|
|||||||
06-02-2006, 06:04 PM
|
#1 | ||||||
|
ملحمة الأمير خالد الأحمد السديري (غذايا الأزد والا الجد زايد)
هذه الملحمة للشاعر الامير الراحل خالد بن احمد السديري واللتي تحمل الكثير من من الادلة وشواهد امجاد قبيلة الدواسر.مفتخرا بافعال الدواسر من عهد جدهم زايد ويذكر بعض احداث معارك الدواسر ومن اشهرها معركتهم مع الشريف ومدى تضحيتهم لدخيلهم، ويذكر كذلك قصة معركة الريشة في موجز قصير ويصفها في عدد مختصر من الابيات ويذكر كذلك فعل أمراء آل قويد ( اخوان جازى) في معركة الريشة الشهيرة وغيرها من المعارك التي قادوا فيها الدواسر. ومن ثم يتطرق الى ذكر احداث حرب الوديعه المعروفة و اللتي حدثت آنذاك في نجران في عهد امارته ومبينا خلالها استبسال الدواسر فيها واقدامهم مشيرا الى مسميات تلك الاماكن ومنها عرق (ابو داعر) المجاور للحدود اليمنية واللذي شهد مقتل الكثير والآلاف من الجيش المصري على يد الدواسر تحت قيادة الأمير خالد الأحمد السديري وكان الجنود المصريون مناصرين للامام يحيى . واستطاع الدواسر على الرغم من تحصنهم بالمراكب العسكرية والدبابات استطاعت جموع الدواسر دحرهم في تلك المعركة . وقد ابدع رحمه الله في وصف بعض امجاد قبيلة الدواسر اللتي لاحصر لها والقصيدة تحكي بنفسها معظم تلك التواريخ. وكما هو مذكور في الديوان حول ملحمته اللتي ابدعها... في عام 1386هـ قال المرحوم هذه الملحمة بعد استهلالية غزلية عذبة ,وبعد ان قدمها بالكلمات التالية بقلمه خلال وجوده في المستشفى بنيو يورك. ((ماكنت احب قول ها اللون من الشعر ,ولكن في بعض المناسبات عرض علي ان اقول هذه القصيدة,وعلى غير استعداد,وجدت نفسي اسجلها في ساعات خفيفة ,واتخذت من تسجيلها ورسمها على ورقة من وريقات المستشفى في نيويورك سلوى في تلك الليلة ,ولم يتم تصحيحها اللا في المملكة ,في بلادي اللتي احبها من كل قلبي فحمدالله وشكرا))
رياض العشب وبروق الوسامي=وعشب الروض بعد السيل زامي زهت ريضانها واقفا قشرها=وطاب النبت في درب القدامي تدوج بها المها تلع الرقاب=جفار الريم وخشوف الادامي عليهم من هوى قلبي وصايف=لولا الثقل ووسوم الزمامي وميزهن عن جم الرواما=عطور الهند مع دق الوشامي يشابهن المها باشكالهنه=وحذرهن والتهايا والريامي غصون ماظهر فيهن ثمرها=غراغير غضيضات توامي عماهيج تضيع بها الوصايف =نواعم ماو سمهن اللكامي رعن اثمار قلبي واحرقنه=صبايا الحور وبدور التمامي غطاريف عطاهن من خلقهن=خدود مايغطيها اللثامي انا اللي من عسل حمر الشفايا=شربت وطاب لي شرب المدامي احن لهن ولو اني بعيد=حنين الخلج في وسط المضامي واجنبهن خوف من خطرهن=ولو اني عليل القلب دامي اخاطبهن وارجي عن عطاهن=بما خص المناهيد الزوامي يعاملني بعفوه عن خطاي=زمان راح باخطاء جسامي شربت من الهوى كاسات خمر=زمان طاب لي عهده ودامي وطلقته طلاق بدون رجعه=وتبعته غرامي والهيامي لحا الله الليالي وش بلاها=الى اقفا عام نحس حل عامي يسليني عن الخفرات واسلى=لو اجذب للعذارى بالخزامي وصوت(ن) نسمعه باذني وقلبي=يناديني وينسيني غرامي يناديني لفعل الجود ((زايد))=اسنافي يضيم ولا يضامي ترفع بالحسب حتى تعلا =ويشهد له يماني وشامي شهود بانه اكرم من سكنها =بفيض مثل مامور الغمامي وخلف عصبته بيض الوجيه=عليهم كل مانصبح سلامي تمادو بالجدود وبالحدود=ديار وحشوها للنعامي وعادات تورخها السنين=سجل معرض اخباره واقامي وقلطات وقايعها فجايع=رعوا بظلالها عشب الوسامي رعوا قطعانهم في كل خايع=من ارض الشام لين حدود يامي فعول لا علالي فعلها=بسوالف وترديد الكلامي ولولا فعلهم ماجنبوهم =ولاشربوا عذيات الجمامي وقفوا مع جارهم حتى اضمنوا له=عن اقدار الولي رب المقامي ومن شاف العزازي في عيونه=اقام بكل ماله واستقامي حموه(( اولاد زايد )) في حماهم =الى صدر ردى الخال ضامي غذايا > (الازد)< والا الجد ( زايد) -1- = حمول الخيل مبعدة المرامي بنو فوق السحاب قصور مجد=ورفعها عامر الحر القطامي كرام يمنون اللي زبنهم=الى ضاع الحلال من الحرامي مراهيف خذوها ماشروها=تضيع بها مشاهيب الظلامي مراهيف ضرايبها رزايا =غدا فيها الطبيب مع المحامي صقيلات يشيلن المناكب =يتادن بالذهاب وبالعدامي غزوهم بالشريف ونوخوا له =بنهار حامي والهوش حامي انصحوه اللي يعرفون