" زبون الكايـــده "

[معلومات العضو عبدالرحمن بن دعس]

[CENTER]الســـلام عليكم ورحمه الله وبركاته ,,

مــســاء // صبـــااح الخير ,,

كيف الحال ,,

اقدم بين يديكم قصيده جديده ,,

فخر لا يضاهيه فخر ,,

فخر بقبيله الدواسر ,,,

وكان ذالك وقت ملتقى الدواسر الثالث في الكويت ,,

وما قصروا شعراء الدواسر لكن ما حصل فرصه اني اقولها ,,

وكان على رأس الحضور الشيخ // فيصل الحمود المالك الصباح , سفير دوله الكويت

في الأردن ,,

وحضور الأمير // محماس بن قويد ,,


إلــــيـــكــم الــــقـــصيـــده ,,

يا مرحبا والنور فاق النور ما كنا بليل=يا سعد عيني بالرجال اللي تعز أرجالها
أهلا وسهلا وابرك الساعات والفرحه دليل=شوف الكويت أمواجها ترقص فرح في جالها
برق ٍ سرى من نجد والوادي وخفاقي يخيل=ولا خير في قوم ٍ توانا في مقام أبطالها
يا شيوخنا يا عزنا يا غصن الامجاد الضليل =قول وفعل والناس نكرمها بقد أفعالها
حنا الدواسر يوم مأرب طاح والديره تسيل=عشنا فخر قبيلة ٍ عصما يضل أضلالها
دام الاصيل يموت ويخلف بعد موته أصيل=حنا زبون الكايده لو كشرت بأهوالها
لا قيل يا أهل الخيل والشلفا وتخضيب الصقيل=نقدم على العدوان لين تشيب روس أطفالها
ياما ذرانا ضم من جانا من الدنيا ذليل=وحنا فزعنا للمره بالي غدو بأعيالها
ما نطرح الا الشيخ لا شبت على راس الفتيل=ونفخر بشيخان ٍ شربنا بالوغى فنجالها
حنا كذا نعشق جميع اللي يسمى مستحيل= والقمه أصلا ً تحتنا يا شمسها وهلالها
فينا الكرم فطره ودامك دوسري منت ببخيل=نفدي لعين المرجله بجنيهها وريالها
وخطو الولد دايم على الصعبات لو وقته يميل=والصعبه أن كانت سما قولولها حنا لها
وبقول كلمه والشرافي لا قصد قال الجزيل=حنا زبون الكايده لو كشرت باهوالها

وسلامتكم ,,

أخوكـــم : عبدالرحمـــن بن دعــس الـــشرافي ,

 

 

 

 

[معلومات العضو مبارك الخييلي]

ووونعم وونعم يالشرافي


صح ألسانك


وجعل يمينك سالمة على ماخطيت لنا من أبداع طيب مبارك منك


لاهنت وبيض الله وجهك لنقلها لنا


تقبل شكري والتقدير

 

 

 

 

[معلومات العضو ابو زابن المسعري]

الاخ العزيز والشاعر الجزل عبدالرحمـــن بن دعــس الـــشرافي بيض الله وجهك على هذه القصيده الجزله وصح الله السانك مليووون ولا يكفووون,

 

 

 

 

[معلومات العضو عبدالعزيز عبدالرحمن الفوزان]

الشاعر المبدع الأخ/ عبدالرحمن صح لسانك وبيض الله وجهك نحن بحاجة لمثل هذا الإبداع وفقك وتفبل أجمل التحايا

 

 

 

 

[معلومات العضو عبدالرحمن بن دعس]

اشكر جميع المرور


اخوكم عبدالرحمن بن دعس

 

 

 

 

[معلومات العضو يحيى الودعاني]

صــــــــــــــــــــــــــــــــــــــــــح لسانك و عتلا شانك


و بيض الله وجهك


لاهنت

 

 

 

 

[معلومات العضو شافي القويسي المخاريم]

الاخ الكريم...


عبدالرحمـــن بن دعــس الـــشرافي ,



صح لسانك على ما قدمته


يعطيك العافيه على القصيده الجزله


و اعذرني على التنسيق


تقبل تحياتي