البــل والمـرباع

[معلومات العضو سالم بن صمهود]

لا والله إلا شلوح العشب وان لاح = ولا بقى الا بالملاوي شلاوي
اقفى خضار النبت يوم الثرى انزاح = وغدت عليه الشمس نجم( ن )سماوي
جته الجنوبية معاصير وارياح = اقفى نداه ولاهب الحر شاوي
واقفوا هل البل ما بقى غير مصلاح = يتبع بها عشب المعاسر خلاوي
يفرح لها مثل المساهم بالارباح = واخوف عليها من غريم ( ن ) جلاوي
يبي لامن صرّم العود ثم طاح = وكل ( ن ) عرف قسمه ولا تساوي
يصير ظمن اللي لبس تاج ووشاح = وغيره على فعله جداه المناوي
وذي عادة العربان من فايت ( ن ) راح = يفوز بالعليا بعيد الهقاوي
ويروح فيها اللي ضرى بالتبطاح = دايم في الدايات مثل الفداوي
لا صار بالمجلس فعول وتمداح = ماله مع اهل الكار فعل ( ن ) يساوي
البل شقاويه تبي نايد اشباح = رجل ( ن ) على قطع التخاتخ جراوي
مربوط جاش وللمهمات نطاح = ماهوب زمّال ( ن ) قصير العراوي
لا بانت النية وبرق الحيا لاح = ما يقهر السرفات بين الشواوي
يازينها لاروحت عقب مسراح = في نية ( ن ) للقفر فيها حراوي
خطوات ذود ( ن ) يطربن كل سرّاح = جمال دل وغير طول الخطاوي
وضح ( ن ) طوال ارقاب ووجيها سماح = كبار الظهور اللي لهلها عزاوي
سند الغوارب والاباهير طِفّاح = من رعيها نبت الزرج والنزاوي
ورث الجدود اللي يسوقون الارواح =كل ابلج ( ن ) يوم الملاقى رهاوي
كم واجهو من دونها شلف ورماح = ومشوك ( ن ) راعيه ماهوب ياوي
وكم ذود مصلاح ( ن ) ثعو فيه بصياح = واصبح فقير( ن ) وعقب ما هو غناوي
واليوم امان وسلم والكل مرتاح = الشعب واحد والمولاّ نداوي

أرجو أن تحوز على رضاكم



سالم بن صمهود

 

 

 

 

[معلومات العضو عبدالرحمن الشرافي]

وضح ( ن ) طوال ارقاب ووجيها سماح=كـبـار الظـهـور الـلـي لهـلـهـا عـــزاوي
سـنــد الــغــوارب والابـاهـيــر طِــفّــاح=مــن رعيـهـا نـبـت الــزرج والـنــزاوي
ورث الـجـدود الـلـي يـسـوقـون الارواح=كـل ابلـج ( ن ) يــوم المـلاقـى رهــاوي

الله الله عليك

إبداع من أول مشاركه

الشاعر القدير/ سالم بن صمهود


الله يعطيك العافية .. وبيض الله وجهك

وصح الله لسانك مدد يالقرم على هذه القصيدة الجزلة والوافية



ولا تحرمنا من جديدك الجزل



وتقبل فائق التحية والتقدير

 

 

 

 

[معلومات العضو سالم بن صمهود]

الاخ / عبدالرحمن الشرافي اشكرك على المرور العذب
مع رجائي ان تعاد لي مشاركاتي التي حذفت وتعديل
مسمى العضو من عضو جديد الى المسمى
الصحيح

تقبل تحياتي

اخوك/سالم بن صمهود[الصلف]

 

 

 

 

[معلومات العضو منذر بن رشود]

صح لسانك يابن صمهود

كايفه جدا
وجزله من جزل لاهنت

 

 

 

 

[معلومات العضو العضوالمنتدب]

صح لسانك يبن صمهود ووين البل الله يطرح لها المطر قل امين قصيده لا يعلى عليها من شاعر جزل
له مستقبل باهر واصل على ذالمنوال والله يعطيك العافيه

 

 

 

 

[معلومات العضو سالم بن صمهود]

منذر ابن رشود صح الله بدنك

 

 

 

 

[معلومات العضو العماني]

الشاعر الكبير سالم بن صمهود ( الصلف)

صح الله لسانك واعتلا شانك على القصيدة الجزله والوصف الجميل ولاهوب غريب عليك الابداع طال عمرك

تقبل تحياتي،،

 

 

 

 

[معلومات العضو أخو الشيوخ]

صح لسانك يالصلف ..

ولاهنت على ماقلت

ننتظر جديدك

 

 

 

 

[معلومات العضو الـ(حسن)ـبريكي]

صح لسانك يابن صمهود

وبيض الله وجهك .

 

 

 

 

[معلومات العضو ابو زابن المسعري]

قصبده جميله وتتميز بأنها من الطراز الاول

صح السانك واعتلى شانك وبيض الله وجهك

 

 

 

 

[معلومات العضو سالم بن صمهود]

العضو المنتدب

صح الله بدنك .. وهذا من ذوقك الرفيع


تشرفت بحضورك



سالم بن صمهود

 

 

 

 

[معلومات العضو سالم بن صمهود]

الشاعر الكبير سالم بن صمهود ( الصلف)

صح الله لسانك واعتلا شانك على القصيدة الجزله والوصف الجميل
ولاهوب غريب عليك الابداع طال عمرك

تقبل تحياتي،،

هــايف العمــاني

شهادةٌ كهذه منك أنت !!!

بكل تأكيد أنها وسامٌ أعتزُ به ..


فلك مني أعذب التحايا وأصدقها على هذه الشهادة



سالم بن صمهود

 

 

 

 

[معلومات العضو سالم بن صمهود]

حسن البريكي /صح الله بدنك وشكرا لك على المرور

 

 

 

 

[معلومات العضو عبدالله الدوسري]

ورث الـجـدود الـلـي يـسـوقـون الارواح...كـل ابلـج ( ن ) يــوم المـلاقـى رهــاوي

كـم واجهـو مـن دونـهـا شـلـف ورمــاح...ومشـوك ( ن ) راعيـه مـاهـوب يــاوي

وكم ذود مصلاح ( ن ) ثعو فيـه بصيـاح...واصبح فقير( ن ) وعقب ما هو غناوي





سالم بن صمهود




قصيدة إحتوت على كل جميل




أعجبني قوة مفردتها و تماسك وحدتها




كل الود،،،

 

 

 

 

[معلومات العضو طايع ربه]

سالم بن صمهود

صح لسانك يا مبدع

قصيده جزله

لك تحياتي