العالميه للاهلها فصيده رائعه

**معلومات** **العضو** · 26-10-2010, 08:44 PM

اخواني العالميين هذه أبيات أهداها لكم الشاعر النصراوي الكبير متعب العتيبي
وأنا بدوري أنقلها لكم وأتمنى أن أكون وفقت في الأختيار

العالميه للنصر واسمــــه مسجل بالذهب=0= هذي حقيقه والحقائق مايغيرها الزمان

شارك بها وأبدع بها اخلاق مع فن وأدب= 0=ومثّل بلاده بالفخر والعز يوم الامتحان

وغيره يفحط ينتظر يالله عساها تقترب= 0=هــو يحسبن العالميه دربها سهل وأمان

مايدري ان العالميه دربها جهـــــد وتعب=0= عزالله ليبطي وهو خسران ماكسب الرهان

والفرق بين العالمي واللي مَحَلْي ياعرب=0=العالمي وصل السماء واللي محلي فالطمان

يامشغلين عباد ربي بالكلام اللي كذب=0= يكفــــي بلاش مجاملـــه الناس شافت بالعيان

والعالميه للنصر يرضى ويغضب من غضب=0= ماجابها بمراسلات ولاكونوا لاجله لجان

ولاسخروا لأجله جرايد بس أخذها بالغصب=0=العالميه للرجال اللي ليامن الوقت حان

قالوا بلدنا نرفعه اسمه فالسماء عند السحب=0=وقالوا نمثل دارنا والدار ماترضى الهوان

والا المفحـــــــــط ماله الا دمعتن فوق الهدب=0=العالميه لاهلها ماهي لرعديد وجبان

**معلومات** **العضو** · 26-10-2010, 09:11 PM

والعالميه للنصر يرضى ويغضب من غضب=0= ماجابها بمراسلات ولاكونوا لاجله لجان

أضحك الله سنك
أجل مين جابها غير اللجان والمكاتب
المضحك أن تكون البطولات المحلية صعبة

**معلومات** **العضو** · 26-10-2010, 10:46 PM

السلام عليكم ورحمة الله وبركاته

حياك الله أخوي , أبو شامه الوايلي

وشكرًا لك على النقل

أخوك عبدالرحمن ليس كرويا ولا مشجعا للكرة بشكل عام

وهذا الشطر من البيت فيه خطأ ربما يكون مطبعيا أو من خلال النقل

قالوا بلدنا نرفعه اسمه فالسماء عند السحب=0=وقالوا نمثل دارنا والدار ماترضى الهوان

ربما الأصل هكذا :

قالوا بلدنا نرفعه واسمه سما عند السحب=

أو هكذا

قالوا بلدنا نرفع اسمه فالسما عند السحب =

**معلومات** **العضو** · 26-10-2010, 10:51 PM

الله الله صح لسانه وصح لسانك
ولآهنت على النقل ويستحق النصر أكثر

العالميه للنصر واسمــــه مسجل بالذهب=0= هذي حقيقه والحقائق مايغيرها الزمان

**معلومات** **العضو** · 27-10-2010, 02:56 AM

اشكر الجميع على المرور والتعليق الراقي اشكرررررررررركم

والعالميه صعبة قويه

والله يوفق جميع الفرق السعوديه بالبطولات القادمه

**معلومات** **العضو** · 27-10-2010, 07:01 AM

كيف جبتوا العاالميه وعجزتواا عن المحليه متى اخر مره خذيتوا بطوله ههههههههههه

الحمدلله اني هلالي

**معلومات** **العضو** · 27-10-2010, 11:54 AM

مساكين اخواننا جمهور النصر هم يدرون عن حقيقة عالميتهم المزعومة لكن كأن على ابصارهم غشاوة

لاتنسى الوليد بن بدر هو الي خلاكم تتأهلون للعالمية بالتصويت والترشيح

كلمة حق الهلال والاتحاد تأهلوا للعالمية عن طريق الملاعب وليس جارنا العزيز

بالتووووووووفيق للزعيييييييييم العالمي ان شاء الله

**معلومات** **العضو** · 27-10-2010, 12:46 PM

الله الله صح لسانه وصح لسانك ولآهنت على النقل ويستحق النصر أكثر

العالميه للنصر واسمــــه مسجل بالذهب=0= هذي حقيقه والحقائق مايغيرها الزمان

**معلومات** **العضو** · 28-10-2010, 02:23 AM

العالميه صعبة قويه

اذا لم تحقق العالميه حتماً انت خلف النصر العالمي

اما بخصوص تأهل العالمي بعد فوزه بكاس السوبر الاسوي وهي اكبر بطوله بالقارة

لكن العالميه صعبة قويه على الفرق المحليه مثل ضمك وابها والفيصلي والهلال ونادي العداله ومضر والحزم 0

اشكرك الجميع على المرور والتعليق

**معلومات** **العضو** · 28-10-2010, 05:01 AM

ومازلنا نردد

العالميه صعبه قووويه

وفعلاً العالميه محصوره بن النصر والأتحاد فقط لاغير

والباقي محلي

أحترامي وتقديري

**معلومات** **العضو** · 30-10-2010, 12:44 PM

اقتباس:المشاركة الأصلية كتبت بواسطة ابو شامه الوايليالعالميه صعبة قويه

اذا لم تحقق العالميه حتماً انت خلف النصر العالمي

اما بخصوص تأهل العالمي بعد فوزه بكاس السوبر الاسوي وهي اكبر بطوله بالقارة

لكن العالميه صعبة قويه على الفرق المحليه مثل ضمك وابها والفيصلي والهلال ونادي العداله ومضر والحزم 0

اشكرك الجميع على المرور والتعليق

ههههههههههههههههههههههههههه

اماا خلف النصر والله دااري انك منت مقتنع بكلامك لكن صحيح انتوا خذيتوا العاالميه ههههههههههه لكن كيف وانتوا لكم 22 سنه ماخذيتواا كااس ولي العهد ههههه الحمدلله اني هلالي

**معلومات** **العضو** · 30-10-2010, 01:09 PM

إهداء لك نصراوي

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية