الشاعر خالد بن مدعث الدوسري ( راعي الولع )

[معلومات العضو يحيى الودعاني]

	بسم الله الرحمن الرحيم راعي الولع يقول الشاعر الكبير خالد بن مدعث الدوسري ، في الطير : أنا ليا ضاق صدري واشتعل جاشي = داويت نفسي من هموم تناهشها ضربت لي طرقة تصعب على اللاشي = وسريت رجلي ومسرى الليل ينعشها ونحرت جو خلي يوحش أوحاشي = صحاصح البيد طب اللي يعايشها خالي جنابه من العالم والأدباشي = قفر مرب الوحوش ومأمن أوحشها عشيه سواة الحمى مهوب يناشي = لا راعي البل ولا الشاوي بنايشها ما يقطعن فرجته حرار الابواشي = الضمر اللي وصوف الريم تلكشها ما يسهجه غير جيب يطرب الماشي = مع واعر الارض ولا مع مفارشها جيب يبعد عن معاشي مغباشي = اللي يقص الدروب اليا تناوشها ما يسمع من المكينه غير وشواشي = ما كنها إلا الحيايا في توشوشها لاقر من دوس رجلي صابه خراشي = فرة قطاة دوي الملح خارشها يطيش من طيش سواقه ليا طاشي = نوب يخم الخطوط ونوب يقرشها أبيه لا بان نجم ونجم متلاشي = وشفت السويبع مع خوانه مداقشها في ليلة وبلها هتان ورشاشي = و قلايد الوسم مرخيتن مراهشها اليا ظمرن الفحول وجاهن طياشي = والارض في بطنها قرت هوايشها وراعي الولع عقب موته له تنعواشي = طيره على الكف والدنيا مطنشها ما عاد يطري له الا برق الارياشي = اللي على شانها البيداء يفتشها و أنا معي عاري مهوب بخياشي = لانل سيره على المقفي تفرشها عديم وسمه عديم ما اسمه شلاشي = زرق الشوش لا لحقها علق شوشها ومن لا عرف لذة المقناص ماعاشي = ولعه بليا طماعه مير عايشها يسلابها الخاطر اليا ضاق وانداشي = وترتاح في النوم عيني يوم اغلمشها ما تسمع اذني صدى لجلاج وهواشي = الا السواري مع الظلما تخترشها يا لايمي خلني أصد و انحاشي = عن شوف ناس مغير تلوي خششها والله ليبطي مع المقناص مطراشي = لين لمنيه اقابل وجه طارشها هذا الدواء اللي يداوي حدب هشاشي = من هاجس لا تحرك قام يجرشها خالد بن مدعث الدوسري ( جريدة الجزيرة ) .

 

 

 

 

[معلومات العضو عبدالله الصخيبري]

	السلام عليكم ورحمة الله وبركاته لاشلت يمينك يايحيى على النقل وصح لسان الخرفاني خالد على قصيدته الرائعه اخوك:عبدالله

 

 

 

 

[معلومات العضو نمر بن الأشيب]

الأخ يحيى الودعاني

أختيار موفق لقصيدة جزلة و وافية
الله يعطيك العافيه على نقلها
وصح الله لسان الشاعر خالد بن مدعث الدوسري


___________

 

 

 

 

[معلومات العضو يحيى الودعاني]

عبدالله الصخيبري
نمر بن الأشيب
حياكم الله
ولاهنتوا على المرور

 

 

 

 

[معلومات العضو عبدالرحمن النتيفات]

أختيار موفق لقصيدة جزلة و وافية

الله يعطيك العافيه على نقلها

 

 

 

 

[معلومات العضو يحيى الودعاني]

مرحبا الف بخوي عبدالرحمن