حامينها من سبيعا وعتباني** حامينها يوم ابن حجنه يغير ابها

[معلومات العضو علي البواردي]

السلام عليكم ورحمة الله وبركاته



فقد قال رحمه الله قصيده ومنها


حامينها من سبيعا وعتباني
حامينها يوم ابن حجله يغير بها .




انشدكم عنها يالمناعير يالمساعر ه .



انا هل الهجن لا مـن شانـا شانـي
اللي نسوق النظا لاجـت مواجبهـا
عاداتنا من على عصر ابن بدرانـي
لامن ركبنا عليها ما نـروف بهـا
سقنا الركايب وجينا المركز الثانـي
وصلت بنا الطور تومـي جنايبهـا
غرنا على البل خذينا عشر قطعانـي
يومـم النشامـا ،،، فـي مكاسبهـا
معنا من الكشف صنعت كل نصراني
تشلا الطوابير ما تبـرا ضرايبهـا
نعشي الطير هو الذيـب سرحانـي
يومـا زاد منهـا تعشاهـا ثعالبهـا
كله لعيناك يـا ساحـاب الاردانـي
اللي يخط المزعفـر فـي ذوايبهـا
كم نشر قوماً عليه نجـر الاكوانـي
لامن خذينا ابلهم غصبـاً نروحبهـا
يكون من هو يجينـا ياخـذ العانـي
هـذاك لا وافقـت ابلـه نجنبـهـا
لامن لحقنا الطلـب منـاب ذلانـي
كم سابق من خيار القـوم نعطبهـا
الاد مسعـر الامـن ثـار دخانـي
هذي طريح وذيك تعـض غاربهـا







ولا هان جميع لدواسر .

 

 

 

 

[معلومات العضو العماني]

هذه القصيدة للأمير المشهور شيبان بن بادي بن قويد رحمه الله

 

 

 

 

[معلومات العضو النويعمه]

نعم هذي القصيده لابن قويد

 

 

 

 

[معلومات العضو علي البواردي]

اشكركم جميعاً على الردود .

ولي تساؤل هل هي من ضمن القصيده التي كتبتها في المشاركه الاوله.


فياليت من الجميع الافاده وشكراً.

 

 

 

 

[معلومات العضو ابن وتيد السباعي]

انا هل الهجن لا مـن شانـا شانـي=اللي نسوق النظا لاجـت مواجبهـا
عاداتنا من على عصر ابن بدرانـي=لامن ركبنا عليها ما نـروف بهـا
سقنا الركايب وجينا المركز الثانـي=وصلت بنا الطور تومـي جنايبهـا
غرنا على البل خذينا عشر قطعانـي=ومـم النشامـا ،،، فـي مكاسبهـا
معنا من الكشف صنعت كل نصراني=تشلا الطوابير ما تبـرا ضرايبهـا
نعشي الطير هو الذيـب سرحانـي=يومـا زاد منهـا تعشاهـا ثعالبهـا
كله لعيناك يـا ساحـاب الاردانـي=اللي يخط المزعفـر فـي ذوايبهـا
كم نشر قوماً عليه نجـر الاكوانـي=لامن خذينا ابلهم غصبـاً نروحبهـا
يكون من هو يجينـا ياخـذ العانـي=هـذاك لا وافقـت ابلـه نجنبـهـا
لامن لحقنا الطلـب منـاب ذلانـي=كم سابق من خيار القـوم نعطبهـا
الاد مسعـر الامـن ثـار دخانـي=هذي طريح وذيك تعـض غاربهـا

الامير والشاعر والفارس/شيبان بن بادي بن قويد رحمه الله

 

 

 

 

[معلومات العضو علي البواردي]

ابن حجله وليس ابن حجنه

ابن وتيد كررت قصديه كتبتها طال عمرك ولا فيها البيت اللي طلبت

وهو شاعر مسعري


حامينها من سبيعا وعتباني
حامينها يوم ابن حجله يغير بها


امل الافاده عن السؤال لا عن القصيدة اللتي نقلتها فقط, ولك سلامي وتقديري.


هي قصيده طويله للمساعره الدواسر.

 

 

 

 

[معلومات العضو علي البواردي]

والعذر يالربع فقط حبيت اوضح ان سؤالي عن البيت الذي في بداية المشاركه :

حامينها من سبيعا وعتباني حامينها يوم ابن حجله يغير بها .


ومن ناحية القصيده التي كتبتها في المشاركه فهي على الطاروق نفسه لكن كان سؤالي عن باقي قصديه اخرى او نفس القصيده الله اعلم وتقبلوا السلام.

وحبيت اوضح

 

 

 

 

[معلومات العضو العماني]

بيض الله وجهك يالبوادي على مواضيعك الجميلة

 

 

 

 

[معلومات العضو ابوعبدالرحمن الودعاني]

	والله يا أخي بحثت عنها ما وجدتها خاصه أول هذا البيت الذي ذكرته لكني بسأل بخيتان بن ظافي عنها وأبي أعطيك خبر بإذن الله

 

 

 

 

[معلومات العضو فارس بني ودعان]

جزاك الله خير عالموضوع القيم