الشيخ/سعدبن مبارك آل قرنين _ أهداء بمناسبة زواجـه

**معلومات** **العضو** · 16-01-2009, 10:19 AM

هذه القصيده مهداة لإبن العم الشيخ/سعد بن مبارك آل قرنين بمناسبة زواجــه / أقــول فيـها

-------------------------------------------------------------------

مبـداي بـإسم اللي نعبـده ونرجيـه=رب الســماء والأرض والعالميـنا
الواحــد المــاحود ماضــل هـاديـــه=ومـن بعـد ذكره بـالمـثايل بديـنـا
زان الكــلام وزان شـعراً نسـويـــه=نكــتب من الخــاطر كلامـاً ثميــناً
من كل زهراً زيـن بإخلاص نـاقيــه=يفــوح مثـل الفـل واليـاسـميــنا
مخـصوص للي ماحداً لامـنى فيـه=اليـاقيـل بآل قرنيـن قـالوا رضيـنـا
ســلام يـارجــلاً نـعــزه ونـغـلـيـــه=رجـلاً بصـعبـات المـواقـف يبــيـنــا
سلامــاً أفضل مانجـيبـه ونـهـديـه=من قلب مخلـص قلتـها صـادقـينــا
منصـاة أبو فيصل ونعم بمنـاصيـه=لنـا الفـخـر ياقـيـل مـنــا وفـيـــنـــا
جيــنـا نبـارك لك وخاطـرك نرضيه=بـأفـراحـكم نــاقـف ومـتـشرفـيـنــا
الله على جمـيـع فـعـلـه يـهـنـيــه=وعسـاه راضـي يـاجمـاعـه عليـنــا
على الكرم والجود تعرف مباديـه=ذبـاح للـضـيــفـان جــزلاً سـميـنــــا
سعدبن مبارك بارك الله مساعيه=طيــب ومـن ربــعاً بـعـد طـيـبــينــا
محـداً جحـد فعـله ومـدة أيـاديـه=يعــط الـسـميـنـه كلنــا مـانـسيـنــا
الله لربعــه يـاجـماعــه يـخليـــه=يـبــقى لنــا ذخـــراً بكـل السنـيـنــا
فخرالقصايد يوم ترسم مماشيه=على الشرف والـعـز علـمـاً يقـــينــا
وسلام يـارجــلاً نـعزه ونـغليـــه=رجـلاً بصـعبـات المـواقـف يبــــينـــا

شعر / مبارك بن مسفر بن زبنان آل بو سباع

جريدة الرياض يوم الجمعه الموافق 19/1/1430هـ الصفحه ( 31 )

**معلومات** **العضو** · 16-01-2009, 01:07 PM

صح لسانك اخوي مبارك على القصيده

ويستاهل سعد بن قرنين المدح

وتقبل تحياتي,,

**معلومات** **العضو** · 16-01-2009, 01:34 PM

صح لسانك اخوي مبارك على القصيده

ويستاهل سعد بن قرنين المدح

**معلومات** **العضو** · 16-01-2009, 04:17 PM


	بسم الله الرحمن الرحيم الحمد لله هلى كل حال ألف مبروك زواج الشيخ /سعد بن مبارك آل قرنين راعي المزايين كريم الخصال وعساه على القوة ونقول كما قال الرسول صلى الله عليه وسلم ( بارك الله الهما وبارك عليهما وجمع بنهما على خير ) صح لسانك اخوي مبارك على القصيده

**معلومات** **العضو** · 16-01-2009, 10:20 PM

أشكرك الجميع على الحضور والتعليق على هذه القصيده المهداة لأبن عمي الشيخ / سعد وأبو فيصل يستاهل كل المدح لأعماله التي لم يطلع عليها أكثر الناس ومنها على سبيل المثال تبرعه بمليونين ريال لأعتاق رقبــه أخونا وأبن عمنا الصخيبري وموقفه العظيم أمام / ظافر بن هلتان الرميضي لأعتاق رقبه أخونا محمد بن مترك ومقولته الشهيره / أنا ومالي تحت تصرفك وأنت ياظافر أبوي الثاني

تحياتي للجميع ويستاهل المدح من فعل الطيب

**معلومات** **العضو** · 16-01-2009, 11:02 PM

بيض الله وجهك يامبارك وصح الله السانك

ويستاهل ابو فيصل ماقيل فيه من مدح واكثر

تحياااااااااااااااااااااااااااتي

**معلومات** **العضو** · 16-01-2009, 11:17 PM

بيض الله وجهك ويستاهل ابو فيصل

**معلومات** **العضو** · 16-01-2009, 11:53 PM

صح لسااااانك اخوي وماقصرت على القصيده

**معلومات** **العضو** · 21-01-2009, 10:23 AM

ألف مبروك زواج الشيخ /سعد بن مبارك آل قرنين
راعي المزايين كريم الخصال وعساه على القوة ونقول كما قال الرسول صلى الله عليه وسلم ( بارك الله الهما وبارك عليهما وجمع بنهما على خير )
صح لسانك اخوي مبارك على القصيده

**معلومات** **العضو** · 25-01-2009, 05:26 AM

صح لسانك اخوي مبارك على القصيده

ويستاهل سعد بن قرنين المدح

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية