غدوا بها الرجبان ريف الهزالي

**معلومات** **العضو** · 21-02-2006, 02:42 PM


	بسم الله الرحمن الرحيم ( غدوا بها الرجبان ريف الهزالي ) هذه قصيدة الشاعرة / طهيفة آل حميد الدوسرية ، كانت متزوجة من رجل غير دوسري ، وغزوا الرجبان قبيلة زوجها و اكسبوا إبل و كانت إبل زوجها من بين تلك الإبل فقالت : يا الله يا فارج اهموم الليالي = افرج لمن حالي منامه زفاير على ذويد ما بقى له توالي = ما عين إلا دمها والاثاير غدوا بها الرجبان ريف الهزالي = بايمانهم ومنجبات الحراير اللي خذوا منايحي والجمالي = يا ويش اماري به بنات القصاير غدوا بها اللي يحتمون التوالي = يا طير مني غطوتي والستاير قم يا فهد واركب قطيب الحبالي = ادفوف عيزه مثل دمث الزباير ولا ترتهق لا منه غاب الهلالي = الذيب مثلك ما يهاب الغداير ولا ترتهق لامن فهقت الجبالي = تظهر على دار مثلها زباير نصه حزام شوق زين الدلالي = اللي جعوده فوق متنه نتاير فقاموا آل حميد برد إبل زوجها كاملة . رياض من الأدب الشعبي جمع وتأليف مبارك آل حميد الدوسري

**معلومات** **العضو** · 21-02-2006, 03:06 PM

كفوا بالرجبان ومشكور ماقصرت.

**معلومات** **العضو** · 21-02-2006, 11:06 PM

ارحب يا يحيى

لا هنت على نقل ذا السالفة والقصيدة
كفو بمقابيس الحرب مقيدة الجمل

_________

**معلومات** **العضو** · 22-02-2006, 07:47 AM

لا هنت أخوي يحيى الودعاني ،،،
ونعم بالرجبان ،،، ومشكور ماقصرت ،،،

**معلومات** **العضو** · 22-02-2006, 08:22 AM


	(((((وألف نعم بالرجبان ))))) الله الله ونعم ببني عمنا هذاي فعولهم من زمان ومبطي الله لا يخلي الأرض منهم.