ياخوان بعد السلام هذا هو عبدالرحمن

[معلومات العضو ممدوح بن سلطان السديري]

رثــــــــــــــــــــــاء

عبدالرحمن بن أحمد السديري رحمة الله عليه

سقاك يا قبرٍ بعالي هضابه=بالرجم شرقي الخشوم المشاهير
سقاك من ديم السماك وسحابه=وبالصيف تسقيك المزون المخاسير
حيث انك انت اللي تواري ترابه=على الأمير اللي على وصفه أمير
مرحوم يا رمز السخا والرحابه=ما تاه من سمَّى عشير المسايير
مرحوم يا محفي مواطي ركابه=دايم بمسعى الخير وردٍ مصادير
مرحوم ياللي في هرمه وشبابه=عرضه نزيه عن دروب المحاذير
مرحوم ياللي ما يتبدل حسابه=تجزيه بالنكران ويجزيك بالخير
مرحوم ياللي في وقاره مهابه=وفي سيرته لطف وتواضع وتقدير
في مكتبه ما خلقته صك بابه=وفي مجلسه ما حط دونه نواطير
يا تيه من عضه من الوقت نابه=وتاتيه شيخان الرجال المظافير
وتاتي له الاجواد من كل لابه=ما به مواعيد ولا به طوابير
انا فؤادي ما يداوي صوابه=ولا ظنتي تبري العيون المساهير
ابكي ويبكي من عرفه ودرى به=وتبكيه خلج بالخوافي مجاهير
ويبيكه مضيوم عوته الذيابه=ماله مداخيل ولا له معابير
وتبكيه غيدٍ ما تحمل غيابه=الا يبيها حد قبره مساطير
ويبكيه نجر فاخته من ضرى به=ودلال وصحونٍ نعتها الخطاطير
وتبكي له الدكة شكت من حجابه=ما عاد تدهلها الوجيه المسافير
عسى عزانا بابوفيصل مآبه=وعسى الجموع اللي دعت لك بواشير
رحلت للي ما يشح بثوابه=ولا تستوي عنده اوزان ومخاسير
عساك في طوبى النعيم تهنا به=وتدوم فيها يا عشير المسايير

مواطن

 

 

 

 

[معلومات العضو ممدوح بن سلطان السديري]

هذا هو ( عشير المسايير ) رحمه الله واسكنه فسيح جناته

 

 

 

 

[معلومات العضو العماني]

الأخ الغالي بوسلطان

صح الله لسان الشاعر ((مواطن)) على المرثية الرائعه في فقيد القبيلة والوطن (عشير المسايير) المرحوم الأمير عبدالرحمن الأحمد السديري .

والله لايهينك ياعشير المناعير على نقل هذه القصيدة وعوايدك ماتجيب الا الجزل.

تقبل تحياتي،،

 

 

 

 

[معلومات العضو ابن وتيد السباعي]

عساك في طوبى النعيم تهنا به=وتدوم فيها يا عشير المسايير

صح الله لسان الشاعر ((مواطن)) على المرثية الرائعه في فقيد القبيلة والوطن (عشير المسايير) المرحوم الأمير عبدالرحمن الأحمد السديري . والله لايهينك ياعشير المناعير على نقل هذه القصيدة وعوايدك ماتجيب الا الجزل. لك خالص الود وفائق الاحترام اخوك/ابن وتيد

 

 

 

 

[معلومات العضو ممدوح بن سلطان السديري]

الأخ هايف ، ابن وتيد

عوايدكم الطيب , ولكم كل التقدير على جهودكم الرائعة و تعليقكم على الموضوع.

وشكراً يا خوي ابو مبارك على تغير الاسم والعضوية الشرفية كذلك. فأنا ( واعوذ بالله من كلمة انا ) لست بعضو في الموقع فقط , فهذا موقعي وموقع الجميع , مع أن مسئولية الكتابة ( بالوكاد ) اصعب الآن .

ابو مبارك ( فزت هاذي المره ولكن الوعد قدام زي ما قلت لك )

 

 

 

 

[معلومات العضو عبدالله آل بريك]

الأخ العزيز الغالي ( بوسلطان ) صح الله لسان الشاعر ((مواطن)) على المرثية الرائعه في فقيد القبيلة والوطن (عشير المسايير) المرحوم الأمير عبدالرحمن الأحمد السديري . أسكنه الله فسيح جناته والله لايهينك ياعشير المناعير على نقل هذه القصيدة وعوايدك ماتجيب الا الجزل. مشكوووووووووووووور وما قصرت يالقرم وعساك على القوه وتقبل خالص تحياتي أخوك :- عبدالله آل بريك

 

 

 

 

[معلومات العضو ممدوح بن سلطان السديري]

اخوي عبدالله آل بريك

ونعم فيك .

و الله يقويك ..... وتسلم على تعقيبك اخ وعزيز.


واردد :

يا مرحبا ترحيبةٍ من صداقة=عد المزون وعد ما بارقٍ لاح

 

 

 

 

[معلومات العضو فهد الغريري]

الاخ العزيز الفاضل :ممدوح بن سلطان السديري

اررررررحب تراحيب المطر ياعشير المناعير

صح الله لسان الشاعر"مواطن" على المرثية الرائعه في فقيد القبيلة والوطن

(عشير المسايير) المرحوم بأذن الله الأمير عبدالرحمن الأحمد السديري .

والله لايهينك ياعشير المناعير على نقل هذه القصيدة وعوايدك ماتجيب الا الجزل.

وتقبل خالص الود وفائق الاحترام

اخوك/فهد الغريري

 

 

 

 

[معلومات العضو ممدوح بن سلطان السديري]

الأخ الفاضل فهد الغريري

يا مرحبا ترحيبةٍ من صداقة * عد المزون وعد مابارقٍ لاح

شكراً على ترحيبك ومرورك وعوايدكم الطيب , وهذا والد الجميع , كما أن ( شيابكم ) اباء

لنا ، وكل من فعله وذكره طيب نتمناه اخاً.


أخوك: ممدوح

 

 

 

 

[معلومات العضو فهاد الغييثي]

	الأخ العزيز الغالي ( بوسلطان ) صح الله لسان الشاعر ((مواطن)) على المرثية الرائعه في فقيد القبيلة والوطن (عشير المسايير) المرحوم الأمير عبدالرحمن الأحمد السديري . أسكنه الله فسيح جناته والله لايهينك ياعشير المناعير على نقل هذه القصيدة وعوايدك ماتجيب الا الجزل. مشكوووووووووووووور وما قصرت يالقرم وعساك على القوه

 

 

 

 

[معلومات العضو عبدالرحمن النتيفات]

الاخ العزيز الفاضل :ممدوح بن سلطان السديري

اررررررحب واسهل ملاااااين

صح لسان الشاعر"مواطن" على المرثية الرائعه في فقيد القبيلة والوطن

(عشير المسايير) المرحوم بأذن الله الأمير عبدالرحمن الأحمد السديري .


أبيات امتزجت كلماتها بين ترانيم الحزن ..

و بين نبرات الرثاء المحزون ..

و حكّمت الألم ........

رحم الله الامير.. و وسع مدخله .. و جعل قبرهـ روضة من رياض الجنة

و أسكنه الفردوس الأعلى .. اللهم آمين

 

 

 

 

[معلومات العضو ممدوح بن سلطان السديري]

الأخوان الأعزاء فهاد الغيثي ، عبدالرحمن

اشكركم لتعقيبكم على الموضوع فأنتم اخوان اعزاء وتواصلنا قائم بإذن الله من الآن الى

ان نلاقيه.

الأخ عبدالرحمن صدقت في تشخيصك ( يا ناقدنا ) .

وأخيراً ادعوا الله ان يرحم عبدالرحمن و عبيد الرحمن جميعاً وان ويغفر لهم و لنا ( آمين ).

 

 

 

 

[معلومات العضو المحامي.مبارك الرجباني]

صح لسان الشاعر(مواطن)مرثيه رائعه بصراحه تأثرت فيهاا وهى تصف

الامير الشاعر (الدين-الكرم -السعى بالخير-النزاهه-التواضع-المحبه وكلن يحبه)

لاهنت ياااعشير المناعير على نقل هذه القصيده (الطيب ما يجيب الا طيب)


اخوك المحامى الرجبانى

 

 

 

 

[معلومات العضو ممدوح بن سلطان السديري]

الأخ : المحامي الرجباني

ومن قال ما هان , هذا من طيب ساسك .


أخوك ممدوح

 

 

 

 

[معلومات العضو الساري 1]

الأخ العزيز الغالي ( بوسلطان )

صح الله لسان الشاعر ((مواطن)) على المرثية الرائعه في فقيد القبيلة والوطن (عشير المسايير) المرحوم الأمير عبدالرحمن الأحمد السديري .

أسكنه الله فسيح جناته

والله لايهينك ياعشير المناعير على نقل هذه القصيدة وعوايدك ماتجيب الا الجزل.

اخوك/ الساري