|
|||||||
18-07-2008, 03:10 PM
|
#1 | ||||
|
إحلم على الجاهل....
|
||||
|
|
|
|
18-07-2008, 03:19 PM
|
#2 | ||||||
|
رد: إحلم على الجاهل....
عليه الصلاة والسلام....
|
||||||
|
|
|
|
18-07-2008, 04:29 PM
|
#3 | ||||||
|
رد: إحلم على الجاهل....
تراه ما ينــفعك خالك ولا أخــوك = لا صار ما تقضي لزومك بيمــــناك وربعك ليا بان الخلل فيك عافــــوك =أقرب قريب ٍ لك من الناس يشــــناك كنك سراج البيت للنور شــــــبوّك = وإلى إنقضى اللازم حدا الربع طفـــاك تراك لو تنجع على الربع صــــعلوك = أحسن من اللي نلتجي به وياطــــاك إن طبت ما حبوّك وإن عبت زالــــوك = تمضي حياتك ناقل ٍ داك بريــــــاك وإحلم على الجاهل ترى الحلم مبروك= وقم للضعيف اللي من الظيم ينخــاك لاهنت علي النقل الطيب ياخوي وبيض الله وجهك
|
||||||
|
|
|
|
18-07-2008, 11:59 PM
|
#4 | |||||
|
رد: إحلم على الجاهل....
اقتباس:
ارحب وأسهل يابو نواف.....
مرورك شرفني يالغالي.....
|
|||||
|
|
|
|
19-07-2008, 10:02 AM
|
#6 | ||||
|
رد: إحلم على الجاهل....
عليه الصلاة والسلام....
|
||||
|
|
|
|
19-07-2008, 01:56 PM
|
#7 | ||||
|
رد: إحلم على الجاهل....
احسنت الحلم واجب على الجاهل
|
||||
|
|
|
|
19-07-2008, 06:35 PM
|
#8 | |||||
|
رد: إحلم على الجاهل....
اقتباس:
لاهنتي اختي الزين...
شرفني مرورك ...
|
|||||
|
|
|
|
19-07-2008, 06:38 PM
|
#9 | |||||
|
رد: إحلم على الجاهل....
اقتباس:
ياهلا وغلا اخوي نواف ....
مرورك زادني شرفاً....
|
|||||
|
|
|
|
19-07-2008, 06:39 PM
|
#10 | |||||
|
رد: إحلم على الجاهل....
اقتباس:
ارحب واسهل يابو فهد..... يشهد الله على غلاكم يالغياثات.... شرفني مرورك..
|
|||||
|
|
|
|
19-07-2008, 06:48 PM
|
#11 | |||||
|
رد: إحلم على الجاهل....
اقتباس:
أخ فرحان فعلاً الجهال كثر ...
وهناك أيضا من يجهل الشعر... ويتواجدون في كل مكان..... ولاكن يبدو أنك فهمت البيت فهماً خاطئاً.... فكيف تريد من الجاهل أن يحلم.... بل العكس صحيح.... على الرزين والمتفهم أن يحلم على الجاهل اللذي يتفوه بملئ فمه.... وهو ليس بأهلاً لكلامه.... ودمت بود....
|
|||||
|
|
|
|
19-07-2008, 06:50 PM
|
#12 | |||||
|
رد: إحلم على الجاهل....
اقتباس:
اشكرك أخي صاحب المعرف " الدفاع المدني " على ايراد بعض
ابيات الشاعر الكبير سليمان بن شريم وما اوردته أخي الكريم هو نصف ما قاله الشاعر واذا سمحت لي اخي الكريم بايراد هذه الابيات كامله حسب ما اعرفه وهــي :
يا من لعينٍ في محاجيرها شوك=والقلب به عن لذة النوم تكاك لا دك في قلبي من الهم داكوك=جاوبت طربان الحمايم والادياك عزي لحالك يا عزيز وانا ابوك=كان الزمان اللي وطاني توطاك (( امشي وكني يا عزيز بتابوك=في حبس جبارٍ تحت حكم الاتراك)) على عشيرٍ دونه الباب مصكوك=ما غير امره واتعداه مناك بابٍ وراه حروس ما هو بمفكوك=ومبرزٍ دونه مكاين وشباك وبقيت انا في حضرة الوقت مملوك=دولة زمانٍ بين جاك وتعداك افهم وصاتي ياعزيز وانا بوك=دامك صغير وغاية العلم يقراك تراه ما ينفعك خالك ولا خوك=لا صار ما تقضي لزومك بيمناك وربعك الى بان الخلل فيك عافوك=اقرب قريبٍ لك من الناس يشناك ان كثر مالك صدقوا لك وطاعوك=وان قل ما بيديك شانت سجاياك لو تطلب الما عندهم كان ما اسقوك=ابعد مزارك عن وطنهم ومرباك ان جاد حظك صدقوا لك وزاروك=وان بار كلٍ ما يبي غير فرقاك والى اعترض لك من صروف النيا صوك=كلٍ تبرا منك ما هو بوياك وهراجة المجلس الى جيت وروك=منازل تطرب نظيرك بدنياك والى قضوا منك اللوازم وخلوك=تفرقوا وانت احتمل كل ما جاك كنك سراج البيت للنور شبوك=والى قضى الوارد حدا الربع طفاك والا كما ليمونة الحمض مصوك=والى قضى منه الطعم فرغوا لذاك واللي يجي من رفقته ريب وشكوك=احذر عنه لياك تصدق بمسراك والى جفوك اهل الوطن واستخفوك=قلّع غريسك منه واهدم ركاياك تراك لو تنجع على الرجل صعلوك=احسن من اللي تلتجي له وياطاك عطهم وضيايفهم الى منهم جوك=وغلّق ضميرك لا تعلم بقصياك وخدمتك شيخٍ كنك العبد مملوك=يامرك فيما يشتهي وانت ينهاك اعرف تراك مبرقعٍ منه مشبوك=حدّرك في حبل المهالك ولا ارقاك واصحا لخلان الرخا لو تغالوك=اعرف ترى اطيبهم الى احتجت يجفاك كنك خوي مقيط دهووك واغووك=وحقك عطاك رشاك واقفى وخلاك واحذر عن العيله ترى الحق مدروك=مثل العمل يدرك ما منه فكاك وان كان عدوانك على الضيق حدوك=اخصم طلابتهم بعجفاك وقداك وان كانهم لمشرّف الحق ماشوك=ناظر مطاليع الفرج قبل مبداك وان طوعوا شيطان الانفس وهانوك=فاصبر على البلوى ودفنت رزاياك زرهم تراك الى توانيت زاروك=اما بديت بصاحب السو يبداك مادامهم ماطاوعوا لك وعرفوك=اضرب على الكايد الى عمست ارياك لو هذبوك من المصايب وضدوك=ما يذبحونك قبل تدني مناياك واحلم عن الجاهل ترى الحلم مبروك=وقم للضعيف اللي من الضيم ينخاك وادمح خطا جيران بيتك الى اوذوك=ترى القصير وحرمة الجار بحماك عطهم رواتب حقهم لو تناسوك=في كل ما يصلح لدينك ودنياك وقم للضيوف الى عنوا لك وضافوك=اغلى كرامتهم حجاجك وبشراك واعرف ترى ما لك من الضيف مشروك=لولاه يطلب حاجته فيك ماجاك وقم للرجال ان ريعوا لك وحبوك=واحشم خويك واكرمه عند ملفاك والى اعتبرت بسيرة الناس كفوك=ما كثر من شي تعبته وعناك ولا تبات بهم دنياك مضنوك=ما طاب لك مادام لك وافتهم ذاك لو يطلبون اخفايك الناس ما اخفوك=والرجل مثل النجم في كل الافلاك وصلاة ربي عد الاوراق والشوك=ما ناض براق وما هل سفاك على الذي ما فيه ريب ولا شكوك=محمد مادك بالقلب دكاك أخوكم / ابو زيد الغييثي
|
|||||
|
|
|
|
19-07-2008, 07:00 PM
|
#13 | ||||
|
رد: إحلم على الجاهل....
اررررررررررررررررررررررررحب يابو زيد.......
ومايحتاج تستاذن طال عمرك..... امش طول وعرض وعدل اللي تبي وامسح اللي تبي....... وأنا متأكد إنك لو تسأل اي واحد بالمنتدى إن يقولك هالكلام....... لاهنت على مرورك الجميل والرائع يالقرم...... دمت بود....
|
||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 09:55 PM
