& يــــــاشــــيــــخـــة الـــزيـــنـــات &

**معلومات** **العضو** · 29-04-2006, 09:42 AM

السلام عليكم ورحمة الله وبركاته

أسعد الله مسائكم بكل خير اخواني اخواتي في هذا المنتدى الشامخ

هذه قصيده تعبر عن نفسها

وأتمنى بأن ترتقي لذائقتكم وتنال على أستحسانكم

فهذا هو الذي نتمناه ونطمح إليه :

لايابعد كل القرايب والأصحاب=غيرك فلا له وسط قلبي مكاني
لاتنخدع في هرج حاسد وكذاب=ناس تشب النار سرّ وعلاني
تسعى بتفريق الولايف بالأسباب=من حقدها تمشي بهدم المباني
يفداك طيّبهم رغم كل ماطاب=ويفدونك الغالين قاصي وداني
ويفداك قلبً بأصدق الحب لك ذاب=يذوب في سحر الغلا والحناني
عقبك جميع الناس بعيوني أغراب=في غيبتك ربي عليهم حداني
في غيبتك طيفك معي حيّ ماغاب=ماغاب عن ناظر عيوني ثواني
ماقبل حبك ياحبيبي لي أحباب=ولا عقب حبك حبً أول وثاني
كل مامضى قصة مراهق ومرتاب=يكتب على الجدران بعض الأغاني
يرسم قلوب مع تواقيع وألقاب=تلفت نظر بعض البنات الحساني
بس يدّعي قدام ربعه والأقراب=ويقول عند البيض عنتر زماني
من جيت بطّل من تخاريفه وتاب=قام يتغنى في جمالك لساني
ياشيخة الزينات وش جابك وجاب=والله مامثلك تكوّن وكاني
لاوالذي نزل تبارك والأحزاب=ماغير حبك خمني وأبتلاني
منزلك في عيني تغطيك الأهداب=وحبك تمركز بين حدب المحاني
في بحر عينك لي مقر وترحاب=القى بها المرفأ وعذب الأماني
نجل العيون اللي بها الموت ينساب=لاطالعتني جات عشري ثماني
ترفع لها القاب وتخضع لها رقاب=ويطيعها قلب تبعك وعصاني
سلطانة بالحسن والحسن جذاب=سلطان حسنك في محيطه خذاني
صحيح لاقيل الهوى حيل غلاب=يغلب على الرجال لو هو حصاني

**معلومات** **العضو** · 29-04-2006, 10:54 AM

سلطانة بالحسن والحسن جذاب= سلطان حسنك في محيكطه خذاني0000000اكثر من رائعه صح لسانك وعتلى شانك يالقرم على هالجزله

**معلومات** **العضو** · 29-04-2006, 03:02 PM

الموهبة الحقيقية

وصدق الاحساس

وقوة الكلمات

لم تفارق ولا بيت من ابيات هذة الشامخه

فصح لسانك ياشاعر الدواسر

اخوك الجماعين ....

**معلومات** **العضو** · 29-04-2006, 03:59 PM

يا سلام

يا ابن بطحية يا ودعاني

ودّعتك الله،،،

**معلومات** **العضو** · 29-04-2006, 08:50 PM

لايابعد كل القرايب والأصحاب=غيرك فلا له وسط قلبي مكاني
لاتنخدع في هرج حاسد وكذاب=ناس تشب النار سرّ وعلاني
تسعى بتفريق الولايف بالأسباب=من حقدها تمشي بهدم المباني
يفداك طيّبهم رغم كل ماطاب=ويفدونك الغالين قاصي وداني
ويفداك قلبً بأصدق الحب لك ذاب=يذوب في سحر الغلا والحناني
عقبك جميع الناس بعيوني أغراب=في غيبتك ربي عليهم حداني
في غيبتك طيفك معي حيّ ماغاب=ماغاب عن ناظر عيوني ثواني
ماقبل حبك ياحبيبي لي أحباب=ولا عقب حبك حبً أول وثاني
كل مامضى قصة مراهق ومرتاب=يكتب على الجدران بعض الأغاني
يرسم قلوب مع تواقيع وألقاب=تلفت نظر بعض البنات الحساني
بس يدّعي قدام ربعه والأقراب=ويقول عند البيض عنتر زماني
من جيت بطّل من تخاريفه وتاب=قام يتغنى في جمالك لساني
ياشيخة الزينات وش جابك وجاب=والله مامثلك تكوّن وكاني
لاوالذي نزل تبارك والأحزاب=ماغير حبك خمني وأبتلاني
منزلك في عيني تغطيك الأهداب=وحبك تمركز بين حدب المحاني
في بحر عينك لي مقر وترحاب=القى بها المرفأ وعذب الأماني
نجل العيون اللي بها الموت ينساب=لاطالعتني جات عشري ثماني
ترفع لها القاب وتخضع لها رقاب=ويطيعها قلب تبعك وعصاني
سلطانة بالحسن والحسن جذاب=سلطان حسنك في محيطه خذاني
صحيح لاقيل الهوى حيل غلاب=يغلب على الرجال لو هو حصاني

اخوي العزيز والشاعر الكبير والمبدع الغالي "حسن بن محمد آل بطحيّه"

مخاب ظني فيك جعل من ارثك في الجنه ان اشهد انك شاعر

والشعر يأرز ليك كما يأرز الخير لطيبين شرواك

الذي يبحر في قصيدك يرى ان هناك جزاله في مضمون المعاني

ويرى ان الكلمات التي انتقاها فؤادك واستلهمها عقلك غايه في الروعه

الشاعر "الوحيد" يعجبني فيك القوه في المعاني والسلاسه في المعاني

واسأل الله رب العرش العظيم ان يوفقك وينير طريقك على العز والطاعه

ونتظر جديدك المميز النادره جعلك تحيى..

تقبل تحياتي وتقديري واحترامي واعجابي في قلمك الشامخ

اخـــــوك / فـــهــــد الــغــريـــري,,

**معلومات** **العضو** · 30-04-2006, 09:07 AM

الشاعر الكبير :

حسن بن محمد آل بطحيّه

أبووليــــد (( الوحيـــد ))

مهما قلت ومهما وصفت فلن أوفيك بالكلام

وقفت أتامل الإبداع فحتار فكري بماذا أكتب !

صح لسانك ولاهنت على الإبداع المتواصل

ولاتبطي بجديدك ،،،

**معلومات** **العضو** · 19-05-2006, 08:45 AM

الشاعر الكبير :حسن بن محمد آل بطحيّه

أبووليــــد (( الوحيـــد ))

مهما قلت ومهما وصفت فلن أوفيك بالكلام ولابالكتابة حقك

فأنت منهل شعري يروي الكبود من الشعر النادر والجزل

فأنا وقفت أتامل الإبداع فأحتار فكري ماذا أكتب عن هذه الموهبه الشعريه الفذه!

فصح لسانك ولاهنت على الإبداع المتواصل

ولاتبطي بجديدك ،،،

**معلومات** **العضو** · 19-05-2006, 04:52 PM

اخوي العزيز والشاعر الكبير والمبدع الغالي حسن بن محمد آل بطحيّه

بيض الله وجهك ياالقرم على القصيدة الجزلة
ولاهنت يالقرم

تقبل تحياتي أخوك الصقر الحر

**معلومات** **العضو** · 19-05-2006, 10:28 PM

لاوالذي نزل تبـارك والأحـزاب
ماغيـر حبـك خمنـي وأبتلانـي

منزلك في عيني تغطيك الأهـداب
وحبك تمركز بين حدب المحانـي

صح لسانك أخوي

قصيدة رائعة واحساس أروع

يعطيك العافية وعساك على القوة

تحياتي

**معلومات** **العضو** · 13-04-2009, 01:41 AM

ونعم يازياد البدراني
مرحبا بك والشرف لي بمرورك لمتصفحي ممنون لك
يالطيب مشكور ياخوي على كلامك الطيب عسى اكون عند ضنك
تقبل تحياتي,,

**معلومات** **العضو** · 13-04-2009, 08:58 AM

صح لسانك يا بن بطيحه الودعاني ...
أشهد أنك وافي ...

**معلومات** **العضو** · 13-04-2009, 01:04 PM

صح لله لسانك ياحسن قصيده رائعه

ومشاعر صادقه لله يوفقك ولايهينك

تقبل مروري وقبل جزيل تحياتي

اخوك محمد بن سالم

**معلومات** **العضو** · 15-04-2009, 08:48 PM

يامرحبا يابو سالم صح بدنك
نورت متصفحي بأطلالتك المميزه الله يطولي عمرك لك ابلغ التحيات..

**معلومات** **العضو** · 30-05-2009, 10:28 AM

صح الله لسانك يالقرم

تحياااتي

**معلومات** **العضو** · 30-05-2009, 05:45 PM

الجراح مشـــــــــــــكـــــــــور

يعطيك الف عافيه مرورك تشريف لمتصفحي,,

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية