
أرحــبــو تراحيب المطير ،،، لاهنتم على مروركم الكريم ،،،
ترى ما تسوى شي مشاركاتي من دون تعليقكم وإطرائكم الطيب يالقروم.
عسى حياتكم ما تشين يالغاليين. مع خالص التحية و التقدير ،،،

**معلومات** **العضو** · 30-11-2006, 11:48 AM

اقتباس:

المشاركة الأصلية كتبت بواسطة صالح الجعيدي

درب الجود

يا جماعة كيف ما فيكـم حميـا=كيف صياح الضحى ما تسمعونه
من يعاوني علـى ربـعٍ هنيـا=من بغى درب المراجل يمنعونـه
المراجـل مـا تهيـا هالسويـا=كود من عض النواجذ في سنونه
ان بغيت الشح درب الجود عيا=حالفٍ ما أرضى لنفسي بالمهونه
حالف ماجـوز مـن جية هويـا=دام بيـت الله خلقـه يدهلونـه
ما علينا مـن مسـردة القفيـا=كان باب الرزق منهم يقطعونـه

كفوووووووووووووو

غريب هذا الفعل من حمران النواظر ؟؟؟؟؟؟؟؟

اخوي / صالح

الله لا يهينك على ذكر هذه القصة الجميلة

ولاتحرمنا من جديدك الجزل يالقرم

تحياتي

**معلومات** **العضو** · 02-12-2006, 07:54 AM

اقتباس:

المشاركة الأصلية كتبت بواسطة عبدالرحمن الشرافي

كفوووووووووووووو
غريب هذا الفعل من حمران النواظر ؟؟؟؟؟؟؟؟
اخوي / صالح
الله لا يهينك على ذكر هذه القصة الجميلة
ولاتحرمنا من جديدك الجزل يالقرم
تحياتي

يا مرحبا يالغالي/ عبدالرحمن الشرافى
من قال ما يهان ،، مرورك شرف يالقرم. و لاهنت على المرور الطيب يالطيب.
مع خالص التحية و التقدير ..........

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية