واذا كان ابن عمي ماقبس لي نار شيله قمه!!!

[معلومات العضو الزين]

شيله للشاعر سعيد بن مانع القحطاني

الشيله قمه بالكلمات والاداء ....وان شاء الله تعجبكم

الا يالله المعبود ياعالم الأسرار=ياربٍ واحدٍ نرجي لمرضاته
فأنت السارّ ياربي وأنت الضارّ=وأنت اللي تجيب العبد دعواته
تهونّها على رجلٍ زمانها جار=وتشفي علته .. وتفك زنقاته
زماني جار وانا بأول المشوار=وذوقني المرار بكل كاساته
آحل ديار وارحل من عنا لديار=ادور شرحة الخاطر وسجاته
والا ياحظي اللي دايمآ عثّار=وعيا مايله .. يقبل سميحاته
على الشده تعودنا فلا ننهار=ونومن بالقدر شحه وعطواته
تعلمنا من الدنيا دروس اكثار=ومن لا يستفيد يذوق حسراته
فلا نستصغر الحاجات لو هي اصغار=صغيرات الزمن ؟ .. تنتج كبيراته
نجد ونجتهد بالعزم والإصرار=ولا يشُمت بنا .. ولا حن بشمّاته
فقارى ماعرفنا زودة الأصفار=ولكن نعرف ان كلن وشيماته
قنوعينٍ قبلنا ظل دون أثمار=حدانا ماشكا من قل حيلاته
فلانبكي ندور مدة التجار=خذينا م الجبل إلا طماناته
ولانضحك ندور ضحكة التجار=عزازٍ نصدق ولاحن ببهاته
وإذا القُبله لها دربٍ طويل أمتار=لنا عفويةٍ تقصر مسافاته
ياكم دجنا بقاع الأرض والأقطار=وعرفنا سلم هذا الوقت وحكماته
معك مليار ؟ يعني قدرك بمليار=وراعي الشاه قدره ماأعتلا شاته
وخاوينا بوقت العسر والأستار=بوقت المستره كلٍ وضحكاته
وميزنا الوفي مالصاحب البوّار=فوايد وقتنا الأقشر وصكاته
خويٍ ماأنتفض فالماقف الجبّار=أعده بأنظري واحد من اخواته
واذا كان ابن عمي ماقبس لي نار=وضوّح لي بليلٍ حلك ظلماته
عسى عيني تهله هلت الأمطار=يروّح دون ماأسأل منه رجعاته
فلا ننظر لواقعنا بإستنكار=نعم هذا الزمان وذي مساراته
مدام ان الغيوم اصبح بها إستمطار؟=اجل خل العجب يعلن نهاياته

وسلامتكم

 

 

 

 

[معلومات العضو محمد بن سالم الخضراني]

لاهنت يالزين لله يبارك فيك

 

 

 

 

[معلومات العضو خيالية]

الله يسلمك .. يعطيكِ ألف عاااافيه ...............

 

 

 

 

[معلومات العضو نايف الخييلي]

شيله رائعه وقصيده طيبه

لاهنتي على طرحها

ونشاط طيب يالزين بارك الله فيك

 

 

 

 

[معلومات العضو الزين]

المشاركة الأصلية كتبت بواسطة محمد بن سالم بن فهيد

لاهنت يالزين لله يبارك فيك

ومن قال مايهون وبيض الله وجهك على المرور الطيب

 

 

 

 

[معلومات العضو الزين]

المشاركة الأصلية كتبت بواسطة خيالية

الله يسلمتس ولاهنتي على المرور الطيب

 

 

 

 

[معلومات العضو الزين]

المشاركة الأصلية كتبت بواسطة نايف الخييلي

شيله رائعه وقصيده طيبه

لاهنتي على طرحها

ونشاط طيب يالزين بارك الله فيك

ومن قال مايهون وبيض الله وجهك ياخوي على المرور والتعليق الطيب

 

 

 

 

[معلومات العضو دغش محمد الصخابرة]

	لاهنتي على الطرح يالزين ,,,, يعطيك العافيه على الشيله رائعه والقصيده طيبه,,,, ودمتم بحفظ الرحمن ,...........

 

 

 

 

[معلومات العضو الشـيخه]

شله رائعه

ونقل طيب

تسلم يديك

 

 

 

 

[معلومات العضو الزين]

المشاركة الأصلية كتبت بواسطة دغش محمد الدوسري

ومن قال مايهون وبيض الله وجهك على المرور والتعليق الطيب

 

 

 

 

[معلومات العضو الزين]

المشاركة الأصلية كتبت بواسطة الشـيخه

شله رائعه

ونقل طيب

تسلم يديك

الله يسلمتس ولاهنتي على المرور الطيب