يالعبد لو ميزت في كل الأحوال ***** عرفت وين المخطية والمصيبه

[معلومات العضو الجعيدي الدوسري]

السلام عليكم ورحمة الله وبركاته

القصيدة لشاعر لا أعلم أسمه ،،، ولكن صح الله لسانه ملاااين.

قصيده كل بيت فيها عن كذا قصيده.. أرجو أن تنال إعجابكم :-

يالعبد لو ميزت فـي كـل الاحـوال = عرفـت ويـن المخطيـه والمصيبـه
وعطيـت واف الحـق قـدام ينقـال =مخطي وتصبـح بيـن شـكٍ وريبـه
الحق ما يزعـل منـه غيـر الانـذال =اهل الردى واهل والوجيه الغضيبـه
دام السريره صافيـه فأنـت رجـال=واليـا دخلهـا غـش والله مصيـبـه
الحر لو ماحـط لـه بشـت وعقـال=يكفيـه بيـن النـاس فعلـه وطيبـه
وراع الردى لو بأجمل اللبس يختـال =تلقى الـردى مابيـن كمـه وجيبـه
ومن لاكسب كلمة نعم بيـن الاجيـال =يكسب بدلهـا ياهـل العـرف خيبـه
ومن لا شرب لمواجه الوقت فنجـال=يقضي العمر بيـن الطمـان وشعيبـه
ومن لاتحدى في الزمن بحر الاهوال =اللـول والمرجـان ماهـو نصيـبـه
ومن لاحسب قبل النسب معدن الخال =لاينشـد المولـود مـن ويـن عيبـه
ومن لادفع في ماقف الربـع مثقـال =لا ينتظـر تعطيـه ربـعـه زبيـبـه
ومن لا طلب للمشكلـه نـاس عقـال =يجيـه مـن عميـان الاريـا كتيبـه
ومن لاحفظ سمعه عن القيل والقـال =تلقـى ورم مخـه نميمـه وغيـبـه
ومن داس عرض الناس لو كان بالمال =من عرضه المصيون دفع الضريبـه
ومن لاحسبها صح في عمر الاقبـال=ماهـو بحاسبهـا ليـا بـان شيـبـه
سمعـت ماقالـوه قبلـي بالامـثـال=من لاكسـب كلمـة نعـم وش تبيبـه
جنب عـن الرديـان وكبـار الازوال=وتلقى من اهل الخير من تعتزي بـه
هذي نصيحه كان مـا اعطيتهـا بـال=أتضيـع بيـن المخطيـه والمصيبـه

وسلامتكم

وتقبلوا تحيات أخوكم/ الجعيدي الدوسري

 

 

 

 

[معلومات العضو فهد الغريري]

وعليكم السلام ورحمة الله وبركاته

اخوي العزيز " الجعيدي "

صح الله السانك وعتلا شانك وزادك الله من زوايد فضله

على نقل هذي القصيده المعبره التي تجبر الواحد منا على التمعن فيها.

وليت من يعرف الشاعر يزودنا فيه.

تقبل تقديري واحترامي

اخوك / فهد الغريري,,

 

 

 

 

[معلومات العضو سعد المقابله]

لاهنت طال عمرك

وصح الله لسان الشاعر

 

 

 

 

[معلومات العضو عبدالرحمن الشرافي]

ومن لادفع في ماقـف الربـع مثقـال ******** لا ينتظـر تعطيـه ربـعـه زبيـبـه

ومن لا طلب للمشكلـه نـاس عقـال ********** يجيـه مـن عميـان الاريـا كتيبـه


لاهنت أخوي (( الجعيدي ))

على هذه القصيدة اللي كلها حكم .....



تقبل تحياتي.......

 

 

 

 

[معلومات العضو العماني]

صح الله لسانك اخوي الجعيدي ولسان شاعر القصيدة

ولاهنت على الاختيار الطيب

تقبل تحياتي،،

 

 

 

 

[معلومات العضو الجعيدي الدوسري]

أخواني النشاما جميعاً: آسف جداً على التأخير في الرد عليكم،، يشهد الله أنه الوقت غير كافي.
تسلم يمانيكم ،،، و بيض الله وجيهكم ،،، ولا شكر على واجب ،،،
و رفع الله مقداركم و أعز شآنكم يالنشاما.
مرة أخرى أكرر اعتذاري وآسفي على التأخير.
وتقبلوا خالص التحيات،،، أخوكم/ الجعيدي الدوسري

 

 

 

 

[معلومات العضو خاطر محمد الخاطر]

اخي الفاضل الجعيدي

الله لايهينك على نقل القصايد الجميله
وصح الله السانك ولسان قايلها

 

 

 

 

[معلومات العضو الجعيدي الدوسري]

صح أبدانك أخوي "خاطر محمد الخاطر" ،، مرورك شرف لي يالنشمي. وتقبل تحياتي.