ياليت تفيدوني بالقصيدة كامله

[معلومات العضو حسن بن بطحيه]

السلام عليكم ورحمه الله وبركاته


يوجد بيت شعر من قصيدة للشاعر ((حمد الغيهبان المري))


يقول فيه

ابليس والدنيا ونفسي والهوى=كيف النجاة وكلهن اعدائي

ياليت تفيدوني بالقصيدة كامله

 

 

 

 

[معلومات العضو العماني]

هذه هي قصيدة حمد بن الغيبهان المري التي منه البيت الذي ذكرته علما ان الشاعر ضيدان بن قضعان اقتبس البيت بقصيدة مماثله

قال الشيبي والذي يدنى له =من خيل نجد ٍ مهرة ٍ شعوائي
ابرها ولا بعد ركبتها=لا بوردتنا على الاطوائي
مايقدر الرجل القصير يعنها=الا يعرضها على السندائي
لقيت يوم كاعب مرعوبة=تبكي وتذرف عينها النجلائي
لاهي قصيره قصرها شنيعه=ولاهيب لا طويلة عنبائي
لاهيب لا شنعا ولا مبدوله=ولاهيب صورا عينها قلبائي
له قلت يابيضا عليك بسترك=العز حدر النصبة البيضائي
جمالها يزهي حسين طبوعها=عفيقة عاشت بطيب ربائي
لحقت شيخ القوم قم قضعته=قضع الجمل بالصدر بالظلمائي
طعنت انا بالخيل طعن ٍ جيد=لما كسيت قطيّهن دمائي
ذبحت منهم سبعة وثمانية=ورديت هزلاهم على الجزلائي
يالله يالمعبود ياوال السما=ياللي بغيب الكائناتي ادرائي
ياللي اللي ما قال كن كان الحيا=احياء العظاة البالية بالمائي
انا بليت بغلمة ٍ لم يفهموا=الا بكثرة شقوتي وعنائي
ابليت بالدنيا ونفسي والهوى=كيف النجاة وكلهم اعدائي
نفسي تمنيني بطرق مهونتي =وانا مضريها على الجزلائي

 

 

 

 

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

بن بطحيه الودعاني


لاهنت على سؤالك عن هذه القصيده المشهوره


أبو مبارك العماني جعل يمناك مايجيها العطب


كفيت ووفيت جعلك حي وغني


تحياتي للجميع


محبكم دغش البطي

 

 

 

 

[معلومات العضو حسن بن بطحيه]

أستاذي العزيز العماني


شكرا على سرعة التجاوب ولاغرو في ذلك انت الموسوعه

نستمد منه ثقافتنا ومثل ماقال المثل((السمن في العتاقي))


والشكر موصول للأخ العزيز دغش البطي على المرور


من محب الجميع // الوحيد