يا حفيظ يا ساس الفخر للقبيله

[معلومات العضو عازف شجن]

يا حفيظ يا ساس الفخر للقبيلة

اللي عنى لي لازم إن أعني له= وأنا مجيي لاجل دعوتك ورضاك
يا حفيظ يا ساس الفخر للقبيلة = عساه فاالجنه عجب يوم سماك
متحاولك كل العموق الأصيله =من طيب راسك طيب ساسك ومجناك
سميت بسم(ن) كلنا ننتمي له = وانته كفو يا حفيظ والاسم يزهاك
أسمك نحبه ما ندور بديله = واسم الفخر يصلح لمثلك وشرواك
يمناك في فعل المراجل طويله= تستاهل الطوله على فعل يمناك
وكل الامور الطيبه والجزيله= متحاوله شخصك وهي من مزاياك
يا حفيظ حنا في سنين(ن) مهيله= وعلومها يا حفيظ ما هيب تخفاك
أحد(ن) يحط العلم واحد(ن) يشيله= لاهوب عقاد(ن) ولاهوب فكاك
وصلاة ربي في نهاره وليله= على شفيع الخلق في يوم لأدراك

شعر فهد بن مرزوق الشكره الدوسري

 

 

 

 

[معلومات العضو ابومبخوت الدوسري]

صح لسانك ياعازف شجن وصح لسان الشاعر فهد بن مرزوق الشكره الدوسري على هذه القصيده الجزله في رجال كفو ونفخر به كل الفخر . بيض الله وجهك على هذا النقل الجميل ولاهنت والمعذره منك على تنسيق القصيده يالغالي تقبل تحياتي

 

 

 

 

[معلومات العضو محمد بن حمد الشكرة]

الله يعطيك العافية ياعازف شجن على النقل وصح الله لسان الشاعر الكبير/فهد بن محمد بن مرزوق الهراثمة الشكرة على قصيدته الجزلة والرائعة ويستاهل ابو عبد الرحمن كل خير وفعوله تنومس الدواسر كافة ارق التحايا

 

 

 

 

[معلومات العضو عازف شجن]

شكرا لكم على المرور الطيب عادتكم الطيب

 

 

 

 

[معلومات العضو (الوليد ابن قويد)]

عزاللة صدق فهد بن مرزوق الهراثمة ويستاهلون(ال حفيظ) العلم الطيب
ولاهنت ياعازف شجن

 

 

 

 

[معلومات العضو عزيز نفس]

الله يعطيك العافيه

 

 

 

 

[معلومات العضو حد السيف]

بيض الله وجهك يا عازف شجن والله يخلي الامير حفيظ لدواسر

 

 

 

 

[معلومات العضو عازف شجن]

ولك جزيل الشكلا والتقدير