الدواسر=ولكنه عن الشور متعامي اتلوعه القرادة والعبت به=وعلى وجهه ردي الحظ هامي يبيهم يرخصون اللي زبنهم =مثل من عض له راس البهامي فزوع من يمينه ومن يساره= جنود مثل عمدان التهامي تكاثرهم وهو قلبه غليل =غليل القلب والله مايلامي وركبوا له على قب المهار=(دواسر) وردهم ورد الظوامي على صفر يسابقن المنايا=وشهبٍ لقموهن اللجامي (دواسر) ماختلف فيهم فحلهم =نسبهم جدهم من عهد حامي (دواسر) كل ماحلوا تعلوا=لهم راس العقيرة والسنامي (دواسر) بالمخافه ينزلون=وسباياهم تروض للصدامي تعلوا بالعوالي والمعالي=غذايا الجود شجعان كرامي يدوسون الخطر ويحطمونه=وشمس الظهر غاطيها الكتامي الاول عدهم والناس تدرى=الى عد القبايل واللحامي ولولا الموت ماخاف الجبان=وهام المرجلة ولد الخمامي ولكن المنايا والسهومي= تحكم ان الشجاعه ماتسامي ومن صحت دروب المرجله =يعرف ان الشجاعه ضرب هامي يعرف ان الكرم والجود يبقى=الى قلت مروات اللئامي ولايصبر على العيلات قوم =بواتع مابها رخوا الخزامي يحسبون الليالي ومابدت به=ويجزون الخطا بالانتقامي وذي عادات عطبين الضرايب=حموها بعهد حام وعهد سامي على قب يشيلن المنايا=يعالحن الاعنه والرشامي تضيق بها فضيات المفالي=ويردون الخطر ورد الحيامي رجال(ن) هربوا جمع الشريف=تجفله الاظله والعدامي زيارة نجد مايرجع عليها=وعنها راح مروح التهامي يشوف بعينه اجموعه تداس=وجوهن عفروها بالرغامي عزم واقفى عن الديرة واهلها =وهو طمع(ن) بها وقت الصرامي ترك كل السوالف والمراجل= وجنب صايبه مثل الدوامي ((اخو جوزا )) -2-جرى له ماجرى له=نهار فيه تبتر الجمامي عليه الريشة الزينه خذوها=تنقلها سنافي ٍ همامي ((ابن اقويد)) على الربعه تدلى =ونزعها صيدة(ن) في كف شامي ولاينسى لهم والفعل بيّن=الى بان القعود من القيامي ندبهم ضارى زعل عديم=بيوم فيه طير الموت حامي ابو تركي-3- خذى الديرة باهلها=دعاه الحظ يوم الحظ قامي وداجوا في بحر جيزان دوجه=بقايا الموت صعبين الشكامي وحلوا كنهم بديار اهلهم =اوردوا والمشوك له عسامي غدا ملك (الدريسي)-4- من سلبهم =بيوم غيرهم سلبه جهامي غنايمهم ملوك وثقوها=وصغرت عندهم لوهي عظامي تولوهم جسرين ضواري=فعايلهم تطيب بها العلامي تعلق بالجباه (بن زعير) =بعد ماشيدوا بيض الخيامي وشهد نجران في فعل(( آل زايد))=بيوم فيه يشتد الزحامي نهار فيه مايخفى الذليل=وتظهر فيه غضبات الكرامي حموه من الجنود وطهروه=بعزايمهم وزينات المرامي سهجهم جمع وفقين الضرايب=وتوطاهم سحاب(ن) بن هشامي وضرب بالسلايل والنيامس=الى كابر عنيد مايرامي ومن لامات منهم عودوا به=برجله قيد وبراسه خطامي وشروا في عرق ابو داعر وباعوا=علوم كنها نسج الحلامي غزا فرعون مصر بلاد يام =بدبابات وجنود النظامي وتحدوه(( آل زايد)) واعتنقهم=عطاوي عن الهيبات شامي وبدوه بعزمه حمرا وسله=شراة الموت موقظة النيامي جريين على القلطات عجلى=الى هابوا قليلين الرحامي وراجوا روجة تشفي الغليل=بعده طاب للعرجا المقامي وحام الموت فوق جنود ناصر -5-=وغرد فوقهم ورق الحمامي خلوهم عند بو داعر شلايا=صيام مايعرفون الصيامي شرايدهم تبي درب السلامه=وجنايزهم مزبرة ركامي وقالوا مانبي فيهم شفاعه=وحكمهم ضرب مصقول الحسامي وعابن السلايل من دماهم=سيوف غضب واجسام ضخامي رماهم بين مخلفة الهقاوي=حماة الجود وافين الذمامي سراياهم مخالبها تصيد=وبيارقهم يطيب بها المنامي رعى الله ديرة حلوا حماها=من ارض مغدرات الى اللدامي احييهم جزا مايفعلونه=وابديهم بمدحي واحترامي واعرف ان المروة ماحفظها =الى ضاعت عدا الرجال العصامي وحقك تاخذه ماهوب يعطى =بمجهودك الى اختل الكمامي تراك ان خذت حقك من عدوك=تلذذ بالمنام وبالطعامي والى امنت الدخيل وعز ضيفك=عدوك عرضه روس الوجامي كفى الله السنين ومابدت به = تجي بين المصلي والامامي 1- يقصد ان الدواسر آل زايد من قبيلة الأزد العريقة الغنية بالأمجاد 2- اخوان جوزا : عزوة سلالة الأمير فيحان بن زابن بن سلطان بن شارع بن قويد. 3- ابوتركي : الملك عبدالعزيز 4- الإدريسي : احد ملوك الجنوب. 5- ناصر : المقصود الرئيس المصري جمال عبدالناصر. رحم الله الشاعر الامير خالد السديري واسكنه فسيح جناته جميع الحقوق محفوظة لمنتدى قبيلة الدواسر الرسمي
آخر تعديل العماني يوم 08-03-2006 في
01:50 AM.
