أدرج سبب حظ على الله مساعيه

[معلومات العضو ابو حسين الدوسري]

يالله يا جال الأمور المهمّه = تجلى وهج قلبٍ برى حال راعيه
البر دجته و البحر رحت يمّه = أدرج سبب حظ على الله مساعيه
يوم إن ولد اللاش رزقه على أمّه = رزقي على اللي ميّت القشع يحييه
ماني وانا بندر بياع دمّه = يقطعك يا بيّاع دمّه و مهفيه
اللي يبيّع لابسات الأزمّه = ثور يبي بيض العماهيج تغنيه
يزعل ليا جت ليلة الدول يمّه = يرضى بسوق المال بأخيه و أبيه
خطو البخيل اللي يكبّر معمّه = يقرا الكتاب و واجب الله مخليه
أما هرج له في رفيقه بنمّه = والا عطا و أمه تضيّع هقاويه
يا مل قلب كل ما مات همّه = دارت دواليب الدهر لين تحييه
فرّاق شمل الناس عيّا يلمّه = وقتن يشيب الراس من شاية فيه
أحدن ينام و حط راسه بكمّه = و أحد تخم النوم عينه و تخطيه
و أحدن يحاول بالردى بنت عمّه = و أحدن يحاول ستر عذرا عوانيه
تخالف الأنظار شرقنٍ و يمّه = كلٍ هدف رايه من الناس مرضيه
أنشدك ياللي كل شي تتمّه = تقرا الكتاب وكل فرضٍ تصليّه
ويش القليب اللي عميق مجمّه = ما سرّ غرسه ماه عطشى سوانيه
سمّ السبب يا عارفٍ عنه سمّه = سم السبب يا عارفه قبل اسميه

للشاعر
بندر بن سرور
يرحمه الله

 

 

 

 

[معلومات العضو مبارك بن شافي النتيفات]

الله الله

يعطيك العافية على النقل يابوحسين

تحااااااياااااااااااي

 

 

 

 

[معلومات العضو ابو حسين الدوسري]

المشاركة الأصلية كتبت بواسطة ابوشافي الدوسري

الله الله

يعطيك العافية على النقل يابوحسين

تحااااااياااااااااااي

الله يعافيك يبو شافي اشكر لك حضورك الكريم

فائق الشكر والتقدير

 

 

 

 

[معلومات العضو غلا مطير]

يعطيـــك العافـــــــــيه
ولاهنـــــــــت عالنقــــــل
ابدعـــــــــت

ودے

 

 

 

 

[معلومات العضو ابو حسين الدوسري]

المشاركة الأصلية كتبت بواسطة غلا مطير

يعطيـــك العافـــــــــيه
ولاهنـــــــــت عالنقــــــل
ابدعـــــــــت

ودے

الله يعافيك ولاهنتي على الحضور

فائق الشكر والتقدير