الشاعر الكبير مبارك بن شيبان الودعاني( الهذيه)

[معلومات العضو ابوعبدالعزيز]

السلام عليكم ورحمة الله وبركاته

هذي القصيدة للشاعر الكبير مبارك بن شيبان الودعاني
الملقب بالهذيه
والد أسرة آل مشخص آل ضويان
أهالي قرية خيران بالسليل وتوفي رحمه الله عام 1170هـ

يالله يا باني سبع السمـــا بامـــره = ومنين ما قال له يا نو كن كـانــــي
طالبك ياملتهم يا خير من نزهــــم= يا كاشف الضر يا علام حيـــــلاني
اجعل حياتي على الدنيا على رخى= واجعل مماتي على عفو ورضواني
منولٍِِ داله من الهم ما درى بـه= والهم ماهو في بالي ولا جـانــــــي
أشوف دنيا على الله يا مزينها= تاخذ على الناس غارات بلا رسانـي
راحت بناسٍ تشوقنّي عجايبهم= امنـــــولٍ كان لي ربـــع وخــلانــــي
راحو رجالٍ على الدنيا وحل بها= ناسٍ يعيشون في كذب وبهتــانــــــي
فأول ما أوصيك به رفقة هل الطاعه= من غر منها فهو ندمان خـسـرانـــي
ثاني ما أوصيك عن رفقة الخايب= لو هو غني ترى ما فيه ميدانــــــي
واحذرك تجلس مجلس تاجر فاجر= يقلطك لأجل شهادات وديـــــانـــــي
ولا تضم أحمق ترجي منافعه= الأحمق يغرك واذا جا الصدق ما باني
ساس الردى لايغرك منه نفشته= لا حتجت نفعه تبين علمه الثانـــي
الناس مثل الشجر ساتره ورقه= لا حت واهجر غدا شوك وعوداني
والحظ يكسي رجال لا ثياب لهم= لو يسلب الحظ مايسوون ديواني
لا تحسب الدار زينتها مبانيها=ترى اصلها يافتى طين وجدراني
الدار ما تستقيم الا باهاليهـا=ولا لها زينة الا بسـكــــانــــــي
أما صخي بماله واقف فيها= ينفق على الناس ويدري كل شي فاني
والا مطيع لربه راهب فيها= يتلي على الناس حديث وقرآني
والا يسود معفين جوانبها= بسيوف هند توطي كل شيطاني
ما ودك ان عقبهم الا رحايلها= والا فتالي العرب جول وخرفاني
أشوف ذا الجيل ما تبطي محبتهم= رفقة اسبوع وعقب الولف شتاني
ياوين بلقى صديق يشاكيني= لا ضاق شاكيته ولا ضقت شاكاني
يضحك حجاجه يبين لك سهالته= ما هو مسلجم وكنه منك زعلاني
شفي رفيقٍ اذا رافقته ارفقلي = وان جيت انا فز في المجلس على شاني
ياليت قصره احذى قصري يشاكيني= لا ضاق شاكيته ولا ضقت شاكاني
كم مرة جيت ابيه وعدت من دونه= من ذلتي من مشاذيب تقفانـــي
طاري يقول رحله وطاري يقول ارجع= مذاهب الناس شانت يابن شيباني
ترى في العرب ثعلب ما ينعرف له= هماز لماز فيه انواع شيطاني
ياخالي المعرفه بالك تعاتبني = ياناقص العقل ماشاني لك بشاني
اشتف نجوم السما ما اكثر تلامعها= أي نفعها كلها والجدي لا باني
أية سيوف الهنادي حين صقلتها= أيها وعباسي كله صدى داني
وي الطيور الذي يرجى منافعها= أيها وبيض الجناحين ام عثماني
يا علة طاولتني من قريب لي= أوحي وحمها على الأنجاف يصلاني
لا جيت باكنها تلهب ملايلها= وان جيت بافضي فما عراه عراني
أحد تجي زرقته على بني عمه= واحد تجي زرقته في الجار والداني
واحدٍ يعرض بني عمه انبوب الخطا= واحدٍ يعرض بني عمه شحم ضاني
تظهر اقرودٍ ولا تدري عواقبها= وتبرز أسود وتخيط الفتق لا باني
تلقى أسود مبطحة مذارعها= تذخر ظفرها ليومٍ فيه عكناني
وتلقي قرودٍ منفشةٍ مناخرها= تذخر ظفرها على الجيران والداني
أحدٍ الى مات ما ينفقد موته= يدفن ويمسون ربعه نومهم هاني
واحدٍ الى مات يا وسع فرجته= تسهر عيون وهي من فقده احزاني
من وده ان الثعل والهر ربع له= والثالث النيص والرابع ضرمباني
ومن وده ان الأسد والنمر ربعٍ له= والثالث الذيب نعم الذيب سرحاني
خاتم جوابي صلاة على النبي =الهاشمي القرشي آل عدناني

 

 

 

 

[معلومات العضو الجرباء البدراني]

وعليكم السلام عليكم ورحمة الله وبركاته
الاخ عبد العزيز بيض الله وجهك واختيار موفق
للشاعر الكبير مبارك بن شيبان الودعاني
الملقب بالهذيه
يالله يا باني سبع السمـــا بامـــره = ومنين ما قال له يا نو كن كـانــــي

طالبك ياملتهم يا خير من نزهــــم= يا كاشف الضر يا علام حيـــــلاني

اجعل حياتي على الدنيا على رخى= واجعل مماتي على عفو ورضواني

ومشكور وماقصرت ونعم بالودعاني
وتقبل اطيب تحية

 

 

 

 

[معلومات العضو ابوعبدالعزيز]

اخي الجربا البدراني جعل والله تسلم على تعقيبك الطيب الذي يدل على طيب معدنك يابن العم

 

 

 

 

[معلومات العضو سعد المقابله]

رحم الله الشاعر الهذيه

وبيض الله وجهك يالقرم



واعذرني على التنسيق

 

 

 

 

[معلومات العضو ابوعبدالعزيز]

يمال العافيه ياسعد المقابله على هذى التصفح وعلى هذى التسيق الجميل

 

 

 

 

[معلومات العضو ابن شيبان الودعاني]

بيض الله وجهك

أخي ابوعبدالعزيز

على نقل هالقصيدة للشاعر الفحل رحمه الله

وأسكنه فسيح جناته

أشكرك أخي الكريم

 

 

 

 

[معلومات العضو ابوعبدالرحمن الودعاني]

	أخي وإبن عمي الحبيب الغالي صح لسانك ولسان الشاعر الفارس الأمير ((مبارك بن شيبان الودعاني )) وقصيده جزله وطيبه وأنت ما يجي منك إلا الطيب والزين جعلنا ما نخلا منك

 

 

 

 

[معلومات العضو متحري الصدق]

يا علة طاولتني من قريب لي= أوحي وحمها على الأنجاف يصلاني
لا جيت باكنها تلهب ملايلها= وان جيت بافضي فما عراه عراني

الله يرحم الهذيه وجعله في الجنه

 

 

 

 

[معلومات العضو طايع الله]

قصيده مهوله
رحمه الله ووسع قبره

 

 

 

 

[معلومات العضو غيمار]

الله يرحمه شاعر بحق وحقيق

معاني ساميه وتفكر في حياة الخلق

 

 

 

 

[معلومات العضو ماجد الدوسري]

لا جيـت باكنهـا تلهـب ملايلهـا
وان جيت بافضي فما عراه عراني

الله يرحمه رحمة واسعة واشهد بالله إن ذالبيت يسوى قصايد وانه يستفاد منه ومن معناه

 

 

 

 

[معلومات العضو حسن بن بطحيه]

ابو عبد العزيز مدري انت بتشوف ها الكلام ام لا,,
لكن ياخوي علي الحرام ان المرحوم من وجهة نظري شاعر الدواسر والوداعين
اشاعر معنى وكل بيت دارج تحصل مصدره الهذيه,,

لكن شف الفرق,, الوقداني وبن عون والعطاوي والخ لهم شهره لكن الهذيه تسمع البيت
يردد ولما تسئله لمن يقول مدري هذا الي يقهر..

مثلا, واحد يقول البيت , الدار ماتستقيم,, يقول للوقداني,, الله يعطيك العافيه..

 

 

 

 

[معلومات العضو طايع الله]

المشاركة الأصلية كتبت بواسطة حسن بن بطحيّه الودعاني

ابو عبد العزيز مدري انت بتشوف ها الكلام ام لا,,
لكن ياخوي علي الحرام ان المرحوم من وجهة نظري شاعر الدواسر والوداعين
اشاعر معنى وكل بيت دارج تحصل مصدره الهذيه,,

لكن شف الفرق,, الوقداني وبن عون والعطاوي والخ لهم شهره لكن الهذيه تسمع البيت
يردد ولما تسئله لمن يقول مدري هذا الي يقهر..

مثلا, واحد يقول البيت , الدار ماتستقيم,, يقول للوقداني,, الله يعطيك العافيه..

صدقت صدقت صدقت
الدواسر لديهم ثروه شعريه كبيره
وشعرا فطاحله ويوجد قصايد مهوله لشعار من الدواسر
لم تنتشر حتى الان

 

 

 

 

[معلومات العضو ابو زيد الغييثي]

رحم الله الهذيـه عاش في فترة الفتن وقال الابيات التي

تعزز التلاحم فهو بحق شاعر الدواسر السياسي

في وقت الجهل

 

 

 

 

[معلومات العضو دغش محمد الصخابرة]

رحم الله الشاعر الهذيه

وبيض الله وجهك يالذيب....

لاهنت,,,,ودمتم بحفظ الرحمن...