معانااااااااااة ليل طويييييييييييييل ؟ تابط خيرا

[معلومات العضو تأبط خيرا]

السلام عليكم ورحمة الله وبركاته



أغيب عنكم وأعود حبا وتقديرا وانتماء


هذه متواضعة شعرية واقعية


عبارة عن معاناة ليل طوييييييييييييييييل



حينما يتعامل شخص مع حاجة لم يتقنها وهناك من حلها عنده يقال له


أعط القوس باريها



وعندما تضيق الروح أقول له


أعط الروح باريها



*******************

من عادتي في العصير ااروح بلحالي = وابعد من الناس جاهلها وصاحيها
اجلى من الصوت واقفل زر جوالي = واقعد خلاوي مع نفسي واحاكيها
ما بين نزف الجروح ولذة امالي = وما بين مستقبل الدنيا وماضيها
اجلس واراقب لفيّ الشمس لا مالي = لا قامت الشمس تسرع في تخطّيها
واستسلمت للمغيب ودبرة الوالي = ولا بقى في السما ياكود باقيها
وانسلّ وجه الشّفق في ثوبه البالي = واخفت خيوط السّنا باقي مواريها
واسدل ظلام الدجى جلباب الاهوالي = واليوم ودّع من الدنيا وما فيها
يغيب يومي وتشرق شمس غربالي = في داخل الروح تسرف بي واصاليها
لا طال ليلي ففال الله ولا فالي = من عبرة في الحنايا العوج كانيها
الليل كن مقدمه ما خلق له تالي = ونجومه الغرّ ما ملّت مساريها
كن العقارب على الساعة تورّى لي = ودقايق الوقت ما تمشي ثوانيها
كن المحاني سُوانٍ فيهن اجفالي = صوت المحاحيل لا من زاد يخويها
اسكت ولا اسمع سوى التنهيت يبرالي = يلجّ في الروح ويبيّح بخافيها
يا بري حالي من الوحدة وعزّا لي = ويا صبر عيني على سِهرٍ مخاويها
العين كن موقها مضروب بخلالي = عجزت جميع الاطبّا لا تداويها
اقلّب الفكر وادرس بعض الاحوالي = واخذ عبر ما مضى في العمر وارويها
عيّنتنا العمر ينقص كلّ ما طالي = واليوم صفحة وكف الليل يطويها
دنياً تقلّب ولا تثبت على حالي = تدوي رحاها ولا تخلف هقاويها
تدور ما ميّزت في شيب واعيالي = والرابح اللي على الطاعة مقضّيها
عينتنا القلب عن نكباتها سالي = في لذة العيش ما وبّع لقافيها
وعيّنتنا الناس مخدوعة بالازوالي = وتغرّها لمعة المظهر وتعميها
التجربة ميّزت في المرّ والحالي = وبداية العلم يمكن عكس تاليها
واليا غدا العلم في تدبير جهّالي = طاحت على روسها عالي مبانيها
ولا صار ما للعرب في امورها والي = تقطّعت سبحة العرّاف بيديها
والعزم ينزل هله في منزلٍ عالي = والنفس ما حققت بالكذب امانيها
لي حاجةٍ مقلقة دايم على بالي = ما ريّحتني وانا ما نيب قاضيها
عقدة زمن مزمنة وتعقّد حبالي = لا قلتنا بانتهي عوّدْت باديها
يطول ليلي والاحي صوت موّالي = وابكي على صفحةٍ كدّرت صافيها
يا ليل همّي بوسط الجوف يجتالي = اللي مضى منك للسّارين يكفيها
هموم الايام يصفق موجها جالي = وبواخر الضيق رسّت بي موانيها
جلست ارجّع شريط العمر واقرا لي = مشاهدٍ بعضها مرّت وناسيها
صحيح مرّت ولكن هي من اعمالي = نسيتها والولي لا بدّ محصيها
الليل طوّل وطوله يسرف بحالي = والشمعة الذايبة باقٍ تواليها
والدمع وقّف على الاوجان ما سالي = متعوّدٍ عبرته دايم يخفّيها
وفي لحظة الياس واخر ما تبقّى لي = سمعت صوتٍ من القبلة وداعيها
( الله اكبر ) وضجّ الصوت متوالي = دعوة فلاحٍ تنجّي من يلبّيها
كنها تنادي من اعلى روس الاقذالي : = ( لا ضاقت الروح فاعط الروح باريها )

محبكم


تأبط خيرا





,,,,,,,,,,,

 

 

 

 

[معلومات العضو أبونواف الدوسري]

صح السانك واعتلا شانك

تأبط خير

وفقك الله...

