مـعــاريــف الــرجـــال ديـــــون وديــــــون الـــرجـــال ثـــقـــالّ‎

[معلومات العضو الوسمي الدوسري]

معوّض خير ياحيٍ تهقوى في الزمـان ومـال سنينك لو رقيـت بعدلهـا يطرحـك مايلهـا تعلّم وإعرف إن الدرب قدامك سهـل وجبـال جبـال تطولهـا وجبـال بعيونـك تخايلـهـا ومعوّض خير ياحيٍ وردت الماء بدون حبـال يطول بك الوقوف وشربة المـاء ماتحصّلهـا وقوفك عند راس البير مايسقيك لـو فنجـال ولاينفعك شوف الجمـه اللـي منـت طايلهـا ومعوّض خير ياحيٍ خدعك من الرجال أشكـال تشوف أشكالها وتحطها أرفـع مـن منازلهـا تعلّم من زمانك لاتصير مـن أجهـل الجهـال ترى في كل يـوم تجيـك عبـره لاتجاهلهـا إذا ربي وهب لك عقل تلقى في الرجال رجـال تعرف اللـي يطلّـع قيمتـك واللـي ينزلهـا ترى من بعض مايندي الجبين ويحرج الرجال لياسـاق الميانـه فـي نفـوسٍ ماتقبّلـهـا ومهما شفت في صاحبك من نخوه وطيبة فال ترى بعض السجايـا كثـرة الإلحـاح يقتلهـا معاريف الرجال ديون وديون الرجـال ثقـال لياصرت متعافي ليش تغـرق فـي جمايلهـا رصيدك في حياتك سمعتك مع طيبيـن الفـال رجال الطيب والمعروف بالمعـروف عاملهـا ولاتبدي بجاهـك فـي مقـامٍ مايسـر الحـال ولاتشفـع لنـاسٍ ماتنومـسـك بفعايلـهـا لياجاتك تعذّرهـا مـدام العـذر لـه مدخـال ووقت الجد قول لهـا الصحيـح ولاتجاملهـا وخذ منـي نصيحـه لاتصـدق كـل ماينقـال يجـرك للنميمـه ليـن يطرحـك بحبايلـهـا يجيلك ناقـل النمّـات بهـروجٍ تغـث البـال سوالف في قفاك وحظك أطيب يـوم تجهلهـا يبـرر بالحميـه والصداقـه شينـة الأفعـال يجمّـل صورتـه بعلومـه اللـي ماتجمّلـهـا ولو كانت حميه فيك رد المخطيه فـي الحـال ولاكان إستمعها فـي قفـاك وجـاك شايلهـا ترى من جاب لك ودّى وهذي عـادة النقـال يحاول يقتنص من فمك كلمـه لأجـل ينقلهـا ومثل ماقال عندك راح عنك وعند غيرك قـال وزوّد عشر فوق الكلمه اللـي كنـت قايلهـا تجنّب مجلسه لاتجلس إلا مع كريـم خصـال تحمّـل ميلتـه وإن ملـت ميلتـك يتحمّلهـا ولاتصبر على الجار الردي لوهي ثلاث ليـال تضـرك جيرتـه لوكـان بيبانـك تقفلـهـا وبيع الدار بأول سومةٍ تعرض علـى الـدلال ورزقـك عنـد ربٍ كاتـب اللقمـه وكافلهـا وبنتك لاتزوجها الردي لوهـو كثيـر المـال تربيهـا علـى الطـالات وتشـوّه سلايلهـا وكم من لاش يرمي خيبة إبنه فوق راس الخال لوإن الخال من روس الرجال ومـن دلايلهـا ليامنك عرفـت تميّـز الطيّـب مـن البطـال وفادتك التجارب في الحيـاة وفـي مسايلهـا وكشفت الفرق مابين الصحيح وحيلة المحتـال وتعلمت الفراسه في الوجيـه اللـي تقابلهـا بعد هذي ترى مالك غنى عن صحبة العقّـال يدلونـك بـرايٍ ينقـض الدعـوه ويفتلهـا يقولون الرجال اللي سوالفهـم حِكـم وأمثـال ليامن ضاعت الحيلـه يـدل القـوم عاقلهـا نصيحة واحدٍ جرّب وشاف من الزمان اهـوال يقدّم لـك خلاصـة هجـرةٍ جـرّب هوايلهـا الشاعر / عبدالله الطلحي الهذلي

 

 

 

 

[معلومات العضو محمد مطلق آل بريك]

الله يعطيك العافيه الوســـمي


على الذوق الرائع والانتقاء الـــجـــمــــيل


وصح الله لسان الشاعر عبدالله الـــهذلي على هالدرر ..

 

 

 

 

[معلومات العضو الوسمي الدوسري]

اقتباس:المشاركة الأصلية كتبت بواسطة ا ل ن د ا و يالله يعطيك العافيه الوســـمي


على الذوق الرائع والانتقاء الـــجـــمــــيل


وصح الله لسان الشاعر عبدالله الـــهذلي على هالدرر ..

مشكور ياخوي النداوي على المرور طيب

 

 

 

 

[معلومات العضو ناصر بن فهد]

أنصح لسسسانك وصح لسان الشاعر عبدالله الهذليُ
ولآهنت يا الوسمي على الاختيار الرآئع وبارك الله فيك
وتقبل موروري

 

 

 

 

[معلومات العضو غلا مطير]

يعطيك العافيه ‏
اخوي الوسمي
سلمت يداك ‏



لك ودي

 

 

 

 

[معلومات العضو الوسمي الدوسري]

مشكور اخوي فهد على المرور طيب مشكوره اختي غلا مطير على المرور الجميل

 

 

 

 

[معلومات العضو ابو نايف الحربي]

صح لسسسانك وصح لسان الشاعر عبدالله الهذليُ
ولآهنت يا الوسمي على الاختيار الرآئع وبارك الله فيك
وداااااام فضلك

قصيده فيها حكم وقافيه طيبه


لاهنت ويسلم ذوقك اخوي

 

 

 

 

[معلومات العضو البدور]

لآهنت يا الوسمي على الاختيار الرآئع الموفق وبارك الله فيك..

 

 

 

 

[معلومات العضو عقاب بن هذال ال بريك]

صح لسانك ولسان شاعرها ...
الوسمي أبيات جميله ورائعه ...

كل الود ...

 

 

 

 

[معلومات العضو عبدالرحمن بن فلاح آل بريك]

صح لسانك ولسان شاعرها ..

 

 

 

 

[معلومات العضو ابو حسين الدوسري]

صح السان الهذلي وسلمة يمينك يالوسمي على

الانتقاء الجميل

خالص التقدير

 

 

 

 

[معلومات العضو الوسمي الدوسري]

	مشكور اخوي ابونايف على المرور طيب مشكور اخوي عبدالرحمن ال بريك على المرور مشكور اخوي عقاب ال بريك على المرور مشكور ابوحسين على المرور مشكوره اختي البدور على المرور

 

 

 

 

[معلومات العضو جنوون أنثى]

والله يعطيك الف الف عافيه

الله لا يحرمنا من طلتك ومشاركاتك المميزه

 

 

 

 

[معلومات العضو الوسمي الدوسري]

[center][size=5][size=5]مشكوره اختي جنوون انثي على المرور الراقي[/size][/size][/center][size=5] [center][/center][/size]

 

 

 

 

[معلومات العضو الوسمي الدوسري]

مشكوره اختي جنوون انثى على المرور الراقي