::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم الـشعر العــام :: (http://alduwaser.org/vb/forumdisplay.php?f=16)
-   -   يالعبد لو ميزت في كل الأحوال ***** عرفت وين المخطية والمصيبه (http://alduwaser.org/vb/showthread.php?t=5205)

الجعيدي الدوسري 19-10-2005 01:03 PM

دام السريره صافيـه فأنـت رجـال=واليـا دخلهـا غـش والله مصيـبـه
 
السلام عليكم ورحمة الله وبركاته

القصيدة لشاعر لا أعلم أسمه ،،، ولكن صح الله لسانه ملاااين.

قصيده كل بيت فيها عن كذا قصيده.. أرجو أن تنال إعجابكم :-





يالعبد لو ميزت فـي كـل الاحـوال = عرفـت ويـن المخطيـه والمصيبـه
وعطيـت واف الحـق قـدام ينقـال =مخطي وتصبـح بيـن شـكٍ وريبـه
الحق ما يزعـل منـه غيـر الانـذال =اهل الردى واهل والوجيه الغضيبـه
دام السريره صافيـه فأنـت رجـال=واليـا دخلهـا غـش والله مصيـبـه
الحر لو ماحـط لـه بشـت وعقـال=يكفيـه بيـن النـاس فعلـه وطيبـه
وراع الردى لو بأجمل اللبس يختـال =تلقى الـردى مابيـن كمـه وجيبـه
ومن لاكسب كلمة نعم بيـن الاجيـال =يكسب بدلهـا ياهـل العـرف خيبـه
ومن لا شرب لمواجه الوقت فنجـال=يقضي العمر بيـن الطمـان وشعيبـه
ومن لاتحدى في الزمن بحر الاهوال =اللـول والمرجـان ماهـو نصيـبـه
ومن لاحسب قبل النسب معدن الخال =لاينشـد المولـود مـن ويـن عيبـه
ومن لادفع في ماقف الربـع مثقـال =لا ينتظـر تعطيـه ربـعـه زبيـبـه
ومن لا طلب للمشكلـه نـاس عقـال =يجيـه مـن عميـان الاريـا كتيبـه
ومن لاحفظ سمعه عن القيل والقـال =تلقـى ورم مخـه نميمـه وغيـبـه
ومن داس عرض الناس لو كان بالمال =من عرضه المصيون دفع الضريبـه
ومن لاحسبها صح في عمر الاقبـال=ماهـو بحاسبهـا ليـا بـان شيـبـه
سمعـت ماقالـوه قبلـي بالامـثـال=من لاكسـب كلمـة نعـم وش تبيبـه
جنب عـن الرديـان وكبـار الازوال=وتلقى من اهل الخير من تعتزي بـه
هذي نصيحه كان مـا اعطيتهـا بـال=أتضيـع بيـن المخطيـه والمصيبـه


وسلامتكم

وتقبلوا تحيات أخوكم/ الجعيدي الدوسري

فهد الغريري 20-10-2005 11:07 PM

لا فض فوك
 
وعليكم السلام ورحمة الله وبركاته

اخوي العزيز " الجعيدي "

صح الله السانك وعتلا شانك وزادك الله من زوايد فضله

على نقل هذي القصيده المعبره التي تجبر الواحد منا على التمعن فيها.

وليت من يعرف الشاعر يزودنا فيه.

تقبل تقديري واحترامي

اخوك / فهد الغريري,,

سعد المقابله 21-10-2005 01:21 AM

لاهنت طال عمرك

وصح الله لسان الشاعر

عبدالرحمن الشرافي 21-10-2005 06:15 AM

ومن لادفع في ماقـف الربـع مثقـال ******** لا ينتظـر تعطيـه ربـعـه زبيـبـه

ومن لا طلب للمشكلـه نـاس عقـال ********** يجيـه مـن عميـان الاريـا كتيبـه


لاهنت أخوي (( الجعيدي ))

على هذه القصيدة اللي كلها حكم .....



تقبل تحياتي.......

العماني 21-10-2005 02:19 PM

صح الله لسانك اخوي الجعيدي ولسان شاعر القصيدة

ولاهنت على الاختيار الطيب

تقبل تحياتي،،

الجعيدي الدوسري 31-01-2006 01:38 PM

أخواني النشاما جميعاً: آسف جداً على التأخير في الرد عليكم،، يشهد الله أنه الوقت غير كافي.
تسلم يمانيكم ،،، و بيض الله وجيهكم ،،، ولا شكر على واجب ،،،
و رفع الله مقداركم و أعز شآنكم يالنشاما.
مرة أخرى أكرر اعتذاري وآسفي على التأخير.
وتقبلوا خالص التحيات،،، أخوكم/ الجعيدي الدوسري

خاطر محمد الخاطر 31-01-2006 05:09 PM

اخي الفاضل الجعيدي

الله لايهينك على نقل القصايد الجميله
وصح الله السانك ولسان قايلها

الجعيدي الدوسري 01-02-2006 08:27 AM

صح أبدانك أخوي "خاطر محمد الخاطر" ،، مرورك شرف لي يالنشمي. وتقبل تحياتي.


الساعة الآن 08:05 PM

Powered by vBulletin® Copyright ©2000 - 2025, Jelsoft Enterprises Ltd.
---