إبن كليب آل مانع آل عمار (( الكرم على مستوى نجد ))

[معلومات العضو بن بطي آل مانع]

قصة الشيخ ابن كليب العماري رحمه الله

--------------------------------------------------------------------------------

كان الشيخ ابن كليب رحمه الله مشهور بالكرم على مستوى قبائل نجد وفي زمن حاجة وقحط...

فقد عرضوا عليه اهل ركايب وضافوه وما كان عنده ما يقدمه لهم...

الحاصل انه تدبر امر ضيافتهم بدين من رجل يعرفه ثم ان احدهم طلب منه ان يبيع غرسه(النخل) حتى يسد حاجته ولكن كان رد ابن كليب العماري رحمه كالتالي:





يا الله يامنهـو مـن الضـد فـزاع=يا والي امرك على الناس مطيـوع

يا مستجيب انـك لداعيـك سمـاع=ولا دعيت الغير مانيـب مسمـوع

ابرج لمن قلبه غـدا فيـه رمـاع=من كثر مابه من الدواكيك ورمـوع

نشري الثنا من عند بياعة الصـاع=لاعاد جانبهم مـن اللـوم مطيـوع

من مالهـم ناخـذ ونلقـى توسـاع=كم واحد نشبع وهـو ميـت جـوع

يا سايمين الغـرس مانيـب بيـاع=يامهبلك ياللـي تسومـه بمقطـوع

اسـوم سـوم باغـي بـه تمنـاع=من واحد دينه مـن العـام مدفـوع

ابغي لامن استـوا زيـن الانـواع=نظهر مواجيبه على كـل مشـروع

خمس مواجيبه علينـا لـه اتبـاع=مانيب صعب مير قدني لها طـوع

اما على خصه رفيـق الـى جـاع=ولا ضعيف فيـه للخيـر مصنـوع

في جاله الادنيـن لاجـو شـراع=بنيه على الجيران مهوب مرفـوع

وان جو اهل هجن من البعد خراع=يشكون اهلها من ظما القيظ والجوع

افز لهـم لامـن لفونـي تطـراع=مانيب من كنه من الضيف مقمـوع

نجري لهـم بالبـن قبـل التمتـاع=بن يسـوى باطيبالهيـل مشمـوع

ياغرس ياللي في الفضا مثل لاقطاع=مثل الجهام اللي على العد مقـروع

ماخز بالجدران عـن كـل طمـاع=لو كان في ريدا فلا هوب مطمـوع

سوره بني عمـي مسويـن لفنـاع=اللي لهم صعب القبايل تجي طـوع

سوره مواصيل مع كل صعصـاع=ومسلبـات زادهـا كـل مميـوع

نفرح الى جانا عـن الشـر دفـاع=وفعالـة لاعـاد ماهـوب مدفـوع

 

 

 

 

[معلومات العضو أميرة الكلمة]

(( زايـــــدي لا من زهمني زايـــــدي و تــغــلــبـــي لا من زهمني تــغــلــبـــي))


(( خــيـــالـة الجـــدعـــا )) آل عــمـــار (( لــبـــاس الـجـــوخ ))

والنعم ب ( آل عمار ) والنعم بالشيخ ابن كليب

( الله يعطيك العافية )

 

 

 

 

[معلومات العضو ابوعويس]

بارك الله فيك ياابن بطي
على ايراد هذه القصة


للمعلومية القصيدة مختزلة بالاضافة للقصة

 

 

 

 

[معلومات العضو بن بطي آل مانع]

الله يرحم والديكم شاكر على مروركم يا إخوان...

 

 

 

 

[معلومات العضو ابو زيد الغييثي]

رحم الله ابن كليب كان مضربا ً للمثل وسيبقى

لاهنت يالقرم على هذا النقل

ولا خلا ولا عدم


ابو زيد

 

 

 

 

[معلومات العضو ال ذيب]

لاهنت يا بن بطي وقصة ابن كليب اشهر من نار على علم

 

 

 

 

[معلومات العضو طموح]

والنعم في الشيخ ابن كليب ال مانع

ومشكور على الطرح

 

 

 

 

[معلومات العضو ابن زايد]

بيض الله وجهك على هالمعلومات القيمة والله يرحم ابن كليب ونعم بآل عمار مزبنة المجنىٍ

 

 

 

 

[معلومات العضو ال وتيد]

ونعم ونعم ونعم ببن اكليب والله لا يهينك وبيض الله وجهك

 

 

 

 

[معلومات العضو نآصر البدراني]

الله يغفر له ويرحمه ويتغمد روحه الجنه > آمين




لاهنت يبن بطي على سرد قصة علم


من اعلام الدواسر الشيخ ابن كليب العماري رحمه الله

 

 

 

 

[معلومات العضو ابن دمجان الودعاني]

يستاااااهل ابن كليب العلم الطيب ولايستغرب الطيب من منبعه.....

 

 

 

 

[معلومات العضو خالد المشاويه]

الله يرحمه ويسكنه الجنة

اشهر من نار على علم

 

 

 

 

[معلومات العضو ابومبخوت الدوسري]

يعطيك العافيه يابن بطي على القصة والقصيده


تقبل تحياااتي

 

 

 

 

[معلومات العضو رمح المساعره]

الف شكر ابن بطي ماقصرت..
الله يرحم ابن كليب رجل كريم جواد معروف وقد ذكره مؤلف كتاب (قبيلة الدواسر ): سعد بن ناصر المسعري الدوسري ووضعه من مشاهير الدواسر .

اكرر شكري

 

 

 

 

[معلومات العضو عبدالرحمن بن فلاح آل بريك]

والنعم في الشيخ ابن كليب ال مانع

ومشكور على الطرح ,