|
||||||
|
|
|
|
06-02-2006, 07:35 PM
|
#2 | ||||
|
رحم الله الشاعر الامير خالد السديري واسكنه فسيح جناته
|
||||
|
|
|
|
06-02-2006, 10:48 PM
|
#3 | ||||||
|
مرحبا ومسهلا باخوي ابا سليمان الودعاني
|
||||||
|
|
|
|
06-02-2006, 11:11 PM
|
#4 | ||||||
|
|
||||||
|
|
|
|
06-02-2006, 11:25 PM
|
#5 | ||||||
|
مرحبا ومسهلا باخوي ابو فهيد
|
||||||
|
|
|
|
06-02-2006, 11:55 PM
|
#6 | ||||
|
ابن محمد الودعاني بيض الله وجهك يالذيب على نقل هذه الملحمة للمرحوم الأمير/ خالد بن أحمد السديري رحمه الله ، فقد كان علما من أعلام القبيلة ومؤرخاً من مؤرخيها بما قال فيهم من قصائد ثبت فيها أفعال قبيلته ومغازيهم وبطولاتهم.
|
||||
|
|
|
|
07-02-2006, 12:48 PM
|
#8 | ||||
|
ماقصرت ماقصرت ثم ماقصرت يابن محمد الودعاني فالموضوع جميل وررايع ونتظر جديدك وتقبل تحياتي
|
||||
|
|
|
|
07-02-2006, 01:13 PM
|
#9 | ||||||
|
الأخ الغالي
|
||||||
|
|
|
|
07-02-2006, 03:12 PM
|
#10 | ||||||
|
ابن محمد الودعاني عساك ذخر دايم لعيال عمك..
|
||||||
|
|
|
|
07-02-2006, 05:24 PM
|
#11 | ||||||
|
ابو عبدالمحسن المسعري
|
||||||
|
|
|
|
07-02-2006, 05:28 PM
|
#12 | ||||||
|
مرحبا ومسهلا بحفيد ابن بدران
|
||||||
|
|
|
|
07-02-2006, 05:32 PM
|
#13 | ||||||
|
لاخ العزيز والموقر ابو سعود الدوسري
|
||||||
|
|
|
|
07-02-2006, 05:34 PM
|
#14 | ||||||
|
الاخ العزيز والموقر الودعاني
|
||||||
|
|
|
|
08-02-2006, 08:06 PM
|
#15 | ||||||
|
|
||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 2 ( الأعضاء 0 والزوار 2) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| اللقاء التاريخي مع الأمير علي بن محمد بن وقيّان أمير قبيلة الغياثات | الإداره | :: قسم اللقــاءات والفعاليات والتغطيات الخاصة:: | 57 | 17-04-2013 10:52 PM |
| زوجـات الملك عبدالعزيز رحمه الله وابنائه | خيالية | :: القسم الـتاريخــي الــعام :: | 16 | 18-05-2011 10:58 PM |
| القرآن لا يغيِّب البسمة ! | أبوبندر الحطيم | :: قسم المـواضيع الـعامــة :: | 2 | 09-11-2010 06:01 PM |
| سيرة الملك خالد بن عبدالعزيز رحمه الله | عبدالله الحافر الغييثي | :: القسم الـتاريخــي الــعام :: | 16 | 30-09-2010 10:24 AM |
| التغطية المصوّرة (الحصريّة) لحفل الصلح بين فخذيّ آل سويلم وآل عرفج النتيفات بحضور أمراء ومشائخ قبيلة الدواسر . | الإداره | :: قسم اللقــاءات والفعاليات والتغطيات الخاصة:: | 28 | 16-07-2010 04:54 PM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 04:54 PM
