حقـرانّا حقــرانكم ياللابــه

[معلومات العضو شمس الحقيقه]

الى الاخوه الكرام في المنتدى الشامخ كتبت هذه القصيده مجاراه للشاعر الكبير نادر الناهشي وذلك لقصيدته اللتي ذكر في احد ابياتها ((مانكسب الناقه وشبه الناقه))
فانا كتبت عن الابل لمكانتها اللتي لاتخفا على الجميع ولو رجعنا الى ماض الزمان لوجدنا ان ناقه الرسول صلى الله عليه وسلم ((القصوى)) فلا يخفا على الجميع مكانه الابل وكم كانت هي المال والصديق والذخر بعد الله سبحانه وكم تعلّم منها الرجال والصبر على الشدائد كيف لا وهي سفينه الصحراء وكيف لا وهي من تحمل اجدادنا كيف لا وقد بنيت بيوت الشعر من اوبارها كيف لا وكم تداوو من اوزارها كيف لا وقد امر المولى في النظر الى خلقها في القرآن ان للابل مكانه عظيمه وسوف تبقا باذن الله مكانتها عند من يحبها

فانا كتبت عنها هذه القصيده

بسم الله الرحمن عالي شانه=اللي بفضله يستقيم الحيل
ياموج شعري لا تلاطم موجك=انا المحيط ولا بدعت نحيل
هاج المحيط وزان بدع طروقه=وكال القوافي بالموازن كيل
ياحاقر البل ويش عذرك منها=هات الجواب اللي يبي تفصيل
البارحه عيّنتها تشكيلي=يا اهل المطايا مابقا تحليل
حقرانّا حقرانكم ياللابه=هذى زمانن من جفاه بخيل
قلت ابشري والراس دامه سالم=دونك قرومٍ تنطح العيّيل
دونك متيهت السرب فزّاعه=حمايتك يوم الزمان محيل
شومي لعكفان الشوارب ربعك=لامن رعى غيرك طوال الذيل
دواسرٍ تجلى الهموم مريفه=كم واحدٍ منهم غدى ذليل
هذي عطايا الله كبار المكسب=عند القبايل مكسبٍ جليل
كلّ القبايل تحتميها دايم=كلٍّ يجي من دونها هبيل
كلٍّ يبيع العمر منّه عنها=من دونها ماقد عطا تمهيل
الله خلقها بالهدى ذاكرها=سبحان منهو مجريٍ للنيل
هذي ذهب ياجاهلٍ واجبها=من درّها كم عالجت عليل
في شفّها كلّن مشا ممشاها=لا رايعت صوب المزون تخيل
يرعونها بالسيف عطب المظرب=لامن بدت كلّ الفياض تسيل
يازينها لامن رعت وسميها=واردم شحمها كنّهنّه حيل
لادوّجت في خايعٍ متراوس=نبته عنوقه بالهبوب تميل
مانغبط اللي ساكنن في قصره=لو كان قصره شاهقٍ ومهيل
يازينها لامن لفت منتلّه=قبل الغروب وليلها دخيل
قدّامها القايد فحلها دايم=كنّه بكبره لامشا ثقيل
يتلّهن تلّه زعيم وقايد=كنّه لها بدروبها دليل
لامن لفت والفت على ممساها=وحيرانها ترقب على الضويل
تخالجت حيرانها ولهانه=وقامو لها اللي دربهم فضيل
ثم ابهلوها وادركو واجبها=وملّو قدورٍ تفترّ القبيل
حليبها عسلٍ على شرّابه=ريحه بعشبه فايحٍ جميل
ترعابها البدوان وتوفّيها=في شفّها ترد العنا وتحيل
وان كانها جت للمداين ردّه=فشبه الجزيره كلّها حصيل
كلّ العرب تملك مداين خضرا=تاخذ وتملك والله الوكيل

وسلامتكم

 

 

 

 

[معلومات العضو شيهانه بكف صقار]

لافض فووووك ع القصيدة الجزل يا اخوي


والله يبارك للكل في حلاله

اسعدك الرحمن اينما كنت ...

 

 

 

 

[معلومات العضو الطالب]

صح لسااااااااااااااااااااااانك ترليون على الشـــــــــــــــــــــامخه فعلاً

وتستـــــــــــــــاهل صخاف الشـــــــــــــــــــــــــــول ماقيل فيها



امّا عن امتلاك المدن او المدائن

فيقول الشاااااااااااعر

حلّت على الافلاج قومٍ كريمه=والرمح يشهد والتفق فيه زعّاج
جلّت وحلّت من صلفها مقيمه=واخلت مساكنها وحلّت بالافلاج
هذى الحمر والآد شكرٍ غريمه=سميّ بلون الدم من فعلهم هاج
واسمع لوادي برك منهو زعيمه=حلّو به اللي فعلهم له توهاج
حلّو به آل بريك واجلو هزيمه=من ظربهم راح العدو له تزعاج
وقومٍ لبن بدران تجلى الظليمه=حلوّ لهم بديار بالسيف تنباج
افعالهم تجلى الدهو العسيمه=وافين لا جار الزمن هم له علاج

 

 

 

 

[معلومات العضو عبدالله بن فهد الصخابره]

صح الله لسانك وبيض الله وجهك على القصيدة الرائعه التي امتعتنا بها والابل ماعطتها الرجال اخوانها سلمت يالقرم

 

 

 

 

[معلومات العضو شمس الحقيقه]

يعطيك العافيه ياشيهانه بكف صقار ,, على مرورك الرائع

 

 

 

 

[معلومات العضو شمس الحقيقه]

الطالب صح بدنك وبيض الله وجهك على هذه الاظافه الجزله ياجزل

 

 

 

 

[معلومات العضو شمس الحقيقه]

صح بدنك يابن فهد ووجهك ابيض على هذا المرور والكلام الجميل وصحيح فيما قلت

 

 

 

 

[معلومات العضو الجـــــــــآدل]

صح الســانك

ولاهنت على القصيدة الجزلة

تحيتي لك

الجـــــآدل

 

 

 

 

[معلومات العضو معجب الناهشي]

بارك الله فيك قصبده جزله ومميزه

اعتقد ان الشاعر نادر

لم

يستحقر كسب الناقه وانت شاعر تفهم الشعر واذهب للابيات

التي بعد البيت ((مانكسب الناقه وشبه الناقه))

 

 

 

 

[معلومات العضو محمد بن حمد الشكرة]

لافض فووووك ع القصيدة الجزل يا اخوي والله يبارك للكل في حلاله اسعدك الرحمن اينما كنت ...

 

 

 

 

[معلومات العضو محمد بن سالم الخضراني]

بيض الله وجهك وصح لسانك واعتلا شانك

تقديري ,,

 

 

 

 

[معلومات العضو فارس الدبالين]

صهيب بن زآيد

صح السانك ملايين والله يبيض وجهك على الجزله يالجزل

ابدعت ابدعت طال عمرك

والله يديم عز الدواسر جميع

تقبل اعجابي وتقديري واحترامي طال عمرك ...

 

 

 

 

[معلومات العضو شمس الحقيقه]

المشاركة الأصلية كتبت بواسطة الجـــــــــآدل

صح الســانك

ولاهنت على القصيدة الجزلة

تحيتي لك

الجـــــآدل

صح بدنك يالجادل

ولاهنتي على المرور

 

 

 

 

[معلومات العضو شمس الحقيقه]

المشاركة الأصلية كتبت بواسطة معجب الناهشي

بارك الله فيك قصبده جزله ومميزه

اعتقد ان الشاعر نادر

لم

يستحقر كسب الناقه وانت شاعر تفهم الشعر واذهب للابيات

التي بعد البيت ((مانكسب الناقه وشبه الناقه))

حياك يامعجب الناهشي

والابيات اللتي الحقها الشاعر /لم تفد بحاجه فقد حاول الحاقها بعد ان تم نقده في احد المنتديات علماً انها كما هي فقد راى ان الناقه حاجه رديئه ولكن كم نفس قد اُزهقت امام الابل وفي طلبها ولو انه لم يذكرها واستطرق في شعره بالمدن ولم يستهن بها لم نكتب هذى النص عن الابل علماً انه ذكر كسب المدن ولم يذكر اسمائها فنحن الآن نطلب ذكرها علماً ان كسب المدن ليست حكراً لاحد فجميع القبائل تدخل الحروب وتمتلك مدن بالقوه وهم يذكرونها او كما طرح احد الاخوه الابيات اللتي مطلعها

حلّت على الافلاج قـومٍ كريمـه
والرمح يشهد والتفق فيه زعّـاج
جلّت وحلّت من صلفهـا مقيمـه
واخلت مساكنها وحلّت بالافلاج
هذى الحمر والآد شكرٍ غريمـه
سميّ بلون الدم من فعلهم هـاج
واسمع لوادي برك منهو زعيمه
حلّو به اللي فعلهم لـه توهـاج
حلّو به آل بريك واجلو هزيمـه
من ظربهم راح العدو له تزعاج
وقومٍ لبن بدران تجلى الظليمـه
حلوّ لهم بديار بالسيـف تنبـاج
افعالهم تجلـى الدهـور العسيمـه
وافين لا جار الزمن هم له علاج



وشكراً

 

 

 

 

[معلومات العضو شمس الحقيقه]

المشاركة الأصلية كتبت بواسطة محمد بن حمد الشكرة

الاخ محمد بن حمد الشكره

حيااك وتشرفنا بمرورك

ولاهنت على المرور