لغز محكم؟؟

[معلومات العضو حسن بن بطحيه]

صباح الخيرات للجميـــــــــــــــــع

اقربو وتولمو للغـــــــــز المحكم..

وش رياجيل معك دايم ولاعنهم غناه=اسمــهم واحـدوكل يخــتلف حسب اعـمـله
لازم اتقدم حداهم فاللزوم الي تبـــاه=وان فقدته صرت في حوسه وصارت مشكله
يخدمك دامه معك وان راح يخدم من خذاه=وان صبرت تشوف منه الخيرياللي تجهله؟

توكلو على الله,,

 

 

 

 

[معلومات العضو أبونواف الدوسري]

أعتقد أنه المال أو الحلال

 

 

 

 

[معلومات العضو تغلبي-الكويت]

انا اعتقد انها المفاتيح

 

 

 

 

[معلومات العضو حسن بن بطحيه]

ارحبو ياجماعه ,, اصبرو شوي خلو ابو مطر يقول اللي عنده ولاتهونون

وبرجع لكم,, اخلص علينا ياخميس ابي اشوف وش تقول انت بالذات,,

 

 

 

 

[معلومات العضو عبدالله الحافر الغييثي]

هههههههههههههههههههههه تحدي هو؟ انا مع التغلبي لكن البيت الاخير لاينطبق على المفاتيح وانا شغلت التيربو

 

 

 

 

[معلومات العضو تغلبي-الكويت]

هو الله بين الفلوس والمفاتيح


بس البيت الاول يقول وش رياجيل

عشان كذا انا قلت مفاتيح

لان الفلوس مؤنث


عشان كذا مالها الا المفاتيح

 

 

 

 

[معلومات العضو حسن بن بطحيه]

صباح الخير للجميع
مشاء الله عليك ياتغلبي الدنيا كلها صح السانك وهو المفاتيح..

بس ودي انك صبرت شوي اشوف ابو مطر وخياليه وابوبدر والربع ..

ابو مطر استاذ للغاز مامعه معشى بس اصبر علي شوي اتعلم وتشوف,,

تقول ياخميس البيت لخير ماينطبق؟ الا هو مربط الفرس..
المفتاح لاراح لاغيرك فتح اي شي لك ساره ولا بيت, والصبر مفتاح الفرج. هذا تصويري
والله اعلم ورسوله وانت ابخص يابو مطر ولا يهنون الربع شكرا للجميع,,

 

 

 

 

[معلومات العضو عبدالله الحافر الغييثي]

لازال عندي تحفظ على البيت الاخير وش درى اللي يلقى مفتاحي انه لذاك الرجال وانت دكتوراه يابن بطحيه ولاني حولك

 

 

 

 

[معلومات العضو ابومبخوت الدوسري]

مشكوووووور يابن بطحيّه على اللغز الطيب

 

 

 

 

[معلومات العضو حسن بن بطحيه]

المشاركة الأصلية كتبت بواسطة خميس مطر الغييثي

ياخميس لبا قلبك ,,

انا اقول يخدمك دامه معك وان راح يخدم من خذاه,,
ان لقا مفتاح سيارتك مثلا وخذاها راح وشغلها او واحد مايعرفك,, تراه احسن لك تقول
تم بدون تحفظ قبل انتعاون انا وبو بدر عليك هههههههه؟؟
خلها تمشي عاد,,

 

 

 

 

[معلومات العضو حسن بن بطحيه]

مشكورررر يابو مبخوت جعل عمرك طويل في حفظ الله

 

 

 

 

[معلومات العضو عبدالله الحافر الغييثي]

تمممممممممممممممممممممممممممممم علي الحرام انها تمممممممممممممممممممم

 

 

 

 

[معلومات العضو تغلبي-الكويت]

حسين بن بطحيه انا معك


واللغز سليم ميه في الميه


ولو بعد مفاتيح الشيطان


هههههههههههه

 

 

 

 

[معلومات العضو بدر ابن نايف]

السلام عليكم

ارحب


الاوله صح الله السانك يالشاعر الفذ


واشكركم على طرح الللغز عندنا

والشباب ماقصرو فى الرمع

صح الله السانك والسان الشاعر

واشكركم على جهودكم الطيبه

تحياتى للجميع

 

 

 

 

[معلومات العضو دوسري خطيير]

السلام عليكم والرحمه

انا والله ما عرفته