 

 

 

 

[معلومات العضو مبارك الخييلي]

تأبط خيرا


صح ألسانك والله يبيض وجهك على ذا الأبيات الطيبه


والله يعطيك العافية


تقبل شكري والتقدير

 

 

 

 

[معلومات العضو الشقرديه]

صح لسانكـ واعتلى شانكـ ولاهنت على القصيدهـ

 

 

 

 

[معلومات العضو نايف الخييلي]

تأبط خيراً

حي والله هالشوفه وشوفة الإبداع الشعري الحقيقي

جيتنا عقب غياب وانت متأبط الإبداع والجزاله

رائعه المعنى ورائعه الفكره وجزله بل وقمة بالجزاله


صح لسانك ,,, صح لسانك

 

 

 

 

[معلومات العضو حسن بن بطحيه]

صح الله لسانك على ماقلت يالشاعر,,
طرالي وانا اقراء ذا الرايعه ابن عون في قصيدته المشهوره ,,
يامل قلب يسج وفيه دولاجه... وقبله شاعر يقول حث الركايب وشرقها وغربها..
الله يعطيك العافيه سجل اعجابي وتقبل مروري..

 

 

 

 

[معلومات العضو فراج بن فهد آل تركي]

السلام عليكم ورحمة الله وبركاته

صباح/ مساء الخير ياأستاذنا وكبيرنا الذي علمنا الشعر

العلم / عبدالله بن راجس الخضاري الرجباني :

والله إن الحروف والكلمات تتقزم كلما أردت وصف هذه السامقة التي يحفها
الإبداع من جميع جوانبها

وليس لدي ما أقوله إلا صح لسانك والله يكثر مراحاتك اعصير

تقبل مروري المتواضع

 

 

 

 

[معلومات العضو منذر بن رشود]

السلام عليكم

ابو راجس ارحب ارحب

والله ان حنا ضامين وارويتنا الله يرويك من زلال الجنه


صح لسانك ولاتبطي علينا

 

 

 

 

[معلومات العضو محمد الولامين]

صح لسانك يابوراجس وبيض الله وجهك على ماقدمت

 

 

 

 

[معلومات العضو محمد بن سالم الخضراني]

صح السانك قصيده جزله



لك التقدير والود

 

 

 

 

[معلومات العضو سلام الدوسري]

 

 

 

 

[معلومات العضو الزين]

دنياً تقلّب ولا تثبت على حالي = تدوي رحاها ولا تخلف هقاويها
تدور ما ميّزت في شيب واعيالي = والرابح اللي على الطاعة مقضّيها
عينتنا القلب عن نكباتها سالي = في لذة العيش ما وبّع لقافيها
وعيّنتنا الناس مخدوعة بالازوالي = وتغرّها لمعة المظهر وتعميها
التجربة ميّزت في المرّ والحالي = وبداية العلم يمكن عكس تاليها
واليا غدا العلم في تدبير جهّالي = طاحت على روسها عالي مبانيها
ولا صار ما للعرب في امورها والي = تقطّعت سبحة العرّاف بيديها
والعزم ينزل هله في منزلٍ عالي = والنفس ما حققت بالكذب امانيها

صــ لسانك ــــح وبيض الله وجهك على القصيدهـ الطيبهـ

 

 

 

 

[معلومات العضو طلال بندر الهاجرى]

المشاركة الأصلية كتبت بواسطة تأبط خيرا

السلام عليكم ورحمة الله وبركاته



أغيب عنكم وأعود حبا وتقديرا وانتماء


هذه متواضعة شعرية واقعية


عبارة عن معاناة ليل طوييييييييييييييييل



حينما يتعامل شخص مع حاجة لم يتقنها وهناك من حلها عنده يقال له


أعط القوس باريها



وعندما تضيق الروح أقول له


أعط الروح باريها



*******************

من عادتي في العصير ااروح بلحالي = وابعد من الناس جاهلها وصاحيها
اجلى من الصوت واقفل زر جوالي = واقعد خلاوي مع نفسي واحاكيها
ما بين نزف الجروح ولذة امالي = وما بين مستقبل الدنيا وماضيها
اجلس واراقب لفيّ الشمس لا مالي = لا قامت الشمس تسرع في تخطّيها
واستسلمت للمغيب ودبرة الوالي = ولا بقى في السما ياكود باقيها
وانسلّ وجه الشّفق في ثوبه البالي = واخفت خيوط السّنا باقي مواريها
واسدل ظلام الدجى جلباب الاهوالي = واليوم ودّع من الدنيا وما فيها
يغيب يومي وتشرق شمس غربالي = في داخل الروح تسرف بي واصاليها
لا طال ليلي ففال الله ولا فالي = من عبرة في الحنايا العوج كانيها
الليل كن مقدمه ما خلق له تالي = ونجومه الغرّ ما ملّت مساريها
كن العقارب على الساعة تورّى لي = ودقايق الوقت ما تمشي ثوانيها
كن المحاني سُوانٍ فيهن اجفالي = صوت المحاحيل لا من زاد يخويها
اسكت ولا اسمع سوى التنهيت يبرالي = يلجّ في الروح ويبيّح بخافيها
يا بري حالي من الوحدة وعزّا لي = ويا صبر عيني على سِهرٍ مخاويها
العين كن موقها مضروب بخلالي = عجزت جميع الاطبّا لا تداويها
اقلّب الفكر وادرس بعض الاحوالي = واخذ عبر ما مضى في العمر وارويها
عيّنتنا العمر ينقص كلّ ما طالي = واليوم صفحة وكف الليل يطويها
دنياً تقلّب ولا تثبت على حالي = تدوي رحاها ولا تخلف هقاويها
تدور ما ميّزت في شيب واعيالي = والرابح اللي على الطاعة مقضّيها
عينتنا القلب عن نكباتها سالي = في لذة العيش ما وبّع لقافيها
وعيّنتنا الناس مخدوعة بالازوالي = وتغرّها لمعة المظهر وتعميها
التجربة ميّزت في المرّ والحالي = وبداية العلم يمكن عكس تاليها
واليا غدا العلم في تدبير جهّالي = طاحت على روسها عالي مبانيها
ولا صار ما للعرب في امورها والي = تقطّعت سبحة العرّاف بيديها
والعزم ينزل هله في منزلٍ عالي = والنفس ما حققت بالكذب امانيها
لي حاجةٍ مقلقة دايم على بالي = ما ريّحتني وانا ما نيب قاضيها
عقدة زمن مزمنة وتعقّد حبالي = لا قلتنا بانتهي عوّدْت باديها
يطول ليلي والاحي صوت موّالي = وابكي على صفحةٍ كدّرت صافيها
يا ليل همّي بوسط الجوف يجتالي = اللي مضى منك للسّارين يكفيها
هموم الايام يصفق موجها جالي = وبواخر الضيق رسّت بي موانيها
جلست ارجّع شريط العمر واقرا لي = مشاهدٍ بعضها مرّت وناسيها
صحيح مرّت ولكن هي من اعمالي = نسيتها والولي لا بدّ محصيها
الليل طوّل وطوله يسرف بحالي = والشمعة الذايبة باقٍ تواليها
والدمع وقّف على الاوجان ما سالي = متعوّدٍ عبرته دايم يخفّيها
وفي لحظة الياس واخر ما تبقّى لي = سمعت صوتٍ من القبلة وداعيها
( الله اكبر ) وضجّ الصوت متوالي = دعوة فلاحٍ تنجّي من يلبّيها
كنها تنادي من اعلى روس الاقذالي : = ( لا ضاقت الروح فاعط الروح باريها )

محبكم


تأبط خيرا





,,,,,,,,,,,

صح الله السانك و الا هنت علي القصيده الجزله من شاعر جزل و قصيده واضحه من

صميم القلب واقيه و لك مني جزيييييييييييييل الشكرعلي الابداع الرايع و الجميل

تقبل مروووووري وتحيااااااااااااتي لك مع جزيييييييييل الود و الاعجااااااااااااااااااااب

 

 

 

 

[معلومات العضو فيصل الشكري]

الشاعر القدير / تأبط خيرا


صح لسانك على القصيده الجزله والمعاني الجميله



وبارك الله فيك



تقبل تحياتي,,

 

 

 

 

[معلومات العضو حنيان الدوسري]

الشاعر الفذ والأستاذ القدير : عبدالله بن راجس الخضاري

صح بدنك وسلم لنا فكرك الفذ الذي أخرج لنا درة كهذه

دمت ودام نزفك الشعري المميز