ياطول صبري

**معلومات** **العضو** · 02-09-2005, 01:22 AM

دربي طويل وتايهٍ فيه ممشاي=مثل الغريب اللي مضيع دليله
يحدني وقتي على ضيم دنياي=ورضيت بالمقسوم حتى قليله
ياطول صبري واه ياكبربلواي=اخفي عن العدوان همي واشيله
اخاف ابوح بسدقلبي وشكواي=وتصيرنفسي بين ربعي ذليله
اضحك ودايم بسمتي تسكن شفاي=ومن شاف حالي قال محدٍمثيله
وانابجوفي هم والنار بحشاي=والجرح ينزف والليالي طويله
والعمريمضي بي وحايربمسعاي=محروم من طعم الحياة الجميله
الياس حل وماتت اليوم رجواي=ولاعادلي غيرالصبرمن وسيله
ياحظي البايرتعثربك خطاي=ياحيلة الله مابقى في حيله
يالله ياعالم بسري ونجواي=تزيل عن قلبي همومٍ ثقيله

**معلومات** **العضو** · 02-09-2005, 02:04 AM

الأخ : مخاوي سهاد

الله لا يهينك وصح السانك يالغالي

قصيده ممتازه بالحيل


	الياس حل وماتت اليوم رجـواي = ولاعادلي غيرالصبرمن وسيلـه ياحظي البايرتعثربـك خطـاي = ياحيلـة الله مابقـى فـي حيلـه يالله ياعالـم بسـري ونجـواي = تزيل عن قلبـي همـومٍ ثقيلـه


	وتقبل تحياتي يا الغالي أخوك : أبو منيره

**معلومات** **العضو** · 02-09-2005, 09:15 PM

السلام عليكم ورحمة الله وبركاته الشاعر مخاوي سهاد قصيدة رائعة ولكن نريد ان نعرف الاسم الحقيقي لك اذا امكن وتقبل تحياتي

**معلومات** **العضو** · 03-09-2005, 01:21 AM

السلام عليكم ورحمة الله وبركاته

صح لسانك ولاهنت على القصيده اخوي ( مخاوي سهاد ) على هذه القصيده الرائعه . . .

تسلم يمناك . . . تقبل تحيات اخوك محمد بن عبدالعزيز

**معلومات** **العضو** · 03-09-2005, 11:43 AM

صح لسانك اخوي مخاوي سهاد
قصيدة في منتهى الروعه ولكن اذا كانها لك انقلها لقسم الابداعات الشعرية

**معلومات** **العضو** · 03-09-2005, 01:08 PM

اقتباس:

المشاركة الأصلية كتبت بواسطة مخاوي سهاد

دربي طويل وتايهٍ فيه ممشاي=مثل الغريب اللي مضيع دليله
يحدني وقتي على ضيم دنياي=ورضيت بالمقسوم حتى قليله
ياطول صبري واه ياكبربلواي=اخفي عن العدوان همي واشيله
اخاف ابوح بسدقلبي وشكواي=وتصيرنفسي بين ربعي ذليله
اضحك ودايم بسمتي تسكن شفاي=ومن شاف حالي قال محدٍمثيله
وانابجوفي هم والنار بحشاي=والجرح ينزف والليالي طويله
والعمريمضي بي وحايربمسعاي=محروم من طعم الحياة الجميله
الياس حل وماتت اليوم رجواي=ولاعادلي غيرالصبرمن وسيله
ياحظي البايرتعثربك خطاي=ياحيلة الله مابقى في حيله
يالله ياعالم بسري ونجواي=تزيل عن قلبي همومٍ ثقيله

الشاعر مخاوي سهاد

قصيده رائعه بالفعل

وشاعر بحجمك لايجوز له أن يدخل بإسمٍ مستعار

لأن قصيدتك تطلق وجهك وافيه وافيه وافيه

صح الله لسانك على هذا الأبداع

تقبل الود والتقدير

من محب الجميع : دغش البطي

**معلومات** **العضو** · 04-09-2005, 02:12 AM

بسم الله الرحمن الرحيم
السلام عليكم ورحمة الله وبركاته
غمرتوني بطيبكم ياعيال زايد وشعرت بلطفكم جزاكم الله خير اما الاسم فله الاسباب الخاصة لدي وان كان لازم اسالوا الاستاذ الاخ الحميدي الحربي محررصفحة مدارات شعبية في جريدة الجزيرة لكن بشرط ان لاتكشفوا عن اسمي اخوكم مخاوي سهاد

**معلومات** **العضو** · 05-09-2005, 06:01 PM

اقتباس:

المشاركة الأصلية كتبت بواسطة دغش البطي

وشاعر بحجمك لايجوز له أن يدخل بإسمٍ مستعار
لأن قصيدتك تطلق وجهك

صح الله لسانك ياقايل القصيدة

جزله من راس جزل وبودنا ان نتشرف بمعرفة اسمك الغير مستعار

منك انت شخصياً ليس من الحربي او غيرة

دمت ودامت همس قوافيك ترن بمسامعنا يالشاعر المجهول

ولاتبطي بالبطاقه الشخصيه وبجديدك ،،،

**معلومات** **العضو** · 05-09-2005, 08:18 PM

والعمر يمضي بي وحاير بمسعاي=محروم من طعم الحياة الجميله
الياس حل و ماتت اليوم رجواي=ولاعاد لي غيرالصبرمن وسيله
ياحظي الباير تعثربك خطاي=ياحيلة الله مابقى في حيله

الاخ العزيز الشاعر / مخاوي سهاد

صح لسانك على القصيده اللي استمتعت

في قرائتها

والله يعطيك العافيه

وعساك على القوه

اخوك

ابو عبد الله الشكري

**معلومات** **العضو** · 11-12-2005, 10:50 PM

شكراً
لكل من الاخ ابوفهيد
والاخ الشكري
على الحضور الجميل
تحيتي
اخوكم مخاوي سهاد

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية