بنت السعودية ولاتهون الخليجية ( رد على احد المخدوعين بالزين الصناعي ) صوتية

**معلومات** **العضو** · 04-08-2009, 02:35 AM

لسماع القصيدة

( الشعر رسالة ) قصيدة كتابية صوتية في البنت السعودية والخليجية رد على احد المخدوعين بالزين الصناعي الملمع بالفيديو كليب في بعض القنوات الفضائية

ياحسين ياللي تقول الزين = شفت .. بقناة فضائيه
وين انت غادي وعقلك وين = عينك عن الزين معميه
من فيديو كليب يالمسكين = راحت هجوسك بلا جيه
تحكم على زين صنع ايدين = والزين خلقه إلهيه
الزين ما يقبل التزيين = مثل الوجيه الصناعيه
ذا زين ليله مـاهـوب سنين = قول المثل ثوب عاريه
ماتـدري عن لعبت الـتـلـوين = الشـاحـبـه تصير ورديه
في الشاشه توهم قصير العين = وخلف الكواليس ( سحليه )
شف هيفا ماسرها تحسين = انسيه بشباه جنيه
عليها زقمٍ تقل سكين = والكوع في حد شبريه
وشفاه ننسي مع الخدين = من السيليكون مرويه
وصباح شفها تقل تنين = من كثر تمسيس جلديه
طبلونها صافق التسعين = ومعزمه ترجع بنيه
ابك الحلا والحسن ياحسين = شفه ف بنت السعوديه
من ديرة أهل الكرم والدين = ولا تهون الخليجيه
ارجال من دونها ساطين = شجعان مافيهم العيّه
فيها من النخله والسيفين = شموخ للعز ماريه
شيهانةٍ بس من وصفين = بالـزيـن ماتمشي دونيه
عزيزة ما تتبع مقفين = ترقا عن دروب حدريه
ما تنثني ممكن او تكفين = لاهل القلوب الهواويه
من جاها بالشرع جت له لين = ولقاها عفه وحنيه
لدين والدنيا خير معين = لا ضامك امرنٍ شقرديه
ماترضى تسمع بك امرٍ شين = ان غبت او جيت محميّه
وان جاك ضيفٍ تقول الحين = ابشر بعزك سنافيه
متعلمة دينها تحصين = عن عولمة فكر حريه
وياحسين لا تقرب التهجين = كانك تبي حسن ذريه

وسلامتكم

**معلومات** **العضو** · 04-08-2009, 02:39 AM

صح لسانك واعتلى شانك ولاهنت على القصيده

**معلومات** **العضو** · 04-08-2009, 02:44 AM

لافــــــــــــــــــــــــــض فــــــــــــــــــــوك

قصيـــــــــــــــــــــــــده رائعـــــــــــــــــــــــــه

**معلومات** **العضو** · 04-08-2009, 06:44 PM

صح لسانك على القصيدة الرائعه

**معلومات** **العضو** · 04-08-2009, 07:59 PM

صح لسانك يااخوي مشعل
أجدت في إيصال الفكرة بشكل واضح
والمسلمات العفيفات لامقارنة بينهن وبين فتيات الفضائيات
أوكمال قال المتنبي :
ألم ترى أن السيف ينقص قدره .:. إذا قيل أن السيف أمضى من العصا

أما الزين والدين والأخلاق والعفة فهي ليست حكراً على
بلد دون آخر أو منطقة دون أخرى
وأنت طبعاً من الواضح أنك أتيت بالفتاة السعودية والخليجية على
سبيل المثال لا الحصر

صح لسانك مرة أخرى وبالتوفيق

**معلومات** **العضو** · 04-08-2009, 08:57 PM

صح لسانك

والله كلامك صحيح

وبيض الله وجهكـ ولاهنت وتقبل موروري

**معلومات** **العضو** · 04-08-2009, 09:38 PM

خط القلم من بوح نبضك سحر

**معلومات** **العضو** · 05-08-2009, 07:40 PM

تحكم على زين صنع ايديـن=والزيـن خلـقـه إلهـيـه
الزيـن مـا يقبـل التزييـن=مثـل الوجيـه الصناعـيـه
ذا زين ليله ماهـوب سنيـن=قول المثـل ثـوب عاريـه

**معلومات** **العضو** · 05-08-2009, 08:30 PM

الله يسلمك ويعطيك الف عاااافيه ......

**معلومات** **العضو** · 10-08-2009, 01:47 AM

تسلم اخي حزم تسلم

حضورك تاج فخر

تحيتي وتقديري

**معلومات** **العضو** · 10-08-2009, 02:20 AM

صح لسانك

وسلمت يمينك من كل شر

ولاهنت

والله يعطيك العافيه ويسعدك

ودٌّ بــلا حدْ

**معلومات** **العضو** · 11-08-2009, 05:48 PM

ابك الحلا والحسن ياحسيـن
شفـه ف بنـت السعوديـه
من ديرة أهل الكرم والديـن
ولا تـهـون الخليـجـيـه
ارجال من دونهـا ساطيـن
شجعـان مافيهـم العـيّـه
فيها من النخلـه والسيفيـن
شـمـوخ للـعـز مـاريـه
شيهانةٍ بس مـن وصفيـن
بالزيـن ماتمشـي دونـيـه
عزيـزة مـا تتبـع مقفيـن
ترقـا عـن دروب حدريـه

صح ااااااااااااااااالله لسااانك ع الابيااااااااااااات الجزلة

كفيييت وفييييت والله

واكبر تحييييييية لبنات السعووودية يستهااهلون والله ولاهانو بنات العرب والخليج
وعز الله انك صادق بكل بيت

شكرا من الاعماق ع القصيدة الطيبة الي اتحفتنا بها ونومتسنا

واحلى شي ان اسمي في بيت من ابياتها :$

تحياتي لنبع احساسك

قواك الله

**معلومات** **العضو** · 11-08-2009, 05:56 PM

جزاك الله خير

**معلومات** **العضو** · 11-08-2009, 06:18 PM

صح لسانكـ يامشاغل

ومافيكـ حيله وبيض الله وجهك على القصيده الوافيه
ويستهلون بنات السعوديه.

**معلومات** **العضو** · 11-08-2009, 06:18 PM

لا هنت يا ذبان و بيض الله وجهك

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية