طاااااااااااب خااااااطرك؟؟

[معلومات العضو وجد الكتابة]

احيانا نحاول ارضاء الغير ولو كان على حساب انفسنا ومشاعرنا

اهم شي يطيب خاطرهم


ومصيبه اللي يطيح بشخص خاطره ما يطيب الا بقصيده





على طاري الشعر هاتي قلم اكتب به الابداع
سبق واني تفديتك تنسيني الشعر بالهــــون

شدهتي بالي بحكيك وخليتي الوجد يلتـــاع
اشك انك تحبيني وحلمك انقلب مجنــــــــون

ولا يهمك من عيوني دقيقه يجهــــــز الاقلاع
تمني واطلبي حاضر على وين العزم بالكون


تحت امرك يا مولاتي انفذ مطلبك بالســـــاع
قبل فركك على الدله تجي لك قهوة المفتون

ذبحتيني بنظراتك فديتك والعيون وســــاع
دخيلك غمضي شويه يكفيني هدب وجفون

تبين اكتب عن الماضي؟عن الحاضر؟عن الاوجاع
تبين اكسر لك ابياتي واهذري شكلها موزون؟

تبين اسرح مع افكاري مثل مركب بدون شراع؟
وأطلق لك شياطيني تدور لك عن المكنــــون؟

تبين ارجع عصر خالد واسولف لك مع القعقاع؟
واحاول اعرف الوصفه لعوده مجدنا المدفون؟

تبين المزحه والنكته؟ تعالي لاشعب الطمـــاع
تبين ارسم حماقاته وموته بالأكل وصحــون؟

تين افحم ابو الطيب وأحط رجل وأمد كــراع؟
واقول الحق يبو الطيب هجاك الشاعر المغبـون!

تبين اجلب عصا موسى واشق بحر الهوى المرتاع؟
واعدي رافع الاحدب بعد مكسر خشم فرعــــون !

تبين ارضخ ابو ليلى وأفضخ عيــــــنه بمقلاع؟
وابكي لك يمامتهم واسيلهن مطر ومــــــزون

تبين اسقط ورق حبي وانا مقبل على المـــرباع؟
وانهي لك احاسيسي وانا كلي عشق وشجـون!

تبين وشتبين اكثر من انك تلتي الاشـــــــــباع
وهيجتي قلب شاعر طلب ينسى الشعر بالهون

لك المتعه يا شيختهم ولي الهم ولي الأوجــــاع
مدامك عاشقه شعري يولي كل ألم ويهــــــون

 

 

 

 

[معلومات العضو برنسيسه الريــــاض]

صح الله لسااااانكــ

بانتظار جديدكـ

 

 

 

 

[معلومات العضو شيهانه بكف صقار]

لافــــض فــــــــــوك