|
|||||||
20-09-2005, 02:23 PM
|
#1 | ||||
|
قصيدة ،،، عسى أن تنال إعجابكم ،،،
ألآ ياجميله وأعذريني عن اللي صار=ترى الرجلِ يمشي تحت تدبير خلاّقه ترى ماحصل غصبٍ علينا بدون إخيار=حصل لي ظروف جات بالوقت منساقه فلا ودي أعلن للبشر وأكشف الأسرار=ولا ودي أسكت وأغلق الباب بإغلاقه فلا نيب متمرد ولا نيب أنا عيَار=ولاني من اللي لاأنعكس شانت أخلاقه غدربي زماني والدهر عاكس التيَار=وصفعني زمانٍ بعثر الحب وأوراقه وأنا ماهقيت أن الزمن للبشر غدَار=وأثر هاالليالي السود للناس بوَاقه فحسبي على وقت رمابي على الأقدار=وزوّد همومي هم والهم مآأطَاقه وترى الحظ الاّقشر كل ماقلت يسلك بار=حسيبي على الحظ الشقي ماكسب فاقه سعى في إفراق صويحبي قبلة أهل الدار=وفرَق قلوبٍ دايم الدوم مشتاقه وبعّد وليفٍ محرق في الظماير نار=تواقد لهبها داخل الجوف باأعماقه عليه أتوجد وأكتب الزين من الأشعار=تزاحم بنات الفكر للوصف سبّاقه عيون أشقر لاتل سبقه من الصقار=عيونه سهوم الموت بيدين تفَاقه شبيه الغزال ليا جفل من الحساس وذار=جمال وعقل والطيب ساسه من أعماقه لكن في رجى اللي لاومر للفلك يندار= يروف بحوال مغربلٍ والدهر عاقه ونهاية مقالي سم وأسلم عساك مجار=تفضل هدية طيب وورودها باقه وسلامتكم ،،، منقول من إحدى المنتديات للشاعر/ دغش الدوسري ،،،
أخوكم الجعيدي الدوسري
|
||||
|
|
|
|
20-09-2005, 06:37 PM
|
#2 | ||||||
|
فلا نيب متمـرد ولا نيـب أنـا عيَـار=ولاني من اللي لاأنعكس شانت أخلاقـه غدربي زماني والدهر عاكـس التيَـار=وصفعني زمانٍ بعثر الحـب وأوراقـه وأنا ماهقيت أن الزمن للبشـر غـدَار=وأثر هاالليالي السـود للنـاس بوَاقـه فحسبي على وقت رمابي على الأقـدار=وزوّد همومـي هـم والهـم مآأطَاقـه وترى الحظ الاّقشر كل ماقلت يسلك بار=حسيبي على الحظ الشقي ماكسب فاقـه سعى في إفراق صويحبي قبلة أهل الدار=وفرَق قلـوبٍ دايـم الـدوم مشتاقـه اخوي الفاضل الجعيدي
بيض الله وجهك على نقل هذي القصيد الرائعه وصح الله السان شاعر المنتدى محب الجميع صاحب الاخلاق الرفيعه اخوي الغالي ابومحمد دغش بن بطي الغييثات على هذي القصيده التي تعجز الكلمات ان تعبر بما في القلب تجهها ابيات تسطر بما الذهب ونقش بالفضه في جنباتها بما تحتويه من معاني تذوب على القلب المرهف مثل مايذوب الثلج و البّرد على صحاري نجد وودينها لاهنت يالجعيدي على هذي القصيده وجعل من ارثك في الجنه والشكر موصل لشاعر الكبير دغش بن بطي الغييثات على هذي القصيده تقبل فائق تقديري واحترامي اخوكم / فهد الغريري
|
||||||
|
|
|
|
21-09-2005, 08:35 AM
|
#3 | ||||||||
|
|
||||||||
|
|
|
|
21-09-2005, 11:13 AM
|
#4 | ||||
|
لاهنت يالجعيدي...
الأخ/الجعيدي لاهنت على نقل هذه الشامخة للشاعر/ دغش بن بطي ، وعز الله إنها قصيدة وافية وابو بطي شاعر من طراز نادر ، وليس غريب عليه الإبداع والجزالة. مرة أخرى تقبل الود والتقدير وعساك على القوة دائما.
|
||||
|
|
|
|
21-09-2005, 12:27 PM
|
#5 | ||||||
|
بيض وجهك يالجعيدي الدوسري
بيض الله وجهك يا جعيدي ولاهنت على إظهار بعض من خبايا الكنز المدفون عند ابو بطي ، قصيدة قمة من شخص قمة ، عسى الله يديمكم جميعاً ذخراً للمنتدى وأهله.
وفي النهاية ودي أقول لأبو بطي: ياخوي لا تبخل علينا بمثل هالرائعة ولا لازم يظهر لنا واحد مثل الجعيدي الله يبيض وجهه ووجهك ويبين المستخبي؟!! صح لسان الشاعر وسلمت يمين الناقل ، ودمتم جميعاً بخير،،،،
|
||||||
|
|
|
|
31-01-2006, 12:14 PM
|
#6 | ||||
|
|
||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 2 ( الأعضاء 0 والزوار 2) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ردي على قصيدة عبدالعزيز العتيبي | شافي بن راشد النتيفات | :: قسم إبداعات شعراء المنتدى ومساجلاتهم :: | 51 | 07-02-2011 12:21 AM |
| الحاسة التي لا تنام, ادخل وتعرف (سبحان الله) | مناديه | :: قسم المـواضيع الـعامــة :: | 7 | 07-01-2011 01:13 PM |
| قم يانديبي فوق هجن(ن) مذاعير .. قصيده رد ثناء على قصيدة الشاعر ناصر بن حمد الخالدي | فارس الدبالين | :: قسم إبداعات شعراء المنتدى ومساجلاتهم :: | 26 | 30-11-2010 02:50 PM |
| التغطية الـمصّورة للحـفل الثـاني لموقع الدواسر الرسمي برعاية الغرره | الإداره | :: قسم اللقــاءات والفعاليات والتغطيات الخاصة:: | 29 | 18-08-2007 06:40 PM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 12:37 PM
