اممم شاكه وابي اتأكد

**معلومات** **العضو** · 24-03-2008, 01:25 AM

السلاااام عليكم يالربع

بدون مقدمات يقولون لابغيت تاخذ الشي الاكيد خذه من المصدر

عشان كذا انا جيت عندكم مير اني متوهقتن بشي وشاكتن به

بالاختصار الشديد ابي اعرف هو انا دوسريه ولا لا

لان كثير قالوا عايلتك من الدواسر

طبعا بتقولون وش دعوه انتي ماتعرفين

اممم انا طول عمري عايشه بالشرقيه مع خوالي وخوالي من حايل من ال شيخ<<وش دخل هذا بالموضوع الحين لووول

الزبده ان اهل ابوي مابين حايل والرياض

وانا ماراوح هناك كثير ومدري واصلا ومعرف اي شي عن كلام القبايل والفخوذ والى اخره

عشان كذا ياطويلين العمر والسلامه

ابعطيكم اسم عايلتي وتشوفون هم دواسر صحيح

لان ناس قالو انتم دواسر من حريملا
وناس قالو انتم صخابره
وناس قالو من ال زايد والله مخي انحاس

مالكم بالطويله اسم العايله>>>الهديان

واذا تبون اي معلومات ثانيه تقدر تساعدكم بالبحث

قولو عادي انا اعطيكم

ومشكورين على اي مجهود بتسوونه

**معلومات** **العضو** · 24-03-2008, 01:40 AM

هلا والله بالاخت كبريا الله يكفينى شر الكبر

اولا ارحبك في المنتدى

فاهلا وسهلا بك

وإذا تبين العلم الاكيد

اسألي ابوك او أخوك أو خالك او عمك

وهم اللي بيعطونك الكلام الصحيح

**معلومات** **العضو** · 24-03-2008, 01:58 AM

ياهلا فيك ابو زابن وماتقصر

المشكله ان السالفه شوي معقده لان اعمامي عنوز من حايل وابوي يصير اخوهم من الام وهو الوحيد اللي ساكن بالرياض واللي عايلته مختلفه طبعا

وانا سبق وسألت من قريب وقال الهديان دواسر من حريملا

بس تعرفون مابي اقول كلام انا مو متأكده منه

عشان كذا قلت اسألكم انتم ابخص

وعموما كل ماسال عن العايله قالو دواسر

بس ابي اعرف اي دواسر لان الدواسر كثير

واكرر شكري على مرورك

**معلومات** **العضو** · 24-03-2008, 06:31 PM

مرحباااا فيك أختي كبريااء في المنتدى الرسمي لقبيلة الدوااسر

إن شااء الله الاخوان المختصين في النسب يساعدونك ،،،

تقديري واحترامي ،،

( للرفع )

**معلومات** **العضو** · 25-03-2008, 12:38 AM

الهديان ــ من ال سدحان من ال بلدي من عط بنو زيد في مدينة شقراء

الهديان ــ الدواســـــــــــــــــــر فلاج

**معلومات** **العضو** · 25-03-2008, 02:06 AM

الله ينولك ماسعيتي له
ويحقق لك مرادك
ان شاء انك وصلتي للمكان الصحيح
ومارح يقصرون الاخوان معاك
تحياتي لك

**معلومات** **العضو** · 25-03-2008, 05:55 PM

مشكورين والله كلكم ماتقصورن

شكلي كذا بتعبكم معي

الاخ فهد قال ان الهديان من ال سدحان يعني اللي افهمه ان ال سدحان من الدواسر

عموما انا قبل مااكتب موضوعي حست بالمنتدى شوي

وشفت موضوع عن جميع العوايل اللي تنتمي لقبيلة الدوسري
ولقيت ان الهديان من قبيلة الخضران من الوبارين من ال حسن ال زايد الدوسري

يعني اممممم والله مخي انحاس

عموما ان بأذن الله واثقه بهالمنتدى ومعلوماته الصحيحه

واذا تحتاجون من اي معلومه عن العايله انا مستعده

واقدر لكم مجهودكم الرائع وشكرا

**معلومات** **العضو** · 25-03-2008, 11:07 PM

اقتباس:

المشاركة الأصلية كتبت بواسطة كبرياء

مشكورين والله كلكم ماتقصورن

شكلي كذا بتعبكم معي

الاخ فهد قال ان الهديان من ال سدحان يعني اللي افهمه ان ال سدحان من الدواسر

عموما انا قبل مااكتب موضوعي حست بالمنتدى شوي

وشفت موضوع عن جميع العوايل اللي تنتمي لقبيلة الدوسري
ولقيت ان الهديان من قبيلة الخضران من الوبارين من ال حسن ال زايد الدوسري

يعني اممممم والله مخي انحاس

عموما ان بأذن الله واثقه بهالمنتدى ومعلوماته الصحيحه

واذا تحتاجون من اي معلومه عن العايله انا مستعده

واقدر لكم مجهودكم الرائع وشكرا

السدحان من بنو زيد ويقيمون في محافظة شقراء